Jeremías 18:7 - Biblia Enxet

⁷ Ekmanyehe agko' ko'o ewanchek axének alántekkesek énxet'ák, tén han alnápok, tén han amasséssók xama apchókxa, essenhan aptémakxa nak chá'a wesse' apwányam xama énxet.

Jeremías 18:7 ပူးပေါင်းရင်းမြစ်များ

Génesis 6:6

Chaqhak axta apwáxok apkeláneya énxet, yetlo élapwayam apwáxok axta

Jeremías 1:10

“Ekpekkenchessek ko'o exchep apátog sekpeywa. Sakhem sekmésa ko'o exchep apmopwána nepyeseksa m'a apyókxoho énxet'ák nak keso náxop tén han ma'a apkelókxa, yaqwayam sa' esawhohok aqsok ma'a kañe' tén han elyaqnegkesagkok, yaqwayam sa' emasséssók tén han etnéssásekxak nápakha'a apketkók, tén han yaqwayam enaqxétekhasagkokxak makham, tén han eknekxak makham aqsok aktek.”

Jeremías 26:3

Lapmaxcheyk sa' elyahakxoho, tén han elwátésagkok apkeltémakxa ekmaso, keñe sa' ko'o megkaxének ewáxok allegássesagkohok eñama apkeláneyak aqsok ekmaso, ekhawo ekxeyenma axta ko'o ewáxok atnéssesek.

Jeremías 31:28

Sa' atnehek alanha yaqwayam anaqxétekhasagkokxak tén han aknekxak aqsok aktek ma'a, sekteméssessamakxa axta chá'a séláneykencha'a yaqwayam alántekkesek, tén han alyaqnegkesagkok náxop, tén han amasséssók, tén han alteméssessamhok exma ekmaso. Ko'o sekxeyenma xa, sektáha nak Wesse'.

Jeremías 42:10

‘Kélmakók sa' agkok kéxegke kólhekxak se'e xapop nak, wának sa' ko'o kataqmelek kélheykha; mamasséssemek sa', alhésha sa' aqsa, malántekkesek sa' chá'a, hakte chaqhegkek ko'o ewáxok seyhaya kéxegke m'a aqsok ekmaso nak.

Jeremías 45:4

eyáphássek nahan apkeltamho atnehek wának xép se'e: ‘Alyaqnegkesagkok chá'a ko'o m'a ektáha axta sélane, alpátekkeshok nahan chá'a m'a ektáha axta séneykekxa. Sa' atnéssesek nahan ekyókxoho xapop.

Ezequiel 33:14

Éltennássek agkok ko'o ematñekxak xama énxet ekmaso nak aptémakxa, keñe apkelwátésa enxoho apkelane m'a mey'assáxma, elának ma'a aqsok ektaqmela yetlo ekpéwomo aptémakxa,

Daniel 11:4

Yennaqwokmek sa' agkok apteme wesse' apwányam, kólyaqtennek sa' neyseksa m'a yókxexma apkeláneykegkaxa nak, cuatro apchókxa sa' kóltemessásekxa'. Memekxeyk sa' han aptawán'ák neptámen aptémakxa nak ekha apyennaqte xa wesse' apwányam nak, megkaxók sa' ekyennaqte apchókxa ekweykenxa axta, hakte kaxpánchesaxchek sa', pók sa' han eyaqmagkasek apteme wesse' apwányam.

Amós 9:8

Apkelányók Wesse' egegkok se'e énxet'ák melya'assáxma nak, keñe aptáha s'e: “Amasséssessók sa' ko'o apheykha nélwanmeygkaxa xa, masawhók sa' eyke amasséssók ma'a Jacob apnámakkok. Ko'o sekxeyenma xa, sektáha nak Wesse' kélagkok.

Jonás 3:10

Apwet'ak axta Dios aptamhágkaxa énxet'ák Nínive, ekmassa apkelánegko m'a apkeltémakxa ekmaso nak, tén axta ekxéna apwáxok metnéssessamók exma ekmaso, apxénakxa axta etnéssesek.