Jeremías 17:4 - Biblia Enxet

⁴ Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 17:4 ပူးပေါင်းရင်းမြစ်များ

1 Reyes 9:7

alántekkesek sa' ko'o Israel ma'a xapop sekméssamakxa axta, alyetnakhaksek sa' sekhakxa tegma appagkanamap sekteméssessama axta appagkanamap, apkelasmésamap sa' atnéssesek Israel nepyeseksa m'a apyókxoho pók aptémakxa énxet'ák nak.

Nehemías 9:28

“Yáma wenaqtémók axta ektaqmeleykekxa makham apheykha, apkelánegkokxo makham aqsok ekmaso nápaqtók xép, axta keñamak apchahayo makham elmekxak ma'a apkelenmexma, cham'a aptamheykekxo axta makham apkelásenneykha. Apkelmaxneyeykekxeyk axta makham xép apkeltémo epasmok, apháxenmók axta makham xép ma'a aphakxa nak néten, yetlo ekyawe agko' apkelásekhayo, xámokmeyk axta apkelmallahanchesso ekmaso apheykha.

Isaías 14:3

Énxet'ák Israel, apkellókassessek sa' agkok kéxegke kélyampe Wesse' egegkok eñama m'a ektémakxa nak kéllegeykegkoho, tén han ekyentaxnamo kélwáxok tén han kélmésso ekyentaxno agko' kélteme m'a kélásenneykha naqsa,

Isaías 30:33

Nanók agko' apkelánesso énxet'ák Asiria tén han wesse' apwányam apagkok ma'a ekyetnamakxa nak sẽllegassáseykegkoho ekmáske, ekyawe nak ekpayhakxa tén han ekmattawóneg, eyáléweykegkaxa nak ekyawe m'a táxa yetlo ekxámokma m'a yántapák. Wesse' egegkok apkennama sa' káléwaksek ma'a, máxa sa' katnehek ma'a ényél'a eyáléwe m'a aqsok ánek ekyátekto eyáléwomól'a.

Isaías 5:25

Cháxa keñamak apkeltaqnaweygko nak Wesse' egegkok ma'a énxet'ák apagkok, apkellegassásegkók nahan. Kelyawheyha m'a egkexe nak, máxa aqsok apák kélchexakhál'a táhak ekhéyak kélhapák ma'a ámay awáxok. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Isaías 50:11

Keñe sa' kélyókxoho kéláléwasso nak táxa, kélláneykegkokxa nak yágke eyáléwomól'a táxa naw'ék, kalnápekxohok sa' agkok ma'a táxa eyáléwe kélagkok nak, kalnápekxohok sa' agkok ma'a yágke kélagkok kéláléwasso kélagko' nak naw'ék kéxegke. Yáphássesek sa' Wesse' egegkok xa kéllegeykegkoho nak kóletsapok sa' neyseksa kéllegeykegkoho ekmáske.

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Jeremías 12:7

“Éxakkek ko'o énxet'ák ahagkok, ektaqnawágwokmek ma'a ektáha axta ahagkok. Ekméssek ko'o yaqwayam elmok apkelenmexma m'a énxet'ák aptáha axta ko'o sélásekhayókxa.

Jeremías 15:14

Apkelásenneykha naqsa sa' ko'o atnéssesek kéxegke kélenmexma m'a yókxexma megkólya'ásegkaxa nak, hakte eklókek ahagko' ko'o, máxa táxa eyáléwe sa' katnehek kamasséssók.”

Jeremías 16:13

Cháxa keñamak peya nak ko'o alántekkesek kéxegke s'e xapop nak, alya'aksek sa' xama apchókxa megkólya'ásegkaxa nak kéxegke, tén han melya'áseykegkaxa axta m'a kélyapmeyk nano' axta kéxegke, sa' kólpeykeshok chá'a mók aqsok kéláyókxa yókxoho ekhem ma'a tén han yókxoho axta'a, megkalepyóshek sa' ko'o alanok kéxegke.

Jeremías 18:23

Wesse', apya'ásegkók eyke exchep ekyókxoho aqsok élxeyenma nak apkelwáxok elanagkok, apmáheyo ko'o heyaqhek. ¡Eyaqmagkásekxa m'a aqsok ekmaso apkeláneyak nak, nágkalwánaqma m'a melya'assáxma nak! ¡Elyaqnegkesák ma'a apmonye' nak xép, ellegássesagkoho yetlo aplo!

Jeremías 2:14

“Háwe kélásenneykha naqsa m'a énxet'ák Israel; axta epalleykmok yaqwayam etnahagkok kélásenneykha naqsa. ¿Yaqsa eyke ektéma kélyementamoma nak aqsok apagkok?

Jeremías 22:28

¿Jeconías ya apteme xama yátegwáxwa appaqxo megkólmowánal'a kólmaha, enxeykel'a nahan ma'a aqsok élpaqxo megkólmámenyéhol'a? ¿Yaqsa ektéma kélyenseykmo nak yetlo apketchek ma'a xapop megkólya'áseykegkaxa nak?

Jeremías 5:19

Aptemék sa' agkok elmaxneyha exchep se'e: ‘¿Yaqsa ektéma senteméssessama nak negko'o Dios Wesse' egegkok ekyókxoho xa ektáha nak?’, etne sa' yátegmowagkokxak se'e: ‘Sa' kóltéhek nahan kéxegke kóltéhek apkelásenneykha énxet'ák apkeleñama nak mók nekha megkatnahakxa nak xapop kélagkok, kéltémakxa axta kélyámasma Wesse' egegkok, kélyetleykekxo aqsok kéláyókxa éleñama nak mók nekha m'a kañe' xapop kélagkok nak.’

Jeremías 5:29

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak? Ko'o sekxeyenma xa, sektáha nak Wesse'.

Jeremías 7:20

Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Lamentaciones 1:12

¡Kéxegke ektáha nak kélxega ámay, kólchaqnágwom sekxo', kalchetam kélwáxok yetneyk agkok kéllegeykegkoho ekhawo nak ko'o, señassáseykegkoho agko' nak! ¡Wesse' egegkok seyhe ko'o xa ektémakxa nak ekyentaxno ewáxok eñama setaqnagko!

Lamentaciones 5:2

Mók nekha apkeleñama kaxwók apkelmák ma'a ekyókxoho aqsok egagkok; pók énxet'ák kaxwók aptáhak apagkok ma'a enxanák nak.

Ezequiel 21:31

ategkesek sa' ko'o seklo takháxet xeye' ektémól'a m'a táxa eyáléwe ekmasól'a; agkések sa' ko'o exche' yaqwayam emok ma'a énxet'ák megkamayósa nak elanok aqsok tén han ma'a apmassesseykmoho nak chá'a aqsok.

Ezequiel 7:24

Wának sa' ko'o elxegmak ma'a énxet élmasagcha'a nak apkeltémakxa, wának sa' etnégwak apxanák ma'a tegma apheykegko nak kañe' tegma apwányam. Amasséssók sa' ektémakxa nak apkeleymákpoho m'a kelwesse'e ekha nak kéláyo; wának sa' kólnaqtawássesha m'a apkelpeykessamókxa nak chá'a aqsok apcháyókxa.

Deuteronomio 28:25

tén han ekwokmoho apmenxena m'a kélenmexma nak. Tásek sa' katnehek kéleywékekxa kélxega peya enxoho kólenmexekxak ma'a, kólexpaqnek sa' eyke kólenyahagkok apmonye'e m'a, elyegweyk sa' nahan apyókxoho énxet'ák apheykha nak keso náxop apkelwet'a enxoho kéxegke.