Jeremías 19:1 - Biblia Enxet

¹ Aptáhak axta ko'o seyáneya Wesse' egegkok se'e: “Exeg, etegye sa' xama yátegwáxwa, eláneyha sa' nápakha apkelámha apmonye'e apagkok nak énxet'ák, tén han nápakha apkelmaxnéssesso énxet'ák ahagkok nano' nak.

Jeremías 19:1 ပူးပေါင်းရင်းမြစ်များ

2 Reyes 19:2

Tén axta apkeláphasa, cham'a Eliaquim apkemha apmonye' axta m'a tegma apyawe aptaqmalma yetlo Sebná apnaqtáxéséyak axta chá'a weykcha'áhak, tén han ma'a apkelmaxnéssesso Dios énxet'ák apagkok apkelwányamo nak, yetlo apkelántaxneykekxa m'a apáwa sẽlwáxaqxamo nak magkenatchesso éllapwámeygko, elyo'ókxak ma'a Dios appeywa aplegasso Isaías, Amós axta apketche,

Isaías 30:14

máxa sa' kóltéhek kólmasséssók ma'a ektémól'a yátegwáxwa apkelánamap la'a yelpa', appaqxamól'a apyókxoho, megyeymomap la'a xama nápakha'a apketkok appaqxo negmowána enxoho agmaha antahanchesek átex ólmok ma'a neyseksa táxa nak, essenhan yaqwayam enxoho agyáwak yegmen ma'a yámelchet.”

Jeremías 13:1

Aptáhak axta ko'o seyáneya Wesse' egegkok se'e: “Exeg, etegye sa' xama kéltétamáxche élánamáxche nak apáwa apkeláxñe, ethet sa' nepxet, eyke ná eyásses aqsa yegmen.”

Jeremías 26:17

Apkelchampákxeyk axta nahan néten nápakha apkelámha apmonye'e, keñe aptáha apkeláneya énxet'ák apchaqnákxo axta m'a:

Jeremías 32:14

‘Aptáhak Wesse' ekha apyennaqte, Dios apagkok nak Israel se'e: Elmekxa sa' xa ánet weykcha'áhak ekxeyenma nak kélyamasma aqsok, cham'a kélyennaqtésso nak kélpextete tén han ma'a meyke nak kélpextete, exátem sa' kañe' yátegwáxwa, yaqwayam sa' megkalesagkehe'.

Lamentaciones 4:2

Máxa weygke apkelánamap la'a yelpa' apkelanél'a xama apkelane yátegwáxwa kaxwók kéltemessásak ma'a apheykha nak Sión, eyaqheykha axta chá'a kélwáxok kóllano', kélhéssamo axta chá'a m'a sawo ekyátekto ekmomnáwa.

Ezequiel 4:1

“Xép énxet, ema sa' xama yátaphémekcha'ák apwetek, epekken sa' apmonye', eleykmássesha sa' tegma apwányam Jerusalén ma'a néten nak.

Ezequiel 5:1

Aptáhak axta seyáneya Wesse' egegkok se'e: “Xép apteme nak énxet, ema sa' kaxwo' xama sawo kélmaxneyeykekxa ekmahamta, etnésses sa' ekho kélyéssesso áwa' kélátog, emopaksoho sa' eyesaksek apqátek tén han áwa' apátog. Keñe sa' natámen emok xama kelyetsáteyak, yexpánches sa' apwa' ántánxo apkelyaqténma.

Números 11:16

Aptáhak axta Wesse' egegkok apchátegmowágko s'e: —Heyánchessáseykxa sa' ko'o setenta apkelámha apmonye'e nak israelitas, cham'a apkelweteykxa nak chá'a aptamhéyak apkelámha apmonye'e nepyeseksa énxet'ák, enaqlanta sa' ma'a kélpakxanma apchaqneykekxexa nak chá'a énxet'ák, héleyx sa' ko'o yetlo exchep ma'a.