Jeremías 20:10 - Biblia Enxet

¹⁰ Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 20:10 ပူးပေါင်းရင်းမြစ်များ

1 Reyes 19:2

Keñe axta Jezabel eyáphasa xama apseykha amya'a éltamho etnehek yának Elías se'e: “¡Elías xeyep, Jezabel ko'o! Heñássesagkohok sa' ko'o ekyentaxno agko' aqsok séláyókxa matnéssesa enxoho ko'o exchep saka, keso ekwánxa nak ekhem, apteméssesakxa axta exchep ma'a apkellegasso nak Baal ekpeywa.”

1 Reyes 21:20

Apchátegmowágkek axta Ahab ma'a Elías: —¿Sénmexma, éteyákxéya makham xép? —Ekwetákxe' neykhe —axta aptáhak apchátegmowágko Elías—. Aqsok ekmaso aqsa chá'a exchep elának nápaqtók Wesse' egegkok.

1 Reyes 22:27

Kóltennés sa' sektáha ko'o séltémo kólaqxegkesek kañe' negmomaxchexa', tén han séltémo kólmések wánxa ketchetseyk pán tén han yegmen, ekwokmoho sekwa'akto sa' ko'o makham meyke setnahakxa'.

1 Reyes 22:8

Apchátegmowágkek axta wesse' apwányam Israel ma'a Josafat: —Apheyk makham xama, negmowána agásenneykxak elmaxneyha m'a Wesse' egegkok, apwesey nak Micaías, Imlá apketche. Ataqnawhok eyke ko'o m'a, hakte mehéltennassók makham aqsok ektaqmela, aqsok ekmaso aqsa chá'a héltennaksek. Apchátegmowágkek axta eyke m'a Josafat: —Ná etne aqsa appeywa xa.

Job 19:19

Etaqnagkamchek ma'a sélxegexma'a ahancha'awo' nak; énmexeykekxeyk ma'a sélásekhayókxa nak chá'a ko'o.

Salmos 31:13

Añohok chá'a ko'o elyexchesakpok énxet'ák etnehek hexének se'e: “Sawheykekxók élmeneymáxche ekyókxoho yókxexma.” Apyepetchákxeyk pók apkelánégkokxo yaqwánxa hetnéssesek; ¡apkelánégkokxeyk aptamhágkaxa apmako heyaqhek!

Salmos 31:14

Makke ay'ásseykmok ko'o exchep Wesse'; atnehek chá'a sekpeywa s'e: “¡Xép apteme Dios ahagkok!”

Salmos 41:10

Wesse', yepyósho hélano'; hexneyásekxa néten, keñe sa' atnéssesek ko'o ekpayhawo nak atnéssesek séllegassáseykegkoho m'a.

Salmos 41:9

Weykmók sénmexeykekxo m'a sekxegexma seyásekhayo nak, magwéssama axta chá'a aqsok ahagkok, sektómo axta chá'a xamók sekto.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Proverbios 10:18

Ekpósek chá'a ektémakxa aplo m'a énxet apmopwána nak amya'a, keñe m'a élyeyháxma nak elsawha aqsa chá'a apkelmopwancha'a amya'a.

Isaías 29:21

cham'a énxet'ák appehésseyam nak aqsa chá'a pók apkelane aqsok ekmaso, apmopwancha'a nak chá'a apkelpeywa elyexanchesha m'a énxet'ák segyekpelchémo, aptamhéyak nak chá'a apkelmopwancha'a amya'a megyánhek kóltaqmelchessásekxak apha m'a énxet meyke nak aptémakxa.

Jeremías 1:19

Yenmexekxak sa' xép xa énxet'ák nak, mexók sa' eyke, hakte sekxegexma sa' ko'o atnehek xép, yaqwayam amyók chá'a. Ekméssek ko'o sekpeywa, sektáha nak Wesse' apagkok.”

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Jeremías 11:21

Keñe m'a énxet'ák Anatot, apmáheyo nak chá'a heyaqhek, apkeltémo nak chá'a maxének ma'a Wesse' egegkok apwesey, maltamho enxoho heyaqhek,

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Jeremías 20:3

Mók ekhem axta nahan apkeltamho kólhexyawássesek kélatchessesso apmagkok yántéseksek ma'a Jeremías, keñe axta Jeremías aptáha apcháneya s'e: “Apyaqmagkassessek xép mók apwesey Pashur ma'a Wesse' egegkok, Magor-misabib aptemessásekxak apwesey.

Jeremías 37:13

Xama axta apwákxo m'a éltamhomaxchexa nak Átog Benjamín, apmágkek axta Jeremías xama énxet apwesey axta Irías, Selemías axta apketche, Hananías axta aptáwen, apteme axta apkemha apmonye' aptaqmelchesso wesse' apxagkok, axta aptáhak apcháneya s'e: —¡Caldeos xép peyk epáxaqwók! ¡Peyk hegkexa'!

Jeremías 6:25

¡Nágkólántép yókxexma, nágkólmohok ma'a ámay nak! ¡Yetlo apkelmeykha m'a nélenmexma nak; ¡sawhékxók élmeneymaxche ekyókxoho yókxexma!”

Ezequiel 22:9

Yetneyk nahan chá'a nápakha énxet'ák apagkok apkelsexnenagko apnámakkok apkeletsapma, eñama apkelmopwancha'a amya'a; tén han appásegwayam chá'a élánamáxche ektámaxche ekyawe m'a néten egkexe, eñama kéllánésso m'a aqsok kéleykmássesso, tén han apkelánéyak chá'a m'a aqsok ekmaso agko' nak.

Daniel 6:4

Aptegyáha axta eykhe han yaqwánxa etnahagkok esexnenak exének ekmaso aptamheykha apchókxa m'a pók apkeláneykha nak apkeltamheykha, tén han ma'a apkeltaqmelchesso nak chá'a apkelókxa', axta eyke kóteyamaxchek xama enxoho apkelane aqsok ekmaso m'a Daniel, hakte énxet meyke aptémakxa axta m'a; megkólwanchek axta kélmáheyo kólxénchásekxohok aptémakxa.