Jeremías 25:31 - Biblia Enxet

³¹ Wokmók éxtegyawà m'a néxa nak xapop, hakte peyk elyekpelchásseshok pók aptémakxa énxet'ák ma'a Wesse' egegkok, elwónmakha sa' yaqwayam elyekpelkohok ma'a apyókxoho énxet'ák apkeletsapmo nak, yaqwayam yának kólnápekxak ma'a élmasagcha'a nak apkeltémakxa. Wesse' egegkok apxeyenma xa.’”

Jeremías 25:31 ပူးပေါင်းရင်းမြစ်များ

Isaías 33:3

Legáxcheyk agkok chá'a exchep appeywa ekyennaqte, elyexanmok chá'a énxet'ák, apkempákxeyk agkok chá'a néten yexpaqnek chá'a m'a apyókxoho énxet'ák apheykha nak keso náxop;

Isaías 34:2

Apkeltaqnaweygkek Wesse' egegkok apyókxoho énxet'ák keso náxop ekweykekxoho m'a apyókxoho sẽlpextétamo apagkok nak, apkeltamhók kólsawhohok kólnápekxa'.

Isaías 34:8

Katnehek sa' ekhem apyaqmagkáseykekxexa mók ma'a Wesse' egegkok, apyeyam apyaqmagkassáseykekxexa mók kélteméssessamakxa m'a Sión.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Jeremías 2:35

Naqsók eykhe chá'a kéltéma kélpeywa kélyókxoho s'e: ‘Méko negko'o néltémakxa. Massék negko'o sẽltaqnaweygko m'a Dios.’ Alyekpelkohok sa' ko'o kaxwók kéxegke, hakte kélxeyenmeyk chá'a megkóllánéyak megkólya'assáxma.

Jeremías 23:19

Máxa éxchahayam ekyennaqte m'a Wesse' egegkok aplo, máxa m'a segyettekhane ekyennaqte ekyeyhegwayam nak chá'a takhapxet ma'a élmasagcha'a nak apkeltémakxa.

Jeremías 45:5

¿Apmenyéya exchep hélmaxnak yaqwayam megkaxók ektáhakxa apha m'a pók énxet'ák nak? Ná hélmaxna aqsa, hakte wáphaksek sa' ko'o aqsok ekmaso nepyeseksa apyókxoho énxet'ák. Wának sa' eyke ko'o exchep megyetsepe', cham'a apmahágkaxa enxoho chá'a. Ko'o sekxeyenma xa, sektáha nak Wesse'.’”

Ezequiel 30:3

eyágketwa'a nak; ¡chágketwa'ak Wesse' egegkok ekhem apagkok! ¡Katnehek sa' xama ekhem yaphope néten, xama ekhem ekmaso agko' apagkok ma'a pók aptémakxa nak chá'a énxet'ák!

Oseas 12:2

Apxénchásekxók aptémakxa Wesse' egegkok ma'a Israel, ellegássesagkohok sa' Jacob énxet'ák apagkok eñama apkeltémakxa; eyaqmagkásekxak sa' ma'a ektémakxa nak apkeláneyak aqsok.

Oseas 4:1

Israelitas, kóleyxho aptáhakxa nak appeywa Wesse' egegkok. Appekkenchek yaqwayam elxénchásekxohok apkeltémakxa énxet'ák apheykha nak se'e apchókxa nak, hakte méko kaxwók mekxeymákpoho nepyeseksa énxet'ák se'e, tén han melyepetcheykha apnámakkok; massegkek apkelya'áseyak ma'a Dios.

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Miqueas 6:2

Kéxegke egkexe, kóleyxho sa' se'e tén han xapop awhak: peyk elyekpelkohok kaxwók Wesse' egegkok énxet'ák apagkok, peyk eltennaksek aqsok élsexnenagko m'a énxet'ák Israel.