Jeremías 22:28 - Biblia Enxet

²⁸ ¿Jeconías ya apteme xama yátegwáxwa appaqxo megkólmowánal'a kólmaha, enxeykel'a nahan ma'a aqsok élpaqxo megkólmámenyéhol'a? ¿Yaqsa ektéma kélyenseykmo nak yetlo apketchek ma'a xapop megkólya'áseykegkaxa nak?

Jeremías 22:28 ပူးပေါင်းရင်းမြစ်များ

2 Samuel 5:21

Apkexakkek axta aqsa han aqsok kéleykmássesso apagkok ma'a filisteos, tén axta David apyeykhámeykxo yetlo apkelxegexma'a.

2 Crónicas 21:20

Treinta y dos apyeyam apagkok axta weykmok apkeynamo apteme wesse' apwányam, ocho apyeyam axta apteme wesse' apwányam ma'a Jerusalén. Axta han kallapwámeykegkok énxet'ák apketsapma. Kélátawanyegwákxeyk axta m'a David Tegma Apwányam apagkok, háwe axta eyke m'a kélátawanyamakxa axta chá'a apkelwesse'e apkelwányam.

Salmos 31:12

Massegkek ko'o ekxeyenma kélwáxok, máxa temék ma'a sétsapma enxoho. Máxa ko'o m'a egheykok kélpaxqáteykekxal'a, élánamáxche nak yelpa'.

Jeremías 14:18

Ektekkek agkok yókxexma, ótak kaxnagkok kélhapák aptekyawa neyseksa kempakhakma; ektaxneyk agkok tegma apwányam, ótak apkeletsapma énxet'ák eñama meyk élnapma. Weykmok apkellegasso Dios appeywa, tén han apkelmaxnéssesso Dios énxet'ák apagkok apkelmaheykegko m'a apchókxa melya'ásegkaxa nak.’”

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 16:12

Kéxegke so eyesagchawo agkok aqsok kélláneyak, kélyeykhásseykmók ma'a kélyapmeyk nano' axta, kélyennaqtéssegkek aqsa chá'a kélwáxok kélxama kélyetleykekxo m'a ektémakxa nak chá'a élchetámeykha kélwáxok ekmaso, mehelyeheykekxohok nahan ko'o.

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 22:27

Megkalwatamók sa' chá'a s'e xapop élpekheykegkaxa agko' nak chá'a kalmeyenta'.

Jeremías 22:30

Aptáhak Wesse' egegkok se'e: “Kólteme sa' énxet meyke apketchek xa énxet nak, kólxén sa' apteme énxet megkatyapma aqsok apkelane neyseksa apha. Metepagkek sa' aptawán'ák neptámen yaqwayam etnahagkok kelwesse'e apkelwányam apyaqmagkasso m'a David, yaqwayam enxoho etnahagkokxak kelwesse'e apkelwányam ma'a Judá.”

Jeremías 24:1

Exekmóssek axta ko'o Wesse' egegkok ánet hówenaq apxagkok kélxata higo ekyexna kélpekkenma m'a apmonye' nak tegma appagkanamap, cham'a natámen axta apyentameykekxa Nabucodonosor wesse' apwányam nak Babilonia megkatnahakxa apchókxa m'a Jeconías, Joaquim axta apketche, wesse' apwányam axta m'a Judá, yetlo m'a apkelámha apmonye'e axta m'a Judá, tén han ma'a apkeláneyak axta chá'a aqsok, tén han ma'a apkelyenyekhe nak chá'a sawo.

Jeremías 37:1

Apteméssessek axta Nabucodonosor, wesse' apwányam nak Babilonia, wesse' apwányam Judá m'a Sedequías, Josías axta apketche, apyaqmagkasso m'a Jeconías, Joaquim axta apketche.

Jeremías 48:38

“Kéllekxagweykha aqsa chá'a legáxcheyk ma'a ekyókxoho néten tegma nak ma'a Moab, tén han ma'a ámay nak, hakte nápakha'a apketkók ko'o ektemessásekxak ma'a Moab, aptémól'a yátegwáxwa megkólmámenyéhol'a kólmaha. Ko'o sekxeyenma xa, sektáha nak Wesse'.”

Oseas 13:15

Máxa sa' eykhe etnehek Israel ma'a ektémól'a kalyapwak pa'at, kawátekhápok sa' eyke m'a éxchahayam eñama nak ekteyapmakxa ekhem, cham'a éxchahayam ekyennaqte eñama nak ekwátekhapma m'a yókxexma meykexa nak énxet, keymaksek sa' ma'a ekteyapmakxa nak chá'a yegmen, kalyamasagkok sa' ma'a yámelchet. Elyementamok sa' apkelenmexma m'a aqsok élmomnáwa, tén han ma'a aqsok éltaqmalma nak.

Oseas 8:8

¡Kélsawhomakyek ma'a Israel! Máxa aqsok meyke eyásekhamaxchel'a aptemék apkelányo m'a pók énxet'ák nak,