Jeremías 22:24 - Biblia Enxet

²⁴ Aptáhak apcháneya Wesse' egegkok Jeconías, wesse' apwányam nak Judá, Joaquim apketche nak: “Naqsók ko'o sektáha sekxéna exchep se'e, sektáha nak Dios mamassegwayam: Naqsók eykhe exchep apteme sétchesso ephék sélqahasso nak chá'a, sétchessama nak sélya'assamakxa', magweyxek sa' eyke alkok,

Jeremías 22:24 ပူးပေါင်းရင်းမြစ်များ

2 Reyes 24:12

Keñe axta Joaquín, wesse' apwányam axta Judá, yetlo egken, sẽlpextétamo apkelwesse'e apagkok, apkelámha apmonye'e tén han ma'a énxet'ák ektáha axta chá'a apcháyo, apkelmeyásekpo aqsa m'a wesse' apwányam Babilonia, apkelmomchek axta han. Temegkek axta ekweykmo axta ocho apyeyam apteme wesse' apwányam ma'a Nabucodonosor.

2 Reyes 24:15

Apnaqlákxeyk axta han apkelma Nabucodonosor ma'a Joaquín yetlo egken, apnaqteyegka'a, sẽlpextétamo apkelwesse'e apagkok, tén han ma'a énxet'ák kelwesse'e nak ma'a apchókxa. Jerusalén axta apkeleñamak apnaqlákxo apkelya'ásekxo m'a Babilonia.

1 Crónicas 3:16

Joaquim apketchek: Jeconías tén han Sedequías.

2 Crónicas 36:9

Dieciocho apyeyam apagkok axta apkeynamo apteme wesse' apwányam ma'a Joaquín, apqántánxo pelten tén han diez ekhem axta apteme wesse' apwányam ma'a Jerusalén. Asagkek axta eyke ektémakxa aqsok apkelane nápaqtók Wesse' egegkok.

Cantares 8:6

Epekken apwáxok sekwesey, ¡elqahes nahan apaktog! Kayhek ektémakxa m'a nélásekhamaxkoho nak, ektémól'a m'a nétsapma. Mogwanchek nahan agyetnaqhássók ma'a ekmámenyého nak egwáxok, máxa m'a ektémól'a takhaxpop. ¡Nélásekhamaxkoho ekteme m'a táxa eyáléwe ekmexanma agko' la'a!

Isaías 49:16

Élqahassegkek ko'o exche' awáxok emék, yókxoho ekhem sekwete m'a kélhaxta nak neyáwa'.

Jeremías 13:18

“Etne sa' yának wesse' apwányam tén han egken se'e: ‘Kólántép xa kélheykegkaxa nak néten kéltaháno éltaqmalma, kólhakha náxop, hakte pallakmek kélpátek ma'a kélatchesso kélpátek élyenma éltaqmalma nak.’

Jeremías 22:28

¿Jeconías ya apteme xama yátegwáxwa appaqxo megkólmowánal'a kólmaha, enxeykel'a nahan ma'a aqsok élpaqxo megkólmámenyéhol'a? ¿Yaqsa ektéma kélyenseykmo nak yetlo apketchek ma'a xapop megkólya'áseykegkaxa nak?

Jeremías 22:6

Hakte aptáhak apxéna Wesse' egegkok ma'a wesse' apwányam Judá nak apxagkok: “Aphawók ko'o sélányo exchep ma'a egkexe Galaad, aphawók ma'a egkexe nak Líbano, naqsók eyke ko'o sekxéna exchep peya atnessásekxak meyke xama aqsok, yókxexma meyke xama énxet apha.

Jeremías 24:1

Exekmóssek axta ko'o Wesse' egegkok ánet hówenaq apxagkok kélxata higo ekyexna kélpekkenma m'a apmonye' nak tegma appagkanamap, cham'a natámen axta apyentameykekxa Nabucodonosor wesse' apwányam nak Babilonia megkatnahakxa apchókxa m'a Jeconías, Joaquim axta apketche, wesse' apwányam axta m'a Judá, yetlo m'a apkelámha apmonye'e axta m'a Judá, tén han ma'a apkeláneyak axta chá'a aqsok, tén han ma'a apkelyenyekhe nak chá'a sawo.

Jeremías 28:4

Wának sa' han éxyamok Jeconías se'e yókxexma nak, wesse' apwányam nak Judá, Joaquim axta apketche, tén han ma'a apyókxoho énxet'ák kélántekkesso axta Judá kélnaqleykekxa m'a Babilonia. Naqso', amasséssesek sa' ko'o m'a ektémakxa nak ekha apyennaqte m'a wesse' apwányam Babilonia. Ko'o sekxeyenma xa, sektáha nak Wesse'.’

Jeremías 37:1

Apteméssessek axta Nabucodonosor, wesse' apwányam nak Babilonia, wesse' apwányam Judá m'a Sedequías, Josías axta apketche, apyaqmagkasso m'a Jeconías, Joaquim axta apketche.

Hageo 2:23

Ataqmelchesek sa' ko'o exchep xa ekhem nak Zorobabel, apteme nak séláneykha, sa' atnéssesek ma'a ektémól'a sétchesso ephék sélqahassól'a, hakte élyéseykha ko'o exchep. Ko'o sekxeyenma xa, sektáha nak Wesse' ekha sekyennaqte.”