Jeremías 2:34 - Biblia Enxet

³⁴ Apkeltexneymákpek kélnaqta éma apagkok ma'a énxet'ák meyke nak aqsok apagkok, tén han ma'a meyke nak apkeltémakxa, énxet'ák megkólweteya axta chá'a kéxegke elanagkok xama enxoho m'a aqsok ekmaso agko'.

Jeremías 2:34 ပူးပေါင်းရင်းမြစ်များ

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

2 Reyes 24:4

eñama han ma'a apkelnapma axta énxet'ák meyke apkeltémakxa, apsawheyáseykekxoho axta éma apagkok ma'a Jerusalén. Axta keñamak memáheyo elásekhekxohok makham ma'a Wesse' egegkok.

Éxodo 22:1

“Apmeñexchek agkok xama énxet wey essenhan xama nepkések, keñe m'a apchaqha enxoho essenhan apyenyawa enxoho ekha ekyánmaga, eyánmagkasek sa' cinco weyke ekyaqmageykekxa m'a xama wey nak, keñe sa' cuatro nepkések ma'a xama nepkések nak.

Éxodo 22:2

“Kélwetágkók agkok nahan apmenyexakxa xama énxet apmenyexmo nak chá'a, kélyensássek agkok keñe yetsapok, mexénakpek sa' ektáha apmatñà m'a apketsapa enxoho.

Isaías 57:5

kélláneykegkek chá'a kéltémakxa ekmaso megkólmasexta'a m'a kóneg nak yenta'a robles tén han ma'a ekyókxoho yenta'a élyawe élyentaxno nak pessesse agkok, kélnapmeyk nahan chá'a sakcha'a kélméssama aqsok kéleykmássesso m'a nekhaw'ék yegmen ényé nak, élpatyapeykegkaxa nak ma'a meteymog.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Isaías 59:7

wánxa aqsa elya'ammok chá'a m'a aqsok ekmaso nak, yaqwayam enxoho yaqhek chá'a ekmanyehe agko' ma'a énxet meyke nak aptémakxa. Aqsok ekmaso aqsa kélxéneykha apkelwáxok, enaqtawasha chá'a aqsok ma'a apkelmahágkaxa enxoho, esawhohok chá'a.

Jeremías 19:4

Hakte eyamasmeyk ko'o israelitas, yókxexma negkenatchesso aptemessáseykekxak se'e xapop nak; apkelméssegkek chá'a aqsok ánek ekmátsa nak ekpaqneyam éten agkok mók aqsok kéláyókxa s'e kañe' nak, cham'a melya'áseykegko nak tén han melya'áseykegko axta m'a apyapmeyk nano', tén han ma'a kelwesse'e apkelwányam nak Judá, apkelnapmeyk énxet meyke nak apkeltémakxa s'e yókxexma nak.

Jeremías 2:33

“¡Kélya'ásegkok kélagko' nak la'a kéxegke ámay yaqwayam kóltegyaha kélásekhayókxa! ¡Kélxekmósso aqsok ekmaso kélnámakkok kéxegke!

Jeremías 6:15

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.”

Jeremías 7:31

Apkelánegweykmek ekwatnamáxchexa aqsok Tófet ma'a ekyapwátegweykenxa nak xapop Ben-hinom, yaqwayam elwatnek ma'a apketchek apkelennay'a tén han kelwán'ák; aqsok maltémo axta chá'a ko'o elanagkok, tén han megkaxeyenma axta ko'o ewáxok katnehek.

Jeremías 7:6

megkólnaqtawásegkoho enxoho m'a apkeleñama nak mók nekha, tén han ma'a élyéheykha nak, tén han ma'a xentampe'e nak, tén han megkólnapa enxoho chá'a énxet'ák meyke nak apkeltémakxa s'e yókxexma nak, tén han megkólpeykásawo enxoho m'a mók aqsok kéláyókxa, yaqwayam enxoho kólsexnánéxkohok kélagko' kéxegke,

Jeremías 8:12

¡Kéméxcheyk eykhe elmegqágwók apkelánegko enxoho chá'a xa ektéma nak aqsok sektaqnagkamo nak ko'o! Melmegqágwakxeyk eyke, ¡melya'ásegkok ma'a ektémakxa negmegqakto! Éllegassásegkók sa' agkok ko'o m'a, elpelapmok sa', elyaqnenagkok sa' ektéma nak chá'a m'a nápakha nak. Ekxénchek ko'o xa, sektáha nak Wesse'.’”

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Lamentaciones 4:14

Apkelyawheykha aqsa apkelweynchámeykencha'a m'a ámay nak tegma apwányam, máxa meyke apaqta'ák aptamheykegkok; apkeltexnémakpek éma, méko kamáwhok kapaknegwomhok ma'a apkelnaqta nak.

Ezequiel 20:31

Makhemek makham kélpeysegkásamáxche kéxegke kélpeykessamo chá'a m'a aqsok kéleykmássesso kélagkok, kélseykekxéssama chá'a m'a aqsok kélmésso naqsa kélagkok tén han kélnáhakkassama chá'a kélketchek kélwatnéssama. ¿Keya kélmenyeyk kéxegke kóltéhek xa, israelitas, sélya'aweykto nak peya hélpaqhetchesaxkoho'? Naqsók ko'o sekxéna, sektáha nak Wesse', magwohók hélpaqhetchesaxkohok kéxegke.

Ezequiel 22:25

xama apkelókxa apheykegkaxa nak ma'a kelwesse'e apkelyetchesamakpoho yámakméwa, élyexwéweykhal'a tén han élyeptamól'a m'a ekyógkexma; ektómól'a kañe' yókxexma agkok ma'a énxet, tén han élmenyexchessamól'a aqsok élmomnáwa apagkok tén han ma'a aqsok apagkok ekxámokma nak, ekteméssessamól'a xentampe'e' ekxámokma agko' ma'a kelán'ák.

Ezequiel 23:45

Sa' eyke exének ekpayhawo kólteméssesek kelán'a ektawáseykha élyamhopma tén han ekyetno nak ekyógkexma m'a énxet'ák apkelpéwomo nak. Hakte kelán'a eknaqtawáseykha élyamhápeyák xa, yetnegkek nahan chá'a élyógkexma.”

Ezequiel 24:7

Sawheykekxók éma ekyegkenamaxche m'a kañe' nak tegma apwányam; háwe eyke m'a ekyegkenamaxchel'a néten xapop yaqwayam enxoho kápekxak ma'a xóp ánek, eyke m'a néten meteymog eyáxñeyo nak.

Ezequiel 9:9

Aptáhak axta seyátegmowágkokxo Wesse' egegkok se'e: “Awanhók agko' apkeltémakxa melya'assáxma m'a énxet'ák Israel tén han ma'a énxet'ák Judá. Xámok agko' aqsok ekmaso m'a apchókxa; xámok agko' megkapéwomo nak nentémakxa m'a kañe' tegma apwányam. Apkenagkamchek ko'o ayamasmak ma'a apkelókxa; apkenagkamchek nahan mateyk ma'a aqsok apkelánéyak.