Jeremías 23:20 - Biblia Enxet

²⁰ Megkamassehek sa' Wesse' egegkok aplo ekwokmoho apkelana m'a ekxeyenma nak apwáxok elána'. Kawak sa' ekhem yaqwánxa kalchetamsók kélwáxok kéxegke tén han kólya'ásegwók xa aqsok nak.

Jeremías 23:20 ပူးပေါင်းရင်းမြစ်များ

Génesis 49:1

Apkelwóneyha axta apketchek Jacob, aptáhak axta apkeláneya s'e: “Hélyepetchegwatámho, altennaksek sa' ko'o yaqwánxa katnehek kéxegke s'e egmonye' nak:

1 Reyes 8:47

xénwokmek sa' agkok apkelwáxok elyo'ótak makham xép neyseksa apheykha m'a yókxexma kélya'assamakxa axta, apwónéncha'a enxoho tén han apkelya'ásegwokmo enxoho apkeláneyak melya'assáxma, tén han apkeláneyak apkeltémakxa ekmaso,

2 Reyes 23:26

Axta eyke kamassegweykmok aplo Wesse' egegkok, apkeltaqnaweykegkek axta makham ma'a énxet'ák Judá, eñama m'a ekyókxoho aqsok élmasagcha'a apkelane m'a Manasés, eklókassama axta m'a Wesse' egegkok.

2 Reyes 23:27

Axta keñamak Wesse' egegkok apxeyenma elyetnakhaksek aphakxa m'a énxet'ák Judá, ektémakxa axta apkelyetnakhassama m'a énxet'ák Israel, apxeyenma etaqnók ma'a tegma apwányam nak Jerusalén apkelyéseykha axta, keñe han ma'a tegma appagkanamap apxeyenmakxa axta katnehek ekyetnamakxa apwesey.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Isaías 14:24

Naqsók aptáha appeywa Wesse' ekha nak apyennaqte s'e: “Megkatnehek sa' megkalánamáxche m'a sekxeyenma axta ko'o kalanaxche'; aqsok sekmámenyého axta katnehek, katnehek sa'.

Isaías 55:11

cháxa ektémakxa nahan ko'óxa sekpeywa xa mehey'ótek aqsa makham meyke ektekkesso xama aqsok, kalának sekxók ma'a sekmámenyého nak ko'o, katnehek nahan ma'a séltamhókxa enxoho ko'o katnehek.

Jeremías 30:24

Megkamassehek sa' Wesse' egegkok aplo ekwokmoho apkelana m'a ekxeyenma nak apwáxok elána'. Kawak sa' ekhem yaqwánxa kólya'ásegwók kéxegke xa aqsok nak.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Jeremías 51:12

¡Kólya'és néten magkenatchesso yaqwayam kólchetamagkok ma'a kélhaxtegkesso nak Babilonia! ¡Kólxámasák apkeltaqmelchesso tegma! ¡Kólnegkenák apkelhaxneykha! ¡Kólnegkenák kelhanma! Hakte apkeláneykekxeyk axta aptáhakxa Wesse' egegkok yaqweykenxa etnéssesek apkeltennassama axta m'a Babilonia, apkelanak nahan.

Ezequiel 21:10

Kélmaxneyákxeyk yaqwayam kalának nentekyawa, kélyenmásekxeyk yaqwayam kalyenmaksexma;

Ezequiel 21:5

Apyókxoho énxet sa' nahan elya'asagkohok sekleya ko'o sókwenaqte ahagkok, ko'o sektáha nak Wesse', magwaqxegkásekxeyk sa' nahan chá'a axagkok.’

Zacarías 1:6

Cham'a sekpeywa tén han seyánamakxa axta chá'a etnahagkok, séltémo axta ko'o eltennasagkok ma'a séláneykha apkellegasso axta sekpeywa, apwagkassegkek axta apheykegkaxa m'a kélyapmeyk nano' axta kéxegke. Tén axta sey'eykekto ko'o m'a, apkelya'ásegweykmo m'a sekteméssessamakxa axta chá'a ko'o sektáha nak Wesse' ekha sekyennaqte eñama m'a apkeltémakxa tén han aqsok ekmaso apkeláneyak.’”

Deuteronomio 4:30

Cháhapwakteyk sa' agkok kéxegke ekyókxoho s'e nenlegeykegkoho nak tén han se'e eklegeykegkoho nak egwáxok, kélya'aweykxeyk sa' agkok ma'a Wesse' egegkok tén han kélyahákxoho enxoho,