Jeremías 27:14 - Biblia Enxet

¹⁴ Nágkóleyxho aqsa xa apkelxeyenma nak chá'a apkellegasso Dios appeywa, apkeltémo nak chá'a megkólmésaxcheyk ma'a wesse' apwányam Babilonia, hakte wanchek amya'a m'a aptémakxa nak chá'a apkelanagkama.

Jeremías 27:14 ပူးပေါင်းရင်းမြစ်များ

Jeremías 14:14

Tén axta Wesse' egegkok aptáha seyátegmowágkokxo s'e: “Aptemék agkok chá'a apkelxeyenma sekpeywa apkellegasso nak chá'a sekpeywa xa ektáha nak, apkelmopwancha'a amya'a. Malapháseykha ko'o m'a, magkéssók nahan sekpeywa xama enxoho, malpaqhetchessók nahan. Háwe naqsók ma'a aqsok apkelwete, mékoho agko' ma'a apkelya'áseykegkoho nak ektémakxa aqsok ekpowásamaxche', élchetámeykha agko' apkelwáxok keñamak. Cháxa apkeltémakxa nak chá'a apkellegassama kéxegke xa énxet'ák nak.

Jeremías 23:21

“Malápháseykha ko'o xa apkelxeyenma nak chá'a apkellegasso sekpeywa, malpaqhetchessók nahan, apkelánteyepmeyk aqsa chá'a apkenyaheykegko apkelxeyenma apkelseykencha'a m'a sekpeywa.

Jeremías 23:25

“Eklegayak ko'o ektémakxa apkelmopwancha'a amya'a xa apkelxeyenma nak chá'a apkellegasso sekpeywa, apkelxeyenma nak chá'a sélpaqhetchásamáxkoho ko'o apkelwanmagko.

Jeremías 28:15

Tén axta Jeremías aptáha apcháneya Hananías se'e: —¡Hananías, yeyxho sa' se'e! Megyápháseykha exchep Wesse' egegkok, amya'a megkamámnaqsoho chá'a exchep apkeltémók melya'ássók xa énxet'ák nak.

Jeremías 37:19

¿Háxko apkelmahágkaxa m'a Dios appeywa apkellegasso apkelxeyenma axta chá'a mektámegmék kéxegke m'a wesse' apwányam Babilonia, tén han se'e negókxa nak?

Jeremías 38:22

kólántekkesek sa' ekyókxoho kelán'ák éleymomáxche nak makham ma'a wesse' apwányam Judá apxagkok, kólmésagkok sa' ma'a sẽlpextétamo apkelwesse'e apagkok nak wesse' apwányam Babilonia, sa' katnehek kalpaqmétek se'e: ‘Apkelyexancháseykha apkelxegexma apagko' nak ma'a wesse' apwányam, mékoho aptemessáseykekxa'; aptaxnéssegkek yelpa', keñe apyamasma aqsa.’

Lamentaciones 2:14

Wanchek amya'a m'a aptémakxa nak chá'a apkeltennasso aqsok apkelwete m'a apkelánémap axta chá'a etnahagkok apkellegasso Dios appeywa. Meltennassók ekmasagko ektémakxa yaqwayam enxoho eyaqmagkassesek ma'a ektémakxa nak; apkeltennáseykha chá'a m'a aqsok apkelwete ekmowána amya'a nak, naqsók han chá'a teméssessók.

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Zacarías 10:2

Aqsok kéláyókxa élpeywa ekteme ekmowána amya'a, wanchek nahan chá'a amya'a apkelxeyenma nak chá'a apkelwete aqsok ma'a énxet'ák ekha nak apmopwancha'a. Mékoho agko' ma'a apkelxeyenma nak chá'a aqsok apkelwete apkelwanmagko, mehentaqmelchessásekxeyk egwáxok ma'a apkelpeywa. Cháxa keñamak apkelweynchámeykencha'a nak aqsa m'a énxet'ák, aptémól'a m'a nepkések, apkellegeykegkohol'a meyke xama m'a ektáha nak apkeltaqmelchesso.