Jeremías 23:15 - Biblia Enxet

¹⁵ Cháxa keñamak sektáha nak ko'o sélxéna sektáha nak Wesse' ekha sekyennaqte xa apkellegasso nak sekpeywa: Alagkok sa' ko'o aqsok ekmáske agko', alagkok sa' ma'a yegmen kélencheheykekxa nak pánaqte segaqhamo, hakte appeykeseykekxeyk ekyókxoho apchókxa nentémakxa ekmaso m'a apkellegasso nak sekpeywa apheykha nak Jerusalén.”

Jeremías 23:15 ပူးပေါင်းရင်းမြစ်များ

Salmos 69:21

Pánaqte segaqhamo chá'a hénchahassásekxak sekto, hem agkok han chá'a eyaqhak, heyagkok chá'a m'a aqsok égmenek ekmáske amnáye nak.

Jeremías 14:15

Ektáhak ko'o sélxéna xa apkelxeyenma nak chá'a apkellegasso sekpeywa, ko'o sektáha nak Wesse', megkatnahakxoho nak chá'a ko'o sélápháseykha, apkelxeyenma nak chá'a megkatyephek kempakhakma, tén han meyk segaqhe s'e apchókxa nak: eletsapok sa' kempakhakma xa apkelxeyenma nak chá'a apkellegasso m'a sekpeywa, tén han meyk.

Jeremías 8:14

Keñe sa' etnehek elpaqmétek énxet'ák se'e: “¿Yaqsa ektéma negheykencha'a nak aqsa s'e? ¡Ólmeyekxak negyókxoho m'a tegma apkelyawe ekyennaqte nak kélhaxtegkáseyak nepyáwa' yaqwayam sa' óletsapwakxak ma'a! Dios Wesse' egegkok peyk hẽlnápekxa'; ẽleykegkek ma'a yegmen kélenchehe nak pánaqte segaqhamo, hakte nenláneykegkek negko'o mólya'assáxma nénmexeykekxo m'a.

Jeremías 9:14

Apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok, apkelpeykessamók ma'a aqsok kéláyókxa élmowancha'a amya'a nak, cham'a ektémakxa axta apkelxekmowáseyak ma'a apyapmeyk nano'.

Jeremías 9:15

Cháxa keñamak sektáha nak ko'o sekpeywa, sektáha nak Wesse' ekha sekyennaqte, Dios apagkok nak Israel: Alagkok sa' ko'o aqsok ekmáske agko', alagkok sa' ma'a yegmen kélencheheykekxa nak pánaqte segaqhamo.

Lamentaciones 3:15

Eyánchessessamok ko'o eklo ewáxok Wesse' egegkok; askehek ma'a sekya seyeykegko nak chá'a.

Lamentaciones 3:19

Kaxénwakxohok chá'a ewáxok ma'a ektémakxa ekyaqhápeykha ewáxok tén han ekmaso sekha, eklo ewáxok, tén han seklegeykegkoho;

Lamentaciones 3:5

ewakhessegkek axta ekmaso ewáxok, tén han seklegeykegkoho;

Zacarías 13:2

Amasséssamhok ahagko' sa' ko'o élwesey aqsok kéláyókxa ekyókxoho s'e apchókxa nak, yaqwayam sa' megkóllenxanmagkók chá'a kélwóneykha. Amasséssók sa' nahan apchókxa m'a Dios appeywa apkellegasso apkelmopwancha'a amya'a nak tén han ma'a espíritu élmanyása nak. Ekxénchek ko'o xa, sektáha nak Wesse'.

Deuteronomio 29:18

Nágkólho aqsa étek kélnepyeseksa kéxegke xama énxet, kelán'a, essenhan kélnámakkok tén han énxet'ák kélagkok, apyamasma sakhem ma'a Dios Wesse' egegkok eñama apkelpeykessamo m'a aqsok apcháyókxa nak xa énxet'ák nak. Kólxohok katnehek kéxegke m'a yámet egkepmenák ekmáskel'a tén han ma'a segwayól'a.