Jeremías 2:5 - Biblia Enxet

⁵ Aptáhak apkeláneya kéxegke Wesse' egegkok se'e: “¿Yaqsa axta aqsok ekmaso apkelweteya séláneya ko'o kélyapmeyk nano' seyamasma? Apkelyetleykekxeyk axta m'a aqsok kéláyókxa ekteme nak mékoho, mékoho apagko' axta han apkelteméssásamákpekxak ma'a.

Jeremías 2:5 ပူးပေါင်းရင်းမြစ်များ

2 Reyes 17:15

apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.

Salmos 115:8

Elxohok sa' chá'a apyókxoho ektáha nak chá'a apkeláneyak xa kéleykmássesso nak, tén han apkeláyo nak chá'a.

Isaías 29:13

Aptáhak ko'o seyáneya Wesse' egegkok se'e: “Apkelpeywa aqsa chá'a ko'o apkelxeyenmak sétleykencha'a xa énxet'ák nak, apatña'ák aqsa apkelxeyenmak chá'a ko'o seyáyo, keñe m'a apkelwáxok nak megkalxegkáseykencha'a heyáwhok ko'o, énxet apkeltémókxa antéhek nahan chá'a m'a aptamheykegkaxa nak chá'a hélpeykesho', apkeltámésamap apagko'.

Isaías 44:9

Mékoho apancha'awók ma'a apkelánéyak nak chá'a aqsok kéleykmássesso, momók ancha'awók nahan ma'a kéleykmássesso apkelánéyak nak chá'a, cham'a apkelmopmenyého apagko' nak chá'a. Meyke apaqta'ák nahan ma'a ektáha nak chá'a apkelpeykessamo, melya'ásegkok nahan aqsok, cháxa keñamak peya sa' elmegqágwakxohok ma'a.

Isaías 46:12

Énxet'ák, élyennaqte nak kélwáxok, kóleyxho sekpeywa, élxeyenma nak chá'a kélwáxok megkólwagkasaxcheyk teyp.

Jeremías 10:8

Élyeyháxma m'a apyókxoho nak, méko xama enxoho apkelmopwancha'a aqsok. ¡Yawanchek kalxekmósek yántéseksek nekha!

Jeremías 12:2

Xeyep apkeneykekxa m'a, ektémól'a yámet, kaxek chá'a kepmenák, kawanák chá'a, keñe keyxek. Apkelpeywa aqsa chá'a kaltaqmalmakha exénmakha exchep ma'a, keñe m'a apkelwáxok nak, megkaxegkáseykencha'a kaltaqmalmakha apkelwáxok élxéneykha exchep.

Jeremías 14:22

¿Yetnéya neyseksa xama aqsok kéleykmássesso m'a ekmowána nak kamámeyaksek? ¿Awancheya káphaksohok agkok ekmámeye m'a yaphope? ¡Ma', Dios Wesse' egegkok! Xép chá'a apcháphasso m'a, xép chá'a apkelane xa ekyókxoho aqsok nak; ¡cháxa keñamak nélhaxanma nak negko'o exchep!

Jeremías 2:31

(Kéxegke nahan, kaxwe nak kélektegeykekxa makham, kóltaqmelchesho kélháxenmo Wesse' egegkok appeywa.) Israel, ¿yókxexma meykexa énxet kélagkok ya axta ko'o kéxegke?, ¿xapop ekyaqtéssamakxa exma ya axta ko'o? Énxet'ák ahagkok, ¿yaqsa ektéma kéltéma nak chá'a kélpeywa s'e? ‘Nenteme egagko' negko'o kaxwók nentamheykegkok; wánxa kaxwók negye'eykekxa exchep’.

Jeremías 2:4

Kóleyxho Wesse' egegkok appeywa, Jacob aptawán'ák neptámen, tén han kélyókxoho Israel aphawóxama.

Jeremías 8:19

Legáxkók apkelápentegeykha apkellegeykegkoho ekmáske énxet'ák ahagkok ma'a ekyókxoho apheykegkaxa nak énxet: “¿Masséya apha Wesse' egegkok ma'a Sión? ¿Masséya apha wesse' apwányam apagkok ma'a?” Aptáhak axta apchátegmowágko Wesse' egegkok se'e: “¿Yaqsa ektéma séllókassama nak kélpeykessamo m'a kéleykmássesso, cham'a aqsok kéláyókxa ekteme nak mékcha'awo tén han éleñama mók nekha?”

Ezequiel 11:15

“Apkelxénchek énxet'ák apheykha nak Jerusalén ma'a énxet'ák israelitas, cham'a apchókxa xamo' nak xép, aptáhak se'e: ‘¡Tayépek aphamakxa Wesse' egegkok apheykegkaxa xa énxet'ák nak! Keñe negko'o segméssama apkelókxa yaqwayam antéhek egagkok.’

Ezequiel 14:5

“Alpaknegkessamhok sa' ko'o apkelwáxok apyókxoho israelitas ektáha nak seyamasma eñama apkelpeykessamo m'a kéleykmássesso apagkok nak.

Jonás 2:8

Eyensamhok chá'a exchep apkelyetleykha m'a apkelpeykessamo nak chá'a kéleykmássesso.

Deuteronomio 32:21

Elókassegkek ma'a xama aqsok kéláyókxa megkatnaha nak Dios, elókassegkek ma'a aqsok apcháyókxa élmowancha'a amya'a nak; ¡Wának sa' eyke nahan ko'o kólnathak kéxegke m'a pók énxet'ák melya'áseyak nak Dios, wának sa' kóltaqnaweygkok ko'o kéxegke m'a énxet'ák megkalmopmenyého nak elya'asagkohok aqsok!

1 Samuel 12:21

Nágkólyetlakxa m'a aqsok kéláyókxa mékoho nak, megkamowána nak kapasmok, tén han kalwagkasek teyp, hakte élmowancha'a amya'a m'a.