Jeremías 2:14 - Biblia Enxet

¹⁴ “Háwe kélásenneykha naqsa m'a énxet'ák Israel; axta epalleykmok yaqwayam etnahagkok kélásenneykha naqsa. ¿Yaqsa eyke ektéma kélyementamoma nak aqsok apagkok?

Jeremías 2:14 ပူးပေါင်းရင်းမြစ်များ

Éxodo 12:49

Sa' etnehek nahan apkelyeheykekxoho appalleykemxa apagko' nak apkelókxa s'e segánamakxa nak, tén han ma'a megkatnaha nak kélpeywomo xamo' apheykha nak kélnepyeseksa kéxegke.”

Éxodo 4:22

Tén sa' etnehek yának faraón se'e: ‘Exchek aptáhak appeywa Wesse' egegkok se'e: Israel apteme hatte átnaha apketkok.

Eclesiastés 2:7

élmomchek axta énxet sélásenneykha naqsa, tén han ma'a kelwán'ák nak, yetneyk axta han sélásenneykha naqsa appalleyam nak exagkok; xámok axta han weyke seknaqtósso, tén han nepkések, ekyeykhásseykmók axta m'a apmonye'e apheykha axta m'a Jerusalén, matyapmakxa axta ko'o.

Isaías 50:1

Aptáhak Wesse' egegkok se'e: “¡Nagkólána aqsa atneyk ko'o sekyamasma Israel ma'a, aptémól'a xama énxet eyenyók ma'a aptáwa', cham'a egken nak kéxegke! ¡Nagkólána aqsa akxakhák ko'o kéxegke ekha ekyánmaga yaqwayam kóltéhek kélásenneykha naqsa eñama ekha sekméyak aqsok ma'a xama énxet! Kélchexakhamchek kéxegke hakte kélláneykegkek megkólya'assáxma; kélyamasmeyk ma'a Israel, egken nak kéxegke, hakte asagkek kéltémakxa kéxegke.

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 5:19

Aptemék sa' agkok elmaxneyha exchep se'e: ‘¿Yaqsa ektéma senteméssessama nak negko'o Dios Wesse' egegkok ekyókxoho xa ektáha nak?’, etne sa' yátegmowagkokxak se'e: ‘Sa' kóltéhek nahan kéxegke kóltéhek apkelásenneykha énxet'ák apkeleñama nak mók nekha megkatnahakxa nak xapop kélagkok, kéltémakxa axta kélyámasma Wesse' egegkok, kélyetleykekxo aqsok kéláyókxa éleñama nak mók nekha m'a kañe' xapop kélagkok nak.’