Jeremías 17:1 - Biblia Enxet

¹ “Énxet'ák Judá, táxésamaxcheyk kéxegke megkólya'assáxma m'a táxésso élánamáxche nak sawo, kélqahassegkek meteymog ekyennaqte ekmahanta naw'a m'a meteymog ekyetnama nak kañe' kélwáxok, tén han ma'a élámha nak nekhaw'ék élmahamtakcha'a m'a kélwatnamakxa nak chá'a aqsok.

Jeremías 17:1 ပူးပေါင်းရင်းမြစ်များ

Proverbios 3:3

Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Proverbios 7:3

Enaqtehet sa' ma'a apophék nak, epekken apwáxok.

Isaías 49:16

Élqahassegkek ko'o exche' awáxok emék, yókxoho ekhem sekwete m'a kélhaxta nak neyáwa'.

Jeremías 11:13

Xámok agko' aqsok apkeláyókxa m'a énxet'ák Judá, hawók ma'a tegma apkelyawe apagkok nak, keñe m'a énxet'ák apheykha nak Jerusalén, apxámassamók apagko' apkelánéyak ma'a apkelwatnamakxa aqsok yaqwayam elmések chá'a aqsok ánek ekmátsa nak ekpaqneyam éten agkok ma'a Baal, hawók ma'a ektémakxa nak ekxámokma ámay ma'a tegma apwányam.

Jeremías 2:22

Kólchektek eykhe han kélyempe'ék kólyaqpasagkok yegmen, kólmaha chá'a ekyókxoho keltexnéyak ekwánxa enxoho kélmako kólmaha, keytek eyke aqsa chá'a ekpésyam megkólya'assáxma nahaqtók ko'o. Ko'o sekxeyenma xa, sektáha nak Wesse'.

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!

Oseas 12:11

Heykegkek aqsok kéláyókxa éleñama mók nekha m'a Galaad, aqsok kéláyókxa élmowancha'a amya'a eyke. Kélnapmeyk chá'a weyke kelennay'awók ma'a Guilgal; máxa meteymog ektaháneykekxal'a mók temék apkelwatnamakxa nak chá'a aqsok, neyseksa m'a kélpeyncheyam nak xapop namyep.”

Oseas 7:2

Megkalxeyenmak apkelwáxok mehelwánaqmeyk ko'o m'a ekyókxoho apkeltémakxa ekmaso nak. Wakheykekxeyk eyke kaxwók ma'a ektémakxa nak aqsok apkeláneyak apagkok apagko', sekweteya nak chá'a ko'o nahaqto'.

Oseas 8:11

“Apkeláneykegkek Efraín ekxámokma agko' ekwatnamáxchexa aqsok ma'a, wánxa aqsa yaqwayam chá'a elának ma'a melya'assáxma.

Levítico 4:25

Tén sa' apkelmaxnéssesso Dios énxet'ák apagkok yetchesek apophék éma apagkok nak yát'ay, apmatñà nak ekyánmaga magya'assáxma, eltexnagkok sa' ma'a élámha nak néten nekhaw'ék élwatnamáxchexa nak kélnaqtósso ektekyawa, keñe sa' ma'a éma eyeymomáxche nak, eyegkenek ma'a kóneg nak ekwatnamáxchexa aqsok,

Zacarías 7:12

Apkelyennaqtéssek axta apkelwáxok ektémól'a meteymog ekyennaqte agko' la'a, yaqwayam enxoho megyeyxók ma'a kélxekmósso tén han nélánémaxchexa antéhek apkeltennasso axta Wesse' ekha nak apyennaqte m'a espíritu apagkok, apchásenneykekxo axta eñeksek ma'a nanók apkellegasso axta Dios appeywa. Axta keñamak aplama apagko' ma'a Wesse' egegkok.