Jeremías 25:24 - Biblia Enxet

²⁴ tén han ma'a apyókxoho kelwesse'e apkelwányam nak Arabia; tén han ma'a apyókxoho kelwesse'e apkelwányam apagkok nak ma'a pók aptémakxa énxet'ák apheykha nak ma'a yókxexma meykexa énxet;

Jeremías 25:24 ပူးပေါင်းရင်းမြစ်များ

1 Reyes 10:15

meyke kélyetsáteykekxa m'a apyánmagkasso axta chá'a m'a ekha nak aqsok apkexeykekxa, énxet'ák apkelyánmagkásamap tén han ma'a apyókxoho apkelwesse'e apkelwányam Arabia, keñe han ma'a apkeltaqmelchesso nak énxet'ák ma'a apkelókxa.

2 Crónicas 9:14

meyke kélyetsáteykekxa m'a apyánmagkasso axta chá'a m'a ekha nak aqsok apkexeykekxa, tén han ma'a apkelseykha nak chá'a aqsok. Apkelsókasakmek axta han apyókxoho apkelwesse'e apkelwányam nak Arabia, tén han apkeláneykha nak chá'a apkelókxa sawo élyátekto élmomnáwa, tén han sawo élmope élmomnáwa m'a Salomón.

Isaías 21:13

Yókxexma ekyamayéxma ekxénamaxche yaqwánxa kólteméssesek: Énxet'ák Dedán kéltekxeyéyak nak chá'a kélmók kélxega, kélnaqteyenma nak chá'a axta'a m'a ekmompagqexa nak ma'a yókxexma meykexa énxet,

Jeremías 25:20

tén han ma'a pók aptémakxa nak chá'a énxet'ák apheykha m'a; tén han ma'a apyókxoho kelwesse'e apkelwányam nak apchókxa Us, tén han ma'a yókxexma apagkok nak ma'a filisteos: cham'a Ascalón, Gaza, Ecrón, tén han ma'a éleymomáxche axta m'a Asdod;

Jeremías 50:37

¡Kólnáhap ma'a sẽlpextétamo apagkok: elpexyennók sa' apkelaye! ¡Kólnáhap yátnáxeg apagkok, kólekkexches ma'a yátnáxeg apkelyenyawasso apagkok! ¡Kólnáhap ma'a sẽlpextétamo apagkok kélyánmagkasso nak chá'a ekyánmaga apkempakhe: máxa kelán'a sa' etnahagkokxa'! ¡Kólmasséssem ma'a aqsok éltaqmalma apagkok: kólmenyexchesák aqsok apagkok!

Ezequiel 27:21

Axta apkelmomakxa chá'a aqsok apkexeykekxa exchep ma'a énxet'ák Arabia tén han ma'a apyókxoho kelwesse'e nak ma'a yókxexma Quedar: eyánmagkasek axta chá'a aqsok apkelma m'a nepkések apketkók tén han ma'a nepkések apkellennay'a nak tén han ma'a yát'ay apketkók nak.

Ezequiel 30:5

Etekyók sa' nahan kempakhakma m'a sẽlpextétamo apkeleñama nak Etiopía, Libia, tén han ma'a Lidia, tén han ma'a ekyókxoho nak Arabia, Cub tén han ma'a pók énxet'ák nak, tén han ma'a mók nekha apkelókxa ektáha nak chá'a appasmeykekxa.