Jeremías 22:16 - Biblia Enxet

¹⁶ Etaqmelchessásekxak axta chá'a apheykha m'a meyke nak aqsok apagkok, tén han ma'a kélnaqtawáseykegkoho nak, axta keñamak ektaqmalma chá'a aqsok apkelane. Cháxa magkenatchesso ektáha ko'o sey'áseyak xa. Ko'o sekxeyenma xa, sektáha nak Wesse'.

Jeremías 22:16 ပူးပေါင်းရင်းမြစ်များ

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Salmos 109:31

Hakte apmasmeyk ma'a meyke nak aqsok apagkok, apwagkassegkek teyp nepyeseksa m'a apmáheyo nak yaqhek.

Salmos 36:10

Egkés chá'a apchásekhayo, tén han aptémakxa ekpéwomo m'a ektáha nak chá'a apyekpelchémo exchep, cham'a énxet'ák meyke nak apkeltémakxa.

Salmos 9:10

Wesse', mey'ássemek chá'a exchep ma'a énxet apya'áseykegkoho nak, meyenyewek chá'a m'a apya'eykekxa nak chá'a exchep.

Proverbios 31:9

Énnaqtés chá'a appeywa, elánekxés chá'a ektémakxa apheykha; ¡epásem chá'a m'a meyke nak aqsok apagkok, tén han ma'a apkelmopyóseka nak!

Isaías 1:17

¡Kóltámesaxche kéllánéyak aqsok ektaqmela, kólwasqápekxoho kóllának ma'a aqsok ekpéwomo nak, kólpásem ma'a énxet'ák kélnaqtawáseykegkoho nak, kóltaqmelchessásekxa ekheykha m'a élyeheykha nak, kólmeyókas nahan ektémakxa nak chá'a ekha m'a kelán'a tampe nak!”

Jeremías 5:28

tén han apnaqmelaya tén han ektaqmalma aptéyak. Méko néxa m'a apkeltémakxa ekmaso: melánekxések chá'a amya'a yaqwayam etaqmelchessásekxak ekheykha m'a élyéheykha nak, melanók han chá'a ektémakxa nak apheykha m'a meyke nak aqsok apagkok.

Jeremías 9:16

Waxpánchesek sa' alya'aksek nepyeseksa m'a pók aptémakxa énxet'ák, melya'ásegko nak ma'a, tén han melweteya axta m'a apyapmeyk nano'; sókwenaqte sa' wának kólmenxenchesek, ekwokmoho megyeymékpo xama enxoho.”

Jeremías 9:24

Apmakók agkok keyxkohok appeywa exénakpekxohok xama énxet, kéméxcheyk keyxkohok appeywa hexének ko'o sey'áseyak, sey'ásegkoho sektáha ko'o, Wesse', séláneyól'a chá'a aqsok keso náxop yetlo seyásekhayo, tén han ektaqmalma, tén han ekpéwomo, hakte cháxa ekleklamo nak chá'a ko'o ewáxok xa. Ko'o sekxeyenma xa, sektáha nak Wesse'.”

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Miqueas 6:8

Énxet, apkeltennássek xép Wesse' egegkok ma'a aqsok ektaqmela nak, tén han yaqsa apkelhaxna elának xép: apkelhaxneyk elának ma'a aptémakxa ekpéwomo, tén han apmopyósa elanok pók, tén han elyahakxohok yetlo megkeymáxkoho apwáxok ma'a Dios.

1 Samuel 2:2

¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!