Jeremías 2:31 - Biblia Enxet

³¹ (Kéxegke nahan, kaxwe nak kélektegeykekxa makham, kóltaqmelchesho kélháxenmo Wesse' egegkok appeywa.) Israel, ¿yókxexma meykexa énxet kélagkok ya axta ko'o kéxegke?, ¿xapop ekyaqtéssamakxa exma ya axta ko'o? Énxet'ák ahagkok, ¿yaqsa ektéma kéltéma nak chá'a kélpeywa s'e? ‘Nenteme egagko' negko'o kaxwók nentamheykegkok; wánxa kaxwók negye'eykekxa exchep’.

Jeremías 2:31 ပူးပေါင်းရင်းမြစ်များ

1 Reyes 11:22

Apchátegmowágkek axta faraón: —¿Yaqsa ektáha apmako nak emyekxak apchókxa? ¿Yetneyk enxeykel'a aqsok eyeyméxchexa exchep se'e sekhakxa nak? Apchátegmowágkek axta Hadad: —Méko aqsok eyeyméxchexa ko'o s'e, wánxa eyke aqsa séltamho ko'o heyhok amyekxak ma'a séñémekxa axta.

2 Crónicas 31:10

tén axta m'a apkemha apmonye' apkelmaxnéssesso Dios énxet'ák apagkok Azarías, Sadoc axta aptáwen neptámen, aptáhak axta apchátegmowágko s'e: “Xámok axta nentéyak sekxók axta eyeynawo kélsáyam aqsok ma'a Wesse' egegkok tegma appagkanamap apagkok, xámok makham éleymomáxche'; keleymomáxchek ekyókxoho xa ekwánxa nak ekxámokma, hakte apkelméssegkek aqsok éltaqmela Wesse' egegkok ma'a énxet'ák apagkok.”

Job 21:14

Etnehek chá'a yának Dios se'e: “¡Ná hẽlye'és exma, mogmenyeyk negko'o agya'ásegwók segánamakxa apagkok!

Salmos 10:4

Elsekheykha chá'a elyeheykha etnehek elpaqmétek élmasagcha'a nak apkeltémakxa s'e: “Méko Dios. Méko hexénchásekxohok sektémakxa.” Wánxa ektémakxa élchetamso apkelwáxok xa.

Salmos 12:4

apteme nak chá'a elpaqmétek se'e: “Egwancha'ak negko'o nélpeywa yaqwayam hegwetaksek aqsok, hẽlwagkasek chá'a teyp nélpeywa. ¿Yaqsa awanchek negko'o hẽlxekmósagkok?”

Proverbios 30:9

hakte eyeykhágwokmók agkok ko'o xa aqsok nak, ayenyók kexa katnehek xép, axének may'ásegko; méko agkok han aqsok ahagkok, amenyexek kexa nahan katnehek, keñe atwássesha m'a apwesey nak xép Dios ahagkok.

Isaías 45:19

Meyxaxkók ko'o apaqmétek mapaqméswomek nahan ma'a kañe' ekyáqtéssamakxa nak exma keso náxop. Matnehek nahan alának Jacob aptawán'ák neptámen se'e: ‘Hélchetamsakxa m'a meykexa nak aqsok.’ Naqsók ko'o atnéssesek sekpeywa, ko'o sektáha nak Wesse', axének chá'a m'a aqsok ekpéwomo nak.

Jeremías 2:20

“Nanók agko' ko'o kéxegke sélenmexeykekxa', megkalyaqwámeykegkok hélyahakxoho.’ Axta kéltemék chá'a kélpaqméteykencha'a s'e: ‘Mogmenyeyk negko'o exchep agyetlawha.’ Kélláneykegkek axta kéxegke kéltémakxa megkólmasexta'a m'a néten egkexe nak tén han ma'a kóneg nak yenta'a élyentaxno pessesse agkok.

Jeremías 2:25

“¡Énxet'ák Israel, nágkólnaqtawasha kélmagkok kólnaqtémha meyke kélatchesso kélmagkok, nágkólho kalyameyk kélyespa'ák! Keñe axta kéltéma makham se'e: ‘Ma', mogwanche'; nélásekhayók negko'o m'a apkeleñama nak mók nekha, ólyetlakxak sa' negko'o m'a.’

Jeremías 5:5

Ay'ókxak sa' ko'o m'a énxet'ák ekha nak kéláyo, alpaqhetchesek sa' nahan. Megkatnehek sa' nahan melya'áseykegkoho m'a apmopmenyého nak Wesse' egegkok, cham'a apkeltémókxa nak chá'a etnahagkok ma'a Dios apagkok. Apkelenmexeykekxeyk eyke Dios xa apyókxoho nak, megkalyaqwámeykegkok elyahakxoho'.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Ezequiel 14:5

“Alpaknegkessamhok sa' ko'o apkelwáxok apyókxoho israelitas ektáha nak seyamasma eñama apkelpeykessamo m'a kéleykmássesso apagkok nak.

Oseas 13:6

“Xama axta ekyeykhágweykmo kéltéyak kéxegke, keleymáxkók agko' axta kélwáxok, tén axta ekmassama ekxeyenma kélwáxok ko'o.

Amós 1:1

Keso amya'a apxawe axta Amós, apteme axta keláneykha nepkések ma'a Tecoa, apcháphássesso axta m'a Dios apkelxeyenma m'a énxet'ák Israel, aptáhakxa axta apqánet apyeyam amonye' ekwe m'a xóp ekyawheykha, apyennaqtamakxa axta m'a Ozías, wesse' apwányam axta m'a yókxexma Judá, tén han ma'a Jeroboam, Joás axta apketche, wesse' apwányam axta m'a Israel.

Miqueas 6:9

Apkelwóneyha Wesse' egegkok ma'a apheykha nak tegma apwányam, tásek han ageyxhok yetlo negáyo: “Kóleyxho, énxet'ák, tén han kélpaqhetcháseykha nak chá'a kélnámakkok ma'a tegma apwányam:

Deuteronomio 31:20

Hakte élántaxnéssek sa' agkok ko'o m'a xapop séltennassamakxa axta ko'o m'a apyapmeyk nanók axta, cham'a xapop ényahamakxa nak weyke nagkeygmenek tén han ma'a yányawhéna' apyegmenek ektémól'a kanyehek ma'a yegmen, tén han aptókagko sa' ekwokmoho apkelyaqkanakmo tén han apnaqmel'a sa', keñe sa' elyetlakxak ma'a mók kéláyókxa nak, elpeykeshok sa' nahan, keñe sa' ko'o hetaqnawágwók, etwasha sa' ma'a ekhémo mók nélpaqhetchásamáxkoho ahagkok nak.

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

Deuteronomio 32:18

“Israel, kelwagqeykmek xeyep ma'a apyáp tén han ma'a apmasma nak chá'a; kelwagqeykmek ma'a Dios ektáha axta apmésso apyennaqte.