Jeremías 17:24 - Biblia Enxet

²⁴ “Ektáhak ko'o sekpeywa s'e, sektáha nak Wesse': Hélyahakxoho sa' naqsók agko', nágkólsakxa aqsa chá'a xama enxoho kélseykha atña'ák nak tegma apwányam ma'a ekhem sábado; hélpagkanches sa' chá'a ko'o xa ekhem nak, nágkóllána nahan chá'a xama enxoho m'a kéltamheykha.

Jeremías 17:24 ပူးပေါင်းရင်းမြစ်များ

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Éxodo 20:8

“Kaxén sa' apwáxok ma'a ekhem sábado, yaqwayam epagkanchesek ma'a Wesse' egegkok.

Isaías 21:7

Apwet'ak sa' agkok yátnáxeg apkelyenyawasso éléweykekxa élxegayam, essenhan énxet yámelyeheykok apkelchánte essenhan yányátnáxeg, etaqmelchásekxohok sa' apkeláneykmoho.”

Isaías 55:2

¿Yaqsa ektéma kélyánmagkassama nak chá'a selyaqye m'a megkatnaha nak chá'a kélto? ¿Yaqsa ektéma kélméssama nak chá'a kélxawe ekyánmaga kéltamheykha m'a aqsok mehegyaqkánegkesso nak chá'a? Kóltaqmelchesho kélháxenmo sekpeywa keñe sa' kóltawagkok ma'a nento éltaqmalma nak, kóltawagkok sa' ma'a aqsok élmátsa nak.

Ezequiel 20:20

kóltemésses nahan chá'a ekpagkanamaxche m'a ekhem ahagkok sábado, yaqwayam sa' katnehek xama aqsok magkenatchesso kélnepyeseksa kéxegke tén han ko'o xa; keñe sa' kólya'ásegwók, sektáha ko'o Dios Wesse' kélagkok.

Zacarías 6:15

Makhawók sa' eleñék énxet elwa', yaqwayam epásegwak apxátekháseykekxa m'a Wesse' egegkok tegma appagkanamap apagkok; keñe sa' kólya'ásegwók kéxegke aptáha ko'o seyáphasso m'a Wesse' egegkok ekha nak apyennaqte. Sa' eyke katnehek kélleg'a sa' kéxegke Dios Wesse' kélagkok appeywa xa tén han kélyahákxoho sa'.

Deuteronomio 11:13

“Kéllánegkek sa' agkok kéxegke apkeltémókxa nak antéhek séltennasa exchek ko'o s'e sakhem nak, tén han kélásekhawo enxoho Dios Wesse' kélagkok, tén han kélpeykásawo enxoho ekweykmoho kañók agko' kélwáxok tén han ekweykmoho m'a élchetámeykegkaxa nak kélwáxok,

Deuteronomio 11:22

“Agkok kólyensakmok kéllánéyak ekyókxoho m'a apkeltémókxa nak antéhek Dios séltamho exchek ko'o kóllának se'e sakhem nak, tén han kélásekhawo enxoho chá'a m'a Dios Wesse' kélagkok, tén han kélyetlawa enxoho chá'a meyke kélyenseyam ma'a ámay apagkok,