Jeremías 2:32 - Biblia Enxet

³² ¿Kalwánaqmohoya chá'a xama kelán'a aqsok étkók agkok élmomnáwa, tén han élmeykha axta chá'a élnáxameykha m'a élyamhopma? Keñe énxet'ák ahagkok, nanók ekmasse élxéneykha apkelwáxok ko'o.

Jeremías 2:32 ပူးပေါင်းရင်းမြစ်များ

Génesis 24:22

Xama axta appenchásegko apyenéyak yegmen yányátnáxeg, keñe axta m'a énxet apleya xama sawo' ekyaqye ekyátekto ekmomnáwa, seis gramos axta ekyentaxno, apyaqxakkassek axta awéhek, apkelméssek axta ánet eknegkenma amék, sawo ekyátekto ekmomnáwa, cien gramos axta han ekyentaxno xama.

Génesis 24:30

hakte apwet'ak axta awéhek sawo ekyaqye, tén han eknegkenma amék apyáxa m'a aktegák nak, apleg'ak axta han éltennáseyncha'a apteméssesakxa m'a énxet nak. Apkenegwokmek axta Labán apkenmágkaxa axta m'a Abraham apchásenneykha, nekha nak yámelchet, apkelyagqakxa axta m'a yányátnáxeg.

Génesis 24:53

Tén axta apkelhaxyawasa m'a aqsok étkók sawo ekyátekto élmomnáwa, tén han sawo élmope élmomnáwa nak, tén han apáwa, apkelmésa m'a Rebeca. Apkelméssek axta han apkelmésso naqsa aqsok ma'a yáxeg, tén han egken.

2 Samuel 1:24

“¡Kóllekxagwaha kelán'ák nak Israel, eñama apketsapma Saúl, apkelmeyáseykegko axta chá'a yaqwayam kólántaxnekxak ma'a apáwa hómáyok, tén han ma'a apáwa apkeláxñe nak, apkelnáxegkáseykencha'awo axta chá'a apkelméssama m'a aqsok éltaqmalma élánamáxche nak sawo ekyátekto élmomnáwa!

Salmos 106:21

Kelwagqámeykegkek axta m'a Dios Apkelwagkasso nak Teyp, apkeláneyo axta chá'a aqsok élyawe agko' ma'a Egipto,

Salmos 9:17

Exnagwók sa' apkelmaheykegkaxa nak apkeletsapma m'a élmasagcha'a nak apkeltémakxa, tén han ma'a melya'áseyak nak Dios, tén han élwagqámeyak nak ma'a Dios;

Isaías 17:10

hakte kelwagqámeykegkek ma'a Dios ektáha axta apkelwagkasso teyp, megkaxeyenmak kélwáxok apteme axta apkelmasma apyennaqte m'a. Kélchekhamchek kéxegke s'e namyep étkók éltaqmalma nak, kélchencháseykekxeyk pánaqte exnók ma'a aqsok kéláyókxa éleñama nak mók nekha,

Isaías 57:11

“¿Yaqsa xa aqsok kéláyókxa kéláya nak chá'a kéxegke tén han kéláyo nak chá'a, yaqwayam enxoho hélyensók ko'o sélyetleykha tén han kamassegwomhok agko' ekxeyenma kélwáxok ko'o? Ekwanmagkamchek axta aqsa ko'o mehéláyo axta, máxa malweteya axta ektemék.

Isaías 61:10

¡Appeykásekxeyk ewáxok Wesse' egegkok! Awanhók agko' segkésso sélsawassamo m'a Dios ahagkok, hakte egkéssek ma'a nélwagkásamáxche teyp apagkok, ¡ewagkásawók ahagko' teyp! Máxa ektáhak ma'a ektémól'a énxet élyamhopma kélatchessessól'a apqátek ma'a apkelháxaqxo ektaqmalma, ektémól'a m'a xama kelán'a ekmáheyól'a kalyamhápok kélnáxegkáseykhal'a kólnatmeyásekxak ma'a élnatanma éltaqmalma.

