Jeremías 17:27 - Biblia Enxet

²⁷ Sa' agkok kéxegke kólyahákxohok ma'a séltémókxa nak kóltéhek, mehelpagkanchessesa enxoho m'a ekhem sábado, kélántaxnéssákxo enxoho chá'a kélseykha atña'ák nak Jerusalén xa ekhem nak, alwatnek sa' ko'o m'a atña'ák nak tegma apwányam, táxa sa' kamasséssók ma'a tegma apkelyawe nak ma'a Jerusalén, méko sa' nahan kawának kaspanchesek.’”

Jeremías 17:27 ပူးပေါင်းရင်းမြစ်များ

2 Reyes 22:17

Hakte élyamasmeyk ko'o kéxegke, kélwatnéssegkek han aqsok ekmátsa nak ekpaqneyam éten agkok ma'a mók aqsok kéláyókxa nak, elókassegkek ma'a ekyókxoho aqsok kéllánéyak nak; cháxa keñamak seklawa nak ko'o sektaqnawaya s'e yókxexma nak, megkamassehek nahan sektaqnagko.

2 Reyes 25:9

apwatnékxeyk axta m'a tegma appagkanamap, tén han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

2 Crónicas 36:19

Apwatneykxeyk axta han ma'a Dios tegma appagkanamap apagkok, apkelyaqnegkásegkek axta m'a meteymog kélhaxtegkesso axta nepyáwa' m'a Jerusalén, apkelwatnéssek axta m'a apxanák apkeltaqmalma nak, apmasséssekmek axta ekyókxoho aqsok élmomnáwa ekhéyak axta m'a.

Salmos 122:7

Méko sa' katnehek ektáhakxa m'a kañe' nak kélhaxtegkesso nepyáwa'; méko sa' han katnehek ektemegweykmoho exma m'a kelwesse'e apagkok apxanák nak.”

Isaías 1:20

kéllenxanmégkók sa' agkok kélmámenyého kóltéhek élyennaqte kélwáxok, kóletsapok sa' neyseksa kempakhakma.” Wesse' egegkok apagko' apxeyenma xa.

Isaías 1:31

Pa'at apák sa' etnekxak ma'a énxet apyennaqte nak, keñe sa' ma'a aqsok apkelane nak katnekxak táxa éllo: káléwhok sa' nahan xamók xa ánet nak, méko sa' nahan xama enxoho kaspanchesek.”

Jeremías 17:24

“Ektáhak ko'o sekpeywa s'e, sektáha nak Wesse': Hélyahakxoho sa' naqsók agko', nágkólsakxa aqsa chá'a xama enxoho kélseykha atña'ák nak tegma apwányam ma'a ekhem sábado; hélpagkanches sa' chá'a ko'o xa ekhem nak, nágkóllána nahan chá'a xama enxoho m'a kéltamheykha.

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 18:1

Epaqhetchessek axta ko'o Wesse' egegkok, aptáhak axta seyáneya s'e:

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 22:5

Keñe sa' megkólyahákxoho enxoho s'e séltennasso nak, nápakha'a apketkók sa' etnekxak se'e tegma apyawe nak. Ko'o sekxeyenma xa, sektáha nak Wesse'.’”

Jeremías 32:29

Elántexek sa' caldeos apketámeyak nak ma'a tegma apwányam, ewatnekxak sa'; elwatnohok sa' xamók ma'a tegma, kélwatnéssamakxa nak chá'a néten aqsok ánek ekmátsa ekpaqneyam ma'a Baal, yaqwayam helókasek ko'o, tén han kélméssamakxa nak chá'a vino m'a aqsok kéláyókxa éleñama nak mók nekha.

Jeremías 39:8

Apwatnékxeyk axta caldeos ma'a wesse' apwányam apxagkok, tén han ma'a tegma nak tegma apwányam, apkelyaqnegkásegkek axta han kélhaxtegkesso nak Jerusalén.

Jeremías 44:16

—Mólyahakxeyk sa' negko'o xa amya'a senseykentegkesso nak xép, eñama nak Wesse' egegkok.

Jeremías 49:27

Awatnek sa' ko'o m'a kélhaxtegkesso nak Damasco, kamasséssók sa' kelwesse'e apxanák Ben-hadad xa táxa nak.”

Jeremías 52:13

apwatneykxeyk axta tegma appagkanamap, keñe han ma'a wesse' apwányam apxagkok apyawe, tén han ma'a apyókxoho tegma nak tegma apwányam, ekweykekxoho m'a apyókxoho kelwesse'e apxanák nak,

Jeremías 6:17

Apnegkenchek axta Wesse' egegkok énxet'ák apkelhaxneykha, tén axta aptáha apkeláneya énxet'ák se'e: “Kólleyxmakha sa' kélaqkahasso magkenatchesso kéltennasso yaqwánxa katnehek.” Keñe axta énxet'ák aptáha s'e: “Magmakók negko'o ageyxho'.”

