Jeremías 21:11 - Biblia Enxet

^11-12 “Eltennés sa' sektáhakxa ko'o sélxeyenma m'a wesse' apwányam Judá apnámakkok, cham'a wesse' apwányam David aptawán'ák neptámen nak: “Kóleyxho apcháphássesso appeywa Wesse' egegkok: Kóltaqmelchessásekxa chá'a apheykha énxet'ák ekyókxoho ekhem; kólwagkas chá'a teyp neyseksa apmáheyo enaqtawasagkohok ma'a apkelyennaqtésamakpoho nak chá'a, hakte altaqnaweygkok ko'o katnehek kéxegke eñama ekmaso aqsok kélláneyak, máxa táxa eyáléwe katnehek seklo megkólmowánal'a kólsapanchesek.

Jeremías 21:11 ပူးပေါင်းရင်းမြစ်များ

Jeremías 13:18

“Etne sa' yának wesse' apwányam tén han egken se'e: ‘Kólántép xa kélheykegkaxa nak néten kéltaháno éltaqmalma, kólhakha náxop, hakte pallakmek kélpátek ma'a kélatchesso kélpátek élyenma éltaqmalma nak.’

Jeremías 17:20

Etne sa' elának énxet'ák se'e: ‘Kelwesse'e apkelwányam, tén han énxet'ák kélheykha nak ekyókxoho kañe' Judá, tén han kélheykha nak ekyókxoho kañe' Jerusalén kélántaxnegweyktámho nak chá'a s'e atña'ák nak, kóleyxho Wesse' egegkok appeywa.

Jeremías 22:1

Aptáhak axta ko'o seyáneya Wesse' egegkok se'e: “Emyekxa sa' ma'a wesse' apwányam apxagkok nak, exén sa' se'e amya'a nak

Jeremías 22:18

Aptáhak apxéna Wesse' egegkok Joaquim, wesse' apwányam nak Judá, Josías nak apketche: “Méko sa' kalekxagwaha apketsapa enxoho. Méko sa' kalekxagwaha tén han katnehek ekpeywa s'e: ‘¡Asagke nak la'a ektáhakxa egmók!, ¡Asagke nak la'a ektáhakxa, wesse'!’

Miqueas 3:1

Kóleyxho sa' kaxwo', kelwesse'e, tén han apkelámha apmonye'e nak Israel, ¿yagkapayhawok kéxegke kólya'asagkohok ma'a aqsok ekpéwomo nak?