Jeremías 25:37 - Biblia Enxet

³⁷ Aplókek Wesse' egegkok, keñe aptawáseyncha'a m'a yókxexma ektaqmalma apagkok nak.

Jeremías 25:37 ပူးပေါင်းရင်းမြစ်များ

Salmos 97:1

¡Kalpayhekxa kélwáxok kélyókxoho kélheykha nak keso náxop! ¡Kalpayhekxa kélwáxok kélheykha nak ekyókxoho egkexe étkók! ¡Wesse' egegkok apteme Wesse' Apwányam!

Isaías 32:14

Etaqmopagkok sa' ma'a tegma apyawe aptaqmalma nak; meyke xama aqsok sa' katnekxak ma'a tegma apwányam, apheykegkaxa nak apxámokma énxet; kataqmopagkohok agko' sa' ma'a kélhaxtegkesso ekyennaqte nak nepyáwa; kalkohok sa' awáxok kallawha yámelyeheykok nawha'ák ma'a, katawagkok sa' nahan pa'at kélnaqtósso m'a.

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Jeremías 12:10

Apxámok apkelwesse'e apkelwányam sélenmexma nak ko'o aptawáseykencha'a m'a anmen yámet séneykekxa nak, apkelteyammeykha m'a yókxexma ahagkok nak. Meyke xama aqsok aptemessáseykekxak ma'a xapop ekleklamókxa agko' nak ko'o ewáxok.

Jeremías 12:13

Apkeneykegkek hótáhap, keñe apnakxeykegko menóke; eyaqhémo temégweykmok ma'a ekyókxoho apkeltamheykha nak. Ántawók ekyexna aqsok kélcheneykekxa, eñama seklómo ahagko' ko'o.”

Jeremías 13:20

Kólyeheykha, kóllano ektáhakxa apkelxegáyam kélenmexma m'a ekpayho nak nexcheyha. ¿Háxko apkelmahágkaxa m'a nepkések séltémo axta ko'o héltaqmelchessesek, cham'a nepkések eyaqheykencha'a axta kéxegke kélwáxok?

Jeremías 25:36

Apkelwehéseyha m'a keláneykha nepkések, apkelwehéseyha apkellegágkoho ekmáske m'a apnaqleykha nak chá'a nepkések, hakte apmasséssessekmek Wesse' egegkok ma'a pa'at apagkok.

Jeremías 5:17

Etókasek sa' ma'a aqsok ekyexna apkeneykekxa, tén han apto, elnáhakkasek sa' nahan ma'a apketchek apkelennay'a tén han kelwán'ák. Etókasek sa' nahan ma'a nepkések apnaqtósso, tén han weyke, anmen yámet apkeneykekxa, tén han higo yámet. Sókwenaqte sa' elmaha emasséssók ma'a tegma apkelyawe ekyennaqte nak kélhaxtegkáseyak nepyáwa', cham'a apchásenneykekxo nak chá'a exchep.”