Jeremías 21:13 - Biblia Enxet

¹³ “Tegma apwányam apyetnama nak néten apsawheykekxoho nak chá'a apkelányo m'a ekyapwátegweykenxa xapop ektémól'a meteymog émhal'a m'a neyseksa ekpayhegweykenxa xapop, ekxénchek ko'o ataqnók xép, ko'o sektáha nak Wesse'. Kóltéhek chá'a kéxegke kólpaqmétek se'e: ¿Yaqsa awanchek hegketámegmak negko'o? ¿Yaqsa awanchek kawak se'e nélyexanmomakxa nak negko'o?

Jeremías 21:13 ပူးပေါင်းရင်းမြစ်များ

Salmos 125:2

Aptemék Wesse' egegkok apwakhaya énxet'ák apagkok ma'a ektémakxa nak egkexe ekwakhaya m'a Jerusalén, keso kaxwo' nak tén han megkatnégwayam néxa;

Éxodo 13:20

Apkelántekkek axta israelitas ma'a yókxexma Sucot, apkelpakxenwokmek axta m'a yókxexma Etam, sekxók eyeynókxa axta yaqwayam antexek ma'a meykexa nak énxet.

Éxodo 13:8

Sa' nahan kóltéhek kólának kélketchek, cháxa ekhem nak: ‘Keso élánéxko axta senteméssesakxa axta negko'o Wesse' egegkok sekxók axta nélántepa m'a Egipto.

Isaías 22:1

Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?

Jeremías 17:3

tén han ma'a néten meteymog élwenaqte élaqneykegko nak yókxexma. Wának sa' ko'o kólmenyexchesek aqsok kélagkok ekxámokma nak, tén han ma'a aqsok élmomnáwa kélagkok, eñama megkólya'assáxma, wának sa' kalmaxchek aqsok kélagkok ekhéyak nak néten egkexe kélpeykessamókxa nak chá'a kéleykmássesso, cham'a ekyókxoho kañe' nak xapop kélagkok.

Jeremías 21:5

Ko'o ahagko' sa' nahan alnapaxchek kéxegke, yetlo sekxekmósso ekyawe agko' sekmowána, tén han yetlo seklómo ahagko' séltaqnawéyak kéxegke.

Jeremías 49:16

Eyaqhémo temégweykmok kéxegke m'a kéleymáxkoho nak, hakte kóleyxchek axta chá'a. Kélheykha kéxegke m'a neyseksa meteymog élyagqaxe, kélpathetmeyk ma'a naw'ék egkexe netno nak. Kéllánegweykmek eykhe kéxegke kélxanák ma'a netnók agko' nak, ektémól'a náta ekyawe, sa' eyke kólenyék alántekkesek ko'o kéxegke m'a. Ko'o sekxeyenma xa, sektáha nak Wesse'.

Jeremías 50:31

Aptáhak Wesse' ekha apyennaqte s'e: “Apchókxa eyeymáxkoho nak, énmexchek ko'o exche'; wokmek yaqwánxa añássesagkoho'.

Jeremías 51:25

Énmexchek ko'o exche' meteymog ekwenaqte ekmassesseykmoho nak aqsok, ekmasseseykmo nak aqsok ekyókxoho keso náxop. Ko'o sekxeyenma xa, sektáha nak Wesse'. Añássesagkohok sa' ko'o exche', eyttelegwásenták sa' eñama m'a néten meteymog élwenaqte nak, egkexe ekmeyesma sa' atnéssásekxa'.

Jeremías 7:4

Nágkóleyxho m'a apkelyexancháseykencha'a nak chá'a, aptéma nak chá'a apkelanagkama s'e: ¡Keso apyetna Wesse' egegkok tegma appagkanamap apagkok se'e, keso apyetna Wesse' egegkok tegma appagkanamap apagkok se'e!

Lamentaciones 4:12

Apkenagkamchek axta kelwesse'e apkelwányam nak keso náxop, tén han apyókxoho apheykha nak keso nélwanmégkaxa, mopwanchek elántexek katnaha apnámakkok tén han apkelenmexma m'a atña'ák nak Jerusalén.

Ezequiel 13:8

Cháxa keñamak sektáha nak ko'o sekpeywa, sektáha nak Wesse': Élenmexchek ko'o kéxegke, eñama kélxeyenma chá'a m'a aqsok megkamámnaqsoho nak tén han ekteme chá'a ekmowána amya'a m'a aqsok kélwete nak. Ko'o sekxeyenma xa, sektáha nak Wesse'.

Ezequiel 21:3

Sa' etnehek yának se'e: ‘Keso aptáhakxa exchek appeywa Wesse' egegkok se'e: Sénmexma ko'o ektáhak xép. Alkok sa' ko'o sókwenaqte ahagkok, alnápok sa' ma'a énxet'ák apkelpéwomo nak tén han ma'a melya'assáxma nak.

Ezequiel 34:10

sektáhakxa nak ko'o séláneya kéxegke, sektáha nak Wesse': Keláneykha nepkések, ekxénchek ko'o kéxegke kéltáha sélenmexma, anaqlósawakxak sa' ko'o m'a nepkések ahagkok; alwátessesagkok sa' kélteme kélláneykha, yaqwayam sa' megkóllenxamagkók kéltaqmelchásamáxchekxoho kélagkok kélagko'; alwagkasek sa' ko'o teyp ma'a nepkések ahagkok, yaqwayam sa' megkóllenxanmagkók chá'a kéltéyak kéxegke.’

Ezequiel 5:8

Cháxa keñamak sektáha nak ko'o sekpeywa s'e, sektáha nak Wesse': Wanmexek sa' ko'óxa exche', Jerusalén; alának sa' ma'a sektáhakxa axta sekxeyenma yaqwánxa atnéssesek, nápaqta'awók ma'a pók aptémakxa énxet'ák,

Miqueas 3:11

Elmok chá'a takha' elxawagkok selyaqye m'a énxet'ák segyekpelchémo nak tegma apwányam, selyaqye aqsa chá'a eltamhok elxawagkok ekyánmaga apkelxekmósso apnámakkok ma'a apkelmaxnéssesso nak Dios énxet'ák apagkok, keñe m'a apkellegasso nak chá'a Dios appeywa, elmok chá'a ekyánmaga apkeltenneykha elxénmakha appasmo m'a Wesse' egegkok, etnehek chá'a apkelpeywa s'e: “Apheyk negyeseksa negko'o Wesse' egegkok; méko xama aqsok ekmaso awanchek hegáhapwak negko'o.”

Nahúm 2:13

Aptáhak Wesse' egegkok ekha nak apyennaqte s'e: “Élenmexchek ko'o kéxegke: alwatnések sa' ma'a yátnáxeg apkelyenyawasso kélagkok kélanchesso nak kempakhakma, éten sa' atnessásekxa'; alnáhakkasek sa' méwa étkók kélagkok; alyementemekxak sa' aqsok kélmeñexéyak ekheykegko nak kañe' kélókxa', kamaskok sa' kañexchek apkelpeywa m'a apseykha nak chá'a amya'a kélagkok.”