Jeremías 17:11 - Biblia Enxet

¹¹ Máxa sénhek apkeltahanwayam la'a aqsa megkatnahakxa appok ma'a énxet apxámasso nak aqsok apagkok eñama apmenyexeykha. Ekyennákxoho apyempehek sa' nahan kamassegwók ma'a ekxámokma aqsok apagkok, keñe sa' natámen etnehek ekyeyháxma.

Jeremías 17:11 ပူးပေါင်းရင်းမြစ်များ

Job 20:21

ekyókxoho aqsok axta chá'a elmok. Cháxa keñamak peya sa' megkawegqók ekpayheykekxa apwáxok.

Salmos 49:13

Cháxa ektémakxa elmassegwók ma'a apkelásennamakpekxa apagko' nak chá'a; cháxa ektémakxa elmassegwók ma'a éltaqmeleykha nak chá'a apkelpeywa elxénakpekxohok apagko'.

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Proverbios 13:11

Aqsok egagkok ekmanyehe nak chá'a agweta', yahamok kasawhaxche'; kaxámagkok eyke chá'a m'a negáncheseykekxa nak chá'a ketsék ketse'.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.

Proverbios 21:6

Nenxámasso aqsok egagkok eñama nentamheykha negmowána amya'a, yahamok kamassegwók ektémól'a kamassegwók ekpánma exma, nétsapmakxa nahan hegyentamok xa aqsok nak.

Proverbios 23:5

Aptaqmelchásawók sa' agkok apkelányo, étak sa' ektáha méko m'a ekxákma nak aqsok egagkok; yahamok chá'a kalchampak kalxeganmok, ektémól'a náta ekyawe kampa', máxa katnehek ma'a ekhákxo enxoho axempenák.

Proverbios 28:16

Éntaxnéssesagkok chá'a ektémakxa ekmaso apheykha énxet'ák ma'a apkemha apmonye' mey'áseyak nak aqsok; ahóxek eyke katnehek apweynchámeykha m'a énxet megkaleklo nak apwáxok eyeykhasakpohok apwete aqsok apagkok.

Proverbios 28:20

Énxet ekpayhémo nak chá'a kóltéhek kéláyo, tásek sa' chá'a katnehek apha; kóllegássesagkohok sa' eyke m'a énxet ekpekhésso nak chá'a etnehek ekxákma aqsok apagkok.

Proverbios 28:22

Kapekhaksek chá'a etnehek ekxákma aqsok apagkok ma'a énxet étsapeykha nak chá'a apnények elanok aqsok, mey'asagkehek peya káhapwak ma'a senteme nak meyke aqsok egagkok.

Proverbios 28:8

Énxet apxámáseyak nak aqsok apagkok apmeykekxoho nak chá'a néten ekyánmaga, háwe yaqwayam etnehek apagkok, sa' elmekxak ma'a énxet'ák apkelmopyósa nak chá'a elanok ma'a meyke nak aqsok apagkok.

Jeremías 22:13

“¡Xép laye, apkelane nak chá'a apxagkok apyawe, yetlo aptémakxa ekmaso, tén han apkelane nak chá'a tegma netna'awo', yetlo megkapéwomo aptémakxa, apkeltemessáseykha nak aqsa chá'a apnámakkok, meyke apyánmagkasso apkeltamheykha!

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Jeremías 6:13

“Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Jeremías 8:10

Cháxa keñamak peya nak ko'o almések pók énxet ma'a apnaqteyegka'a nak, tén han pók énxet yaqwayam etnehek apagkok ma'a xapop apagkok nak. Apyókxoho kelxéneykha chá'a apkelwáxok ma'a aqsok élmenyexamaxche nak; cham'a ekyawe nak kéláyo, tén han ma'a meyke nak kéláyo, apyókxoho nahan aptamhéyak apkelmopwancha'a amya'a m'a apkellegasso nak sekpeywa, ekweykekxoho m'a apkelmaxnéssesso nak chá'a énxet'ák ahagkok.

Amós 3:10

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”

Miqueas 2:9

Kélántekkessegkek axanák éltaqmeleykegkaxa nak awáxok neyseksa ekheykha m'a kelán'ák, keñe étchek kélyementameykegko, cham'a sélmésso axta ko'o.

Miqueas 7:3

Apwancha'ak elanagkok ma'a aqsok ekmaso; eltamhok chá'a elxawagkok ekyánmaga m'a wesse' apkeláneykha nak, elmok chá'a takha' kólmések selyaqye yaqwayam mepékesók aqsok apkelxeyenma m'a énxet'ák segyekpelchémo nak, elanagkok chá'a ekxénakxa enxoho chá'a apkelwáxok elanagkok ma'a kelwesse'e nak, etwássesha chá'a apkeltémakxa énxet'ák ma'a tegma apwányam.

Sofonías 1:9

Allegássesagkohok sa' nahan apkelnextega nak chá'a néten elántépok átog xa ekhem nak, tén han apsawheyáseykekxoho nak chá'a kelwesse'e apagkok apxanák ma'a negyennaqteyáseykha nak egyempehek tén han nélyexancháseykha egmók.”

Zacarías 5:4

Aptáhak Wesse' egegkok ekha nak apyennaqte s'e: ‘Eyáphássek ko'o s'e aqsok ekmaso, yaqwayam sa' katxek chá'a apxagkok ma'a apmenyexma nak chá'a tén han ma'a apteme nak chá'a apmopwána amya'a apxeyenma sekwesey. Keytek sa' chá'a aqsok ekmaso m'a kañe' apxagkok, ekweykmoho eksawhéxkoho agko' ma'a yámet éltegyésso nak tén han ma'a meteymog.’”

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.