Jeremías 7:20

Cháxa keñamak peya nak ko'o ayenyenták seklo neyseksa s'e yókxexma nak, ko'o sektáha nak Wesse' tén han nepyeseksa xa énxet'ák nak, ekweykekxoho m'a aqsok kélnaqtósso, tén han yenta'a élámha nak yókxexma, tén han aqsok kélcheneykekxa. Sa' katnehek ma'a ektémól'a táxa eyáléwe, megkólmowánal'a kólsapanchesek.”

Lamentaciones 2:6

Máxa apmenyexma aptáhak megyessákxo aptawásencha'a m'a tegma appagkanamap apagkok; apmasséssekmek ma'a kélpeykessamókxa nak chá'a. Apmasséssekmek Wesse' egegkok élánamáxche nak chá'a kélessawássessamo m'a Sión, tén han ma'a sábado. Aplo keñamak aptaqnawaya m'a wesse' apwányam tén han ma'a apkelmaxnéssesso nak chá'a énxet'ák apagkok.

Lamentaciones 4:11

Aplómok apagko' ma'a Wesse' egegkok, axta emágweykekxak aplo; apwatnegkek axta m'a Sión keñe apmassésseykmo ekweykmoho m'a apowhók nak.

Ezequiel 16:41

Elwatnések sa' ma'a axagkok nak, exének sa' yaqwánxa kólteméssesek xeye' naqta'awók ekxámokma agko' ma'a kelán'ák. Amasséssessók sa' ma'a ektémakxa nak élane ektémakxa ekmaso megkamasexta, kamaskok sa' kaxwók kayánmagkasek ma'a ektáha nak chá'a élpathetéyak.

Ezequiel 21:15

Kóleyk sa' chá'a kéxegke xa, apxámok sa' katnehek élnapma. Eknegkenchessek ko'o sókwenaqte ekyetnamo nak ekyógkexma m'a apyókxoho kélxanák nak. Cháxa sókwenaqte kélyenmáseykekxa yaqwayam chá'a kalyenmaksexma xa; kélmaxneyeykekxa yaqwayam kalának chá'a nentekyawa.

Ezequiel 21:3

Sa' etnehek yának se'e: ‘Keso aptáhakxa exchek appeywa Wesse' egegkok se'e: Sénmexma ko'o ektáhak xép. Alkok sa' ko'o sókwenaqte ahagkok, alnápok sa' ma'a énxet'ák apkelpéwomo nak tén han ma'a melya'assáxma nak.

Ezequiel 22:8

Megyáyók nahan chá'a m'a aqsok élpagkanamaxche ahagkok nak tén han ma'a ekhem ahagkok sábado.

Ezequiel 23:38

Keñe setnéssessama nahan ko'o sénmexeykencha'a s'e: xama ekhem agko' axta peysegkásak ma'a tegma appagkanamap aptaqmalma ahagkok nak, tawáseyha axta m'a ekhem ahagkok sábado.

Oseas 8:14

Apkeláneykegkek apxanák apkelyawe m'a Israel, kelwagqeykmek eyke chá'a m'a ektáha nak apkelane. Apkeláneykegkek apxámokma tegma apkelyawe ekyennaqte nak kélhaxtegkáseyak nepyáwa m'a Judá, wáléwássesek sa' eyke ko'o táxa m'a, yaqwayam sa' kalwatnek ma'a apxanák apkelyawe nak.”

Amós 1:10

Cháxa keñamak peya nak ko'o awatnek ma'a kélhaxtegkesso nak tegma apwányam Tiro, kamasséssók sa' tegma apkelyawe apagkok xa táxa nak.”

Amós 1:12

Cháxa keñamak peya nak ko'o awatnek ma'a tegma apwányam Temán, kamasséssók sa' tegma apkelyawe nak Bosrá xa táxa nak.”

Amós 1:14

Cháxa keñamak peya nak ko'o awatnek ma'a kélhaxtegkesso nak tegma apwányam Rabá, kamasséssessók sa' tegma apkelyawe apagkok xa táxa nak, neyseksa élpayheykha apatña'ák énxet'ák kempakhakma, tén han éxtegyawà ektémól'a éxchahayam ekyennaqte.

Amós 1:4

Cháxa keñamak peya nak ko'o awatnek ma'a wesse' apwányam Hazael apxagkok, kalwatnek sa' nahan Ben-hadad apxagkok apkelyawe nak xa táxa nak.

Amós 1:7

Cháxa keñamak peya nak ko'o awatnek ma'a kélhaxtegkesso nak tegma apwányam Gaza, kamasséssók sa' tegma apkelyawe apagkok xa táxa nak.

Amós 2:2

Cháxa keñamak peya nak ko'o awatnek ma'a yókxexma Moab, kamasséssók sa' tegma apkelyawe nak Queriot xa táxa nak, eletsapok sa' moabitas neyseksa élpayheykha apatña'ák énxet'ák kempakhakma, tén han neyseksa kélpáwasso m'a kélaqkahasso.

Deuteronomio 32:22

Eklókók ahagko' ko'o, máxa táxa eyáléwe táhak seklo, kawomhok sa' élwatno m'a kañók agko' nak xapop. Kawatnek sa' ma'a xapop tén han ma'a aqsok ekyexna kélcheneykekxa nak, alwatnek sa' ma'a awhók kañók agko' nak ma'a meteymog élwenaqte.