Jeremías 27:17 - Biblia Enxet

¹⁷ ¡Nágkóleyxho aqsa! Kólmésaxche sa' ma'a wesse' apwányam Babilonia, keñe sa' kólweynchamha chá'a. ¿Yaqsa ektéma kéltémo nak etnekxak nápakha'a apketkók se'e tegma apwányam nak?

Jeremías 27:17 ပူးပေါင်းရင်းမြစ်များ

Jeremías 38:17

Keñe axta Jeremías aptáha apcháneya Sedequías se'e: —Aptáhak Wesse' ekha apyennaqte, Dios apagkok nak Israel se'e: ‘Apmeyásékpek sa' agkok xép ma'a sẽlpextétamo apkelwesse'e apagkok nak wesse' apwányam Babilonia, ewagkasakpok sa' xép teyp, yetlo apnámakkok, megkólwatnekxeyk sa' nahan se'e tegma apwányam nak.

Jeremías 38:23

Axta aptáhak Jeremías apcháneya wesse' apwányam se'e: —Kólmések sa' caldeos ekyókxoho apnaqteyegka'a nak xép, wesse', ekweykekxoho m'a apketchek, megyegketek sa' xép xa énxet'ák nak, kólmések sa' wesse' apwányam Babilonia, kólwatnek sa' ma'a tegma apwányam.

Jeremías 42:11

Nágkóle aqsa m'a wesse' apwányam Babilonia, kéláya kélagko' nak chá'a kéxegke. Nágkóle', hakte ekheyk ko'o xamók kéxegke yaqwayam alwagkasek teyp tén han almallahanchesek neyseksa apmáheyo elmok. Ko'o sekxeyenma xa, sektáha nak Wesse'.

Jeremías 7:34

Amasséssók sa' ko'o kélmeneykmasso nak kélessawássessamo tén han ekpayheykekxa egwáxok ma'a tegma apkelyawe nak Judá, tén han ma'a ámay nak Jerusalén, tén han ma'a negmeneykmasso nak chá'a sẽlyamhopma; meyke xama aqsok sa' katnekxak ekyókxoho xa apchókxa nak.”