Jeremías 20:18 - Biblia Enxet

¹⁸ Yaqsa axta kexaha ektéma sekteyapma nak kañe' méme awáxok. Seklegeykegkoho ekmáske aqsa chá'a ekweteyk tén han ekyaqhápeykha ewáxok, máheyók aqsa amassegwók neyseksa sekmegqakto.

Jeremías 20:18 ပူးပေါင်းရင်းမြစ်များ

1 Reyes 19:4

Tén axta apmahágko m'a meykexa nak énxet, xama ekhem axta han apxega, keñe aphakmo kóneg xama yámet pessesse agkok. Apkeltamhók axta han yetsapok, keñe aptáha: “¡Wesse', heyho ko'o watsapok! ¡Hakte ekhawók ko'o m'a ẽlyapmeyk nano'!”

Job 14:1

Yaqwátawok negha negko'o s'e náxop nak, xámok agko' ektémakxa ekyentaxno negha, nélyelqáxko', eyeynamo m'a sekxók axta nempalleykmo.

Job 14:13

¡Émenyeyk nak la'a ko'o hekpóssók ma'a apkelmaheykegkaxa nak apkeletsapma ekwokmoho ekmassa aplo, epekkenek han ekhem yaqwánxa kaxénwók apwáxok ko'o!

Job 3:20

¡Yaqsa ektéma Dios apchahayo nak apweynchámeykencha'a m'a ekha nak aplegeykegkoho, yaqsa ektéma apméssama nak chá'a apweynchámeykha m'a ekyaqhápeykha agko' nak chá'a apwáxok,

Job 5:7

énxet keñamak ekteyapmakxa m'a nenlegeykegkoho nak, ektémól'a táxa éllo kalchampa'.

Salmos 102:3

Hakte massegwokmek ko'o sekyennaqte ektémól'a éten, kelmexneyk exchakkok ektémól'a táxa,

Salmos 69:19

Apya'ásegkok xép seklegeykegkoho m'a sektaqnómaxche', tén han sekmegqakto, tén han sélxéneykha ekmaso; apya'ásegkok xép ma'a sélenmexma nak.

Isaías 1:6

Méko ektaqmelakxa enxoho ekyókxoho kélyempe'ék kéxegke; élyense ekyókxoho, éma heykegkok kéltekpageykha, keltepelchamaxche'; méko nahan élánéssama, méko nahan élpextehetchessama, megkóltexnassáseykegkok nahan ma'a pánaqte néltexnémáxche yaqwayam enxoho kamasséssesek ekmáske.

Isaías 51:7

“Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Lamentaciones 3:1

Ko'o sekteme sekya'áseykegkoho ektémakxa nenlegeykegkoho eñama señassáseykegkoho Wesse' egegkok aplo.

Habacuc 1:3

¿Yaqsa ektéma sexekmóssama nak chá'a ko'o m'a ekyentaxnamo nak egwáxok, tén han aqsok ekmaso? Yetnegkek ko'o sekhakxa m'a apkelyennaqteyáseykha nak apyempe'ék énxet'ák, tén han sẽlmassésseyam nak, sawheykekxók apkello m'a énxet'ák, tén han ma'a apkelenmexamap.