Jeremías 2:30 - Biblia Enxet

³⁰ Chaqhémok ko'o séllegassáseykegkoho m'a kélketchek nak kéxegke, mopmenyék elya'ásegwók ma'a séltémókxa nak etnahagkok. Kélhawók kéxegke m'a, yámakméwa éllo, kélnápeykekxeyk ma'a énxet'ák kélagkok apkellegasso nak sekpeywa.

Jeremías 2:30 ပူးပေါင်းရင်းမြစ်များ

1 Reyes 19:10

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

1 Reyes 19:14

Apchátegmowágkek axta m'a: “Awanhók agko' ko'o exchep sélmeyeykha, Wesse', Dios ekha nak apyennaqte, hakte apyamasmeyk énxet'ák Israel ekhémo mók nélpaqhetchásamáxkoho apagkok, apkelyaqnegkessáseykegkek han ma'a kélwatnéssamakxa nak chá'a aqsok, sókwenaqte axta han chá'a apkelyetxeykegkok apkelnapma m'a apkellegasso nak appeywa. Ko'o aqsa exakko' seyeymomáxko, étamsamáxcheyk han yaqwayam amátog.”

2 Crónicas 24:21

Aphésawók axta eyke mók apkelpeywa yaqwánxa etnéssesek, apkelyetna'ak axta meteymog ma'a apwáxok nak Wesse' egegkok tegma appagkanamap apagkok, eñama appeywa m'a wesse' apwányam.

2 Crónicas 28:22

Apweteyak axta eykhe xa ekmaso nak apha, apkelenxáneykmek axta aqsa melyaheykekxa m'a Wesse' egegkok. ¡Cháxa aptémakxa axta wesse' apwányam Ahaz xa!

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Nehemías 9:26

“Axta eyke elyaheykekxohok xép ma'a, apkenmexeykekxeyk axta, apkelwanyeykha axta m'a segánamakxa apagkok nak. Apkelnapmeyk axta han ma'a xép apkeláneykha apkellegasso nak appeywa, megyésseykekxa axta apkelxéncháseykekxoho apkeltémakxa, apkeltémo axta elyo'ókxak makham xép; aplókassama apagko' axta exchep.

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Isaías 59:3

Tekyawa yapmeyk kéxegke tén han kélnaqtawáseykegkoho chá'a kélnámakkok; kélmowána amya'a chá'a kéltemék, kélxeyenmeyk chá'a m'a aqsok ekmaso nak.

Isaías 9:13

Makke elye'eykekták Dios ma'a énxet'ák, ektáha axta apkellegassáseykegkoho; melchetamsók ma'a Wesse' ekha nak apyennaqte.

Jeremías 31:18

Ekleg'ak ko'o Efraín énxet'ák apagkok aptáha apkelpaqméteyncha'a apkellekxagweyncha'a yetlo élyentaxnamo apkelwáxok se'e: ‘Negko'o axta nenteme neghémo weyke yágkelwána meyke kéltámésso, ẽltámeseykegkek eyke negko'o exchep; yána agyo'ókxak makham negko'o exchep, hakte xép apteme Wesse', Dios egagkok.

Jeremías 46:14

“Kóllegés Egipto s'e, tén han Migdol, tén han Menfis, tén han ma'a Tafnes: ‘¡Kólleyxmakha, kóllánekxa kéltáhakxa! ¡Yetnakmek ekyógkexma sókwenaqte kélnepyáwa!’

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Jeremías 7:28

Etne sa' elának se'e: Keso énxet'ák melyaheykekxa nak Dios Wesse' apagkok se'e, megkalmopmenyého nak kóllánekxések apkeltémakxa. Massegweykmók agko' apkelxeyenma m'a amya'a ekmámnaqsoho.’”

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Ezequiel 22:24

“Xép, aptáha nak énxet, etne yának Israel se'e: ‘Xeye' ekteme xama apchókxa kéllegassáseykegkoho meyke ekmámeye tén han meyke yegmen,

Ezequiel 24:13

“Jerusalén, ekmáheyók axta eykhe ko'o amópessásekxak ektémakxa ekmanyása élane ektémakxa megkamasexta, axta eyke káxñeykekxak émpehek. Wánxa sa' eyke aqsa amasséssesek ma'a sekyenyento sa' seklo neyseksa exche'.

Daniel 9:13

Egáhapwa'ak negko'o ekyókxoho aqsok ekmaso, ekhawo ektémakxa nak eknaqtáxésamaxche m'a Moisés segánamakxa apagkok; makke agketamsók negko'o exchep, Dios Wesse' egegkok, magyamasmak han ma'a nentémakxa élmasagcha'a, magyetlók han ma'a aptémakxa nak apmámnaqsoho.

Sofonías 3:2

Megyaháxenmók ma'a Wesse' egegkok appeywa mopmenyeyk nahan kólpékessesagkok; megyáyok nahan ma'a; mey'eykekxak han ma'a Dios.