Jeremías 23:28 - Biblia Enxet

^28-29 ¡Wanméssek agkok chá'a xama aqsok ma'a aplegasso nak sekpeywa, tásek exének chá'a m'a apwanmagko, apxakak agkok han ma'a sekpeywa nak, tásek exének chá'a meyke apyetnakhásseyam! Megkólwanchek kólhéshok pa'at apák ma'a hótáhap apaktek. Máxa táxa ko'o m'a sekpeywa, hawók ma'a sawo ekyentaxno ekteméssessamól'a nekha'a étkók ma'a meteymog. Ko'o sekxeyenma xa, sektáha nak Wesse'.

Jeremías 23:28 ပူးပေါင်းရင်းမြစ်များ

1 Reyes 22:14

Apchátegmowágkek axta Micaías: —¡Wánxa sa' aqsa axének ma'a apkeltamhókxa enxoho axének ma'a Wesse' egegkok! Naqsók xa sektáhakxa nak nápaqtók Wesse' egegkok.

1 Reyes 22:16

Apchátegmowágkek axta m'a wesse' apwányam: —¡Hágkaxwe altennaksek xép altamhok héltennaksek ekmámnaqso' yetlo apxeyenma apwesey Wesse' egegkok!

Proverbios 14:5

Metnehek apmopwána amya'a m'a apxeyenma nak chá'a apweteykegkoho naqso'; apmopwána amya'a eyke chá'a etnehek ma'a apxeyenma nak chá'a apweteykegkoho megkamámnaqsoho.

Isaías 21:10

Énxet'ák ahagkok, kélteyammeykha nak ektémól'a m'a hótáhap apaktek kélteyammeykha, éltennássek ko'o m'a seklege nak eñama Wesse' ekha apyennaqte, cham'a Israel Dios apagkok nak.

Jeremías 23:25

“Eklegayak ko'o ektémakxa apkelmopwancha'a amya'a xa apkelxeyenma nak chá'a apkellegasso sekpeywa, apkelxeyenma nak chá'a sélpaqhetchásamáxkoho ko'o apkelwanmagko.

Jeremías 42:4

Aptáhak axta Jeremías apchátegmowágko s'e: —Hoy, almaxnéssesek sa' ko'o kéxegke Dios Wesse' kélagkok, ekhawo kéltáhakxa nak sélmaxneya ko'o kéxegke, alya'assásegwók sa' ekyókxoho m'a aptáhakxa enxoho seyátegmowéyak, meyke seyáyam xama enxoho.

Jeremías 9:12

¿Yaqsa ekyetna ekyawe ekya'áséyak aqsok yaqwayam enxoho kay'asagkohok xa? ¿Yaqsa apya'assáseykegkoho Wesse' egegkok xa aqsok nak yaqwayam enxoho kawának kaltennásekxohok ma'a námakkok? ¿Yaqsa ektéma ekmasagko nak apchókxa tén han ekyamáya nak exma ektémól'a yókxexma meykexa énxet meykel'a ekyeykhágwayam?

Jeremías 9:20

Kelán'ák, kóleyxho Wesse' egegkok appeywa, kóltaqmelchesho kélháxenmo aptáhakxa nak appeywa. Kóltames éllekxagweykha kélketchek, tén han kélxegexma'a yaqwayam katnehek kallekxagwaha s'e:

Ezequiel 13:3

¡Apkellegasso amya'a élyeyháxma sa' laye, apkelyetleykekxa nak chá'a ektémakxa élchetámeykha agko' apkelwáxok, méko m'a ekmámnaqsoho nak aqsok apkelwete!