Jeremías 25:16 - Biblia Enxet

¹⁶ Apyenágkek sa' agkok ma'a, elyekxagkok sa', máxa élyeyháxma sa' etnahagkok eñama m'a kempakhakma peya nak ko'o waha'.”

Jeremías 25:16 ပူးပေါင်းရင်းမြစ်များ

Jeremías 13:12

“Etne sa' nahan elának se'e: Aptáhak Wesse' egegkok, Dios apagkok nak Israel se'e: Kélwanchek kólyetmagkok vino m'a apyókxoho yátegwáxwa nak. Sa' etnehek elátegmowagkok énxet'ák Israel se'e: ‘Negya'ásegkók negko'o negmowána ólyetmagkok vino m'a apyókxoho yátegwáxwa nak.’

Jeremías 13:14

Keñe sa' ayenhekxak chá'a pók atnéssesek nápakha'a apketkók ektémól'a yátegwáxwa kólpaxqátek, apyapmeyk tén han kélketchek. Megkalepyóshek sa' alano'; amasséssók sa' meyke seyésseykekxa, tén han meyke apkelmopyóseka sélányo. Ko'o sekxeyenma xa, sektáha nak Wesse'.”

Jeremías 25:27

Tén axta aptáha seyáneya Wesse' egegkok se'e: “Eltennés sa', ko'o sektáha nak Wesse' ekha sekyennaqte, Dios apagkok nak Israel, séltamho énagkok ekweykmoho élnapa tén han apkelyekxágko, tén han ekwokmoho apkelyaqnenágko náxop, yaqwayam enxoho melchempekxeyk néten, eñama m'a kempakhakma peya nak ko'o waha'.

Jeremías 45:5

¿Apmenyéya exchep hélmaxnak yaqwayam megkaxók ektáhakxa apha m'a pók énxet'ák nak? Ná hélmaxna aqsa, hakte wáphaksek sa' ko'o aqsok ekmaso nepyeseksa apyókxoho énxet'ák. Wának sa' eyke ko'o exchep megyetsepe', cham'a apmahágkaxa enxoho chá'a. Ko'o sekxeyenma xa, sektáha nak Wesse'.’”

Jeremías 48:26

Kólnáhakkas anmen énxet'ák Moab, hakte apkenmexeykekxeyk Wesse' egegkok. Keñe sa' eltexneykpekxak apkelyekxo m'a énxet'ák Moab, apyókxoho énxet'ák sa' elesmaksek ma'a.

Jeremías 51:39

Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Jeremías 51:7

Aphémók axta Babilonia sekmeykencha'a m'a egheykok sawo ekyátekto ekmomnáwa nak, élnáhakkassama axta chá'a anmen apyókxoho énxet'ák apheykha nak keso náxop. Apyenágkek axta agkok chá'a apyókxoho énxet'ák xa vino nak, kalyeykesek axta chá'a exma.

Lamentaciones 3:15

Eyánchessessamok ko'o eklo ewáxok Wesse' egegkok; askehek ma'a sekya seyeykegko nak chá'a.

Lamentaciones 4:21

¡Apchókxa Edom, kaktegmaha, kapayhekxa awáxok; ekhama axta ektéma máxa wesse' ekwányam ma'a yókxexma Us! ¡Kaxkak sa' xeyáxa' m'a ekya ekmáske nak, kaqhek sa' ektémól'a anmen, meyke apáwa sa' kaweynchamha!

Abdías 1:16

Askohok agko' axta kélya kéxegke sekyeta axta egheykok kélyeneykegko axta m'a egkexe ahagkok ekpagkanamaxche nak, sa' kaxhok han ekmáske sekyeta egheykok peya sa' énagkok énxet'ák ekwokmoho apyamásegko, emassegwók sa' apyókxoho.

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.