Jeremías 20:7 - Biblia Enxet

⁷ Wesse', élyexancháseykha exchep, eyhayók aqsa ko'o exchep sélyexancháseykencha'a, apmeyhek axta exchep, axta axnémo'. Megkayetyapwágweykmok ko'o sésmésamaxche'; apyókxoho énxet chá'a ko'o sey'ásseyam.

Jeremías 20:7 ပူးပေါင်းရင်းမြစ်များ

2 Reyes 2:23

Apxegeykekxeyk axta makham Eliseo apmeyeykekxo m'a Betel. Neyseksa apxega ámay axta apkeltahanyeyo wokma'ák apkeleñama m'a tegma apwányam nak, yetlómok axta han apya'ásseyam. Axta aptemék apkelyennaqtéssamo apkelpeywa s'e: “¡Exñoho, meyke áwa' apqátek! ¡Exñoho, meyke áwa' apqátek!”

Job 12:4

Meyke sektémakxa eykhe ko'o méko han aqsok ekmaso sélane, hésmaksek aqsa chá'a m'a sélxegexma'a nak, yeyxhok axta han chá'a sélmaxnagko sélmaxneya enxoho m'a Dios.

Job 30:9

Keñe kaxwók sey'ássekmo ko'o, sésmésamaxche' etnéssessók.

Salmos 119:51

Megkayetyapwágweykmok setaqnaweykha m'a megkalyexnegwayam nak chá'a apkelpaqmeyesma, makke ko'o ayenseykmok ma'a nélxekmowásamáxche apagkok nak.

Isaías 8:11

Apmágkek axta émek ekyennaqte agko' ma'a Wesse' egegkok, enókáseykha axta meltamho eytlók ámay apagkok nak xa énxet'ák nak. Aptáhak axta seyáneya s'e:

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 20:9

Ektemék agkok ko'o sekpeywa s'e: “Megkaxének sa' kaxwók ewáxok Wesse' egegkok, mañeksek sa' nahan kaxwók ma'a appeywa,” keñe chá'a katnekxak ewáxok appeywa m'a ektémól'a táxa eksawhomól'a kalwatnek aqsok, kawomhok chá'a élméxenchesso m'a kañe' exchakkok. Amáwhok eykhe chá'a amagkok, mowanchek eyke.

Jeremías 29:26

Wesse' egegkok xép apteméssesso apkelmaxnéssesso énxet'ák apagkok, apyaqmagkasso m'a Joiadá, yaqwayam etnehek apkelányo chá'a aqsok m'a tegma appagkanamap nak. Apwa'ak sa' agkok chá'a xama énxet ekyeyháxma, appaqmetchek sa' agkok chá'a etnehek ma'a aptémól'a xama Dios appeywa aplegasso, elatchessesek sa' chá'a exchep apmagkok ma'a yámet élyagqaxe, etétek sa' nahan cadenas.

Jeremías 38:19

Aptáhak axta Sedequías apchátegmowágko s'e: —Eyekak eyke ko'o m'a Judíos appaxqeykekxa nak caldeos, segkexakhama nak negko'o; emeyk agkok ko'o m'a, hetwasagkohok sa'.

Lamentaciones 3:14

Apyókxoho énxet'ák ahagkok sésmésso ko'o; yókxoho ekhem chá'a sésmésso.

Ezequiel 3:14

Émpásekxeyk axta néten ma'a Dios apmopwána, etekkessek axta m'a, ekxegkek axta ko'o yetlo ekmayósa ewáxok tén han eklo, apmágkek axta ekyennaqte agko' émek ma'a Wesse' egegkok.

Oseas 9:7

¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Jonás 4:2

Tén axta appaqhetchesa Wesse' egegkok aptáha apkelmaxnagko s'e: —Wesse', cháxa sekxeyenma axta chá'a ko'o katnehek xa, sekhamakxa axta makham ma'a seyókxa. Axta keñamak sekmáheyo heykxe ko'o axyenmok amhagkok ma'a Tarsis, hakte ekya'ásegkók ko'o exchep apteme Dios ektaqmeleykha apwáxok henlano', tén han apmopyósa henlano', mepekhésamap elwok, awanhek nahan segásekhayo, exének chá'a ellegássesagkohok énxet'ák, keñe elwátessók chá'a.

Miqueas 3:8

Keñe sa' ko'o, heyánchesseshok segkésso sekyennaqte m'a Wesse' egegkok espíritu apagkok, tén han ekpéwomo nentémakxa, tén han magwaye emonye', yaqwayam sa' magwéssekxeyk alxénchásekxohok apkelenmexeykekxoho Dios ma'a énxet'ák Israel tén han melya'assáxma.