Jeremías 2:24 - Biblia Enxet

²⁴ yámelyeheykok kelwána ekmeymente, kélyenyeykekxal'a néten egkexe, ekseykhal'a awéhek kategyaha kennawo'. Kelanak agkok kennawo', méko kawának kamagkok. Ketamchek agkok han chá'a m'a kennawo nak, megkayampeyk chá'a: kóteyekxak chá'a m'a ekwákxo enxoho ekhem éláneykxa kelwána.

Jeremías 2:24 ပူးပေါင်းရင်းမြစ်များ

Job 11:12

Elya'ásegwók sa' aqsok melya'áseyak nak aqsok ma'a ekhem ekmassa sa' ekteme ekmeymente m'a yámelyeheykok.

Job 39:2

¿Apya'ásegkoya han apwánxa pelten aptémakxa apnaqláwa?

Jeremías 14:6

Kelyagqak aqsa nahan yámelyeheykok nawha'ák ma'a néten xóp élekhahéyak meykexa nak aqsok, kelsókha aqsa awéhe'ék ektémól'a semheg nawha'ák éllo; kelhagqak nahan élyeheykha, hakte méko pa'at yaqwayam katawagkok.”

Jeremías 2:27

hakte axta aptemék chá'a apkenagkama yámet se'e: ‘Xeye' ekteme táta ahagkok’, tén axta meteymog aptéma chá'a apkelanagkama s'e: ‘Xeye' ekteme méme ahagkok.’ Keñe axta ko'o seyheykekxo apkap'ák, axta hélányo'. Tén axta apkelwet'a enxoho chá'a ekmaso apheykha, etnehek chá'a heyának se'e: ‘¡Hẽlwagkasseta negko'o teyp!’

Ezequiel 16:33

Kólmésagkok chá'a ekyánmaga m'a ekyókxoho kelán'ák ekma nak chá'a ekyánmaga ekpathetéyak énxet; keñe exche', kalmésagkok aqsa chá'a aqsok élmésso naqsa m'a ektáha nak chá'a élpathetéyak, kayánmagkasek nahan chá'a kaláneyha elxegmak énxet elenyék ma'a ekyókxoho apheykegkaxa yaqwayam epathetagkok xeye'.

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Oseas 8:9

eñama apkelye'eykekxa m'a Asiria, máxa m'a yámelyeheykok ekmeymente ekyennaqtél'a ayespok. ¡Apkelméssegkek aqsok apkelmésso naqsa Efraín yaqwayam elmok ma'a apkelásekhayókxa nak!