Jeremías 13:10

Cháxa énxet'ák élmasagcha'a nak apkeltémakxa, megkalyaqwámeykegkok elyahakxohok ma'a séltémókxa nak ko'o etnahagkok, apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok. Apkelyetleykekxeyk ma'a mók aqsok kéláyókxa nak, yaqwayam etnahagkok éláneykha, tén han elpeykeshok chá'a. Aphawók xa kéltétamáxche ektepelchamáxche nak, megkólmowána nak kólmaha.

Jeremías 13:25

Cháxa yaqwánxa katnehek kéxegke xa, Israel, cháxa ekpayhawo nak ko'o atnéssesek kéxegke xa. Ko'o sekxeyenma xa, sektáha nak Wesse'. Hakte megkaxénweykmok kélwáxok ko'o, kélásenneykekxeyk aqsa m'a aqsok kéleykmássesso élmowancha'a amya'a nak.

Jeremías 18:15

Kelwagqámeykegkek eyke ko'o m'a énxet'ák ahagkok, apkelméssegkek chá'a aqsok ánek ekmátsa nak ekpaqneyam éten agkok ma'a aqsok kéláyókxa élmowancha'a amya'a nak. Apkelyetnakhágweykmek ma'a ámay apagkok nak, cham'a nanók ámay nak, apkelyetleykekxeyk ma'a ámay melya'áseykegkaxa nak.

Jeremías 2:11

¿Yetneya xama apheykegkaxa énxet melya'áseyak nak Dios apyaqmagkasso mók ma'a aqsok apkeláyókxa? ¡Ekteme nak eykhe aqsok kéláyókxa élmowancha'a amya'a! Keñe ko'o seyamasma m'a énxet'ák ahagkok, sekteme nak seyeymáxkoho, apkelyetleykekxo m'a aqsok kéleykmássesso ekteme nak mékoho.

Jeremías 2:33

“¡Kélya'ásegkok kélagko' nak la'a kéxegke ámay yaqwayam kóltegyaha kélásekhayókxa! ¡Kélxekmósso aqsok ekmaso kélnámakkok kéxegke!

Jeremías 23:27

Eltennasha chá'a pók ma'a aqsok ekwanmésso, apkeltémo elwátéssesagkok élxeyenma apkelwáxok ko'o m'a énxet'ák ahagkok, ektéma axta ekmassama ko'o élxeyenma apkelwáxok ma'a apyapmeyk nano', apkelyetleykekxo m'a Baal.

Jeremías 3:21

“Legáxcheyk élpayheykha kélatña'ák ma'a néten egkexe ekyamáyekxa nak exma: ¡israelitas ma'a apkellekxagweyncha'a nak, apkeltamho nak kalepyóshok kóllano'! Apkelyetnakhágweykmek apkelyetlo ámay ekpéwomo, megkalxeyenmak apkelwáxok ko'o, sektáha nak Dios Wesse' apagkok.

Ezequiel 22:12

Yetneyk han chá'a nápakha énxet'ák apagkok apma nak chá'a kólmések ekyánmaga yánékpok yaqhek ma'a pók. Emássesha nahan chá'a selyaqye apagkok pók yetlo apma ekyawe agko' ekyánmaga tén han apkeltémo eyánmagkásekxohok chá'a mók néten, elyennaqtésha nahan chá'a apyempe'ék enaqtawasagkohok ma'a apnámakkok, keñe ko'o megkaxénhek chá'a apkelwáxok. Ko'o sekxeyenma xa, sektáha nak Wesse'.

Oseas 8:14

Apkeláneykegkek apxanák apkelyawe m'a Israel, kelwagqeykmek eyke chá'a m'a ektáha nak apkelane. Apkeláneykegkek apxámokma tegma apkelyawe ekyennaqte nak kélhaxtegkáseyak nepyáwa m'a Judá, wáléwássesek sa' eyke ko'o táxa m'a, yaqwayam sa' kalwatnek ma'a apxanák apkelyawe nak.”

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Jueces 8:34

Massegkek axta ekxeyenma apkelwáxok ma'a Dios Wesse' apagkok, apkelwagkasso axta teyp nepyeseksa apyókxoho apkelenmexma apheykha axta nepyáwa',