Jeremías 26:22 - Biblia Enxet

²² Apcháphassegkek axta nahan wesse' apwányam Joaquim emhagkok Egipto m'a Elnatán, Acbor axta apketche, tén han ma'a nápakha énxet'ák nak,

Jeremías 26:22 ပူးပေါင်းရင်းမြစ်များ

Génesis 36:38

Xama axta apketsapa m'a Saúl, keñe apyaqmagkasa apteme wesse' apwányam ma'a Baal-hanán, Acbor axta apketche.

2 Reyes 22:12

yetlókok axta apteme apkenagko Hilquías, tén han Ahicam, Safán axta apketche, keñe han Acbor, Micaías axta apketche, tén han Safán, aptáxésso axta chá'a weykcha'áhak, tén han Asaías, appasmeykha nak chá'a aptamheykha wesse' apwányam:

2 Reyes 22:14

Apxegkek axta Hilquías, Ahicam, Acbor, Safán tén han Asaías, apkelya'aweykxo m'a eklegasso axta Dios appeywa, kelán'a ekwesey axta Huldá, Salum axta aptáwa', Ticvá axta apketche, Harhás axta aptáwen, apkeltaqmelchesso axta chá'a m'a kélxátamakxa nak apáwa m'a tegma appagkanamap. Axta eghak Huldá m'a kaxwe apheykegkaxa axta énxet'ák ma'a Jerusalén, xama axta kélpaqhetchesa,

Salmos 12:8

Yókxoho yókxexma apkelweynchámeykha m'a élmasagcha'a nak apkeltémakxa, apyókxoho énxet'ák han leklamók apkelwáxok ma'a nentémakxa ekmaso.

Proverbios 29:12

Apkemha apmonye' apháxenmo nak chá'a ekmowána amya'a, kawakxohok apteméssesso élmasagcha'a apkeltémakxa m'a apyókxoho apkeláneykha.

Jeremías 29:3

Elasá axta nahan apso xa weykcha'áhak nak, Safán axta apketche, tén han Guemarías, Hilquías axta apketche, apkeláphassama axta Sedequías wesse' apwányam axta Judá m'a Babilonia yaqwayam enxoho elmahagkok ma'a aphakxa nak wesse' apwányam Nabucodonosor. Axta temék weykcha'áhak kéltáxésso s'e:

Jeremías 36:12

tén axta apmeyákxo m'a wesse' apwányam apxagkok, aphamakxa axta m'a énxet apnaqtáxéseyak axta chá'a weykcha'áhak, apchaqnákxexa axta apyókxoho wesse' apwányam apkeláneykha ekyawe nak kéláyo: cham'a Elisamá apnaqtáxéseyak axta chá'a weykcha'áhak; Delaías, Semaías axta apketche; Elnatán, Acbor axta apketche; Guemarías, Safán axta apketche; Sedequías, Hananías axta apketche tén han ma'a pók wesse' apwányam apkeláneykha nak.

Jeremías 36:25

Keñe axta Elnatán, Delaías tén han Guemarías meltamho ewatnekxak wesse' apwányam ma'a weykcha'áhak, axta eyke yahaxnawo',

Jeremías 39:14

apkeltamho kóltekkesek Jeremías ma'a kañe' kélaqxegkessamakxa axta kañe' kélhaxtegkesso nak wesse' apwányam apxagkok, tén axta kéltamho elanha m'a Guedalías, Ahicam axta apketche, Safán axta aptáwen, yaqwayam enxoho éntemekxak ma'a apxagkok. Tén axta aphákxo Jeremías ma'a nepyeseksa énxet'ák.

Ezequiel 8:11

Setenta apkelámha apmonye'e israelitas axta nahan apchaqnáha apkelpeykásawo xa kéleykmássesso nak, apheyk axta nahan nepyeseksa m'a Jaazanías, Safán apketche. Xama xama axta nahan chá'a apkelmeykha m'a egheykok ekwatnamáxkohol'a awáxok ma'a aqsok ekmátsa agko' la'a ekpaqneyam éten agkok, meyákxeyk axta néten ekpánma ekyentaxno agko' éten agkok ma'a aqsok ekmátsa nak ekpaqneyam.