Jeremías 16:16 - Biblia Enxet

¹⁶ “Ektáhak ko'o sekpeywa s'e sektáha nak Wesse': ‘Wának sa' ko'o elxegmak apxámokma m'a aptegyéyak nak kelasma, yaqwayam sa' etegyagkok ma'a israelitas ektémól'a antegyek kelasma. Keñe sa' natámen wának elxegmak apxámokma m'a apkelnempaqwáméyak, yaqwayam sa' elnempaqwomagkok, tén han élántekkesek apyókxoho m'a élámhakxa nak meteymog élwenaqte tén han egkexe ekweykekxoho m'a meteymog élyagqaxe nak.

Jeremías 16:16 ပူးပေါင်းရင်းမြစ်များ

Génesis 10:9

Nimrod axta apteme apmopwána enempaqwók, hakte Wesse' egegkok axta apmopmenyého etnehek xa ektáha nak. Cháxa ekteyapmakxa axta s'e ektéma nak amya'a: “Exho Nimrod, apteme axta apmopwána enempaqwók eñama apmopmenyého etnehek ma'a Wesse' egegkok.”

Isaías 2:21

elántexek sa' ma'a kañe' meteymog áxwa, cham'a meteymog élyawe nak áxwa, yaqwayam elyexanmok apmonye' m'a Wesse' egegkok negáyo nak, elyexanmok sa' amonye' m'a Wesse' apcheymákpoho, cham'a apkempákxo sa' néten tén han apsawheyásekxoho sa' apyawheyáseykha m'a xapop.

Isaías 7:19

Apyókxoho sa' elxegmak ma'a, elánegwak sa' apheykegkaxa m'a élyapwate élmattawóneg nak tén han ma'a meteymog áxwa'ák nak, tén han ma'a ekyókxoho nak élaqneykegkaxa m'a yenta'a ekha nak am'ák tén han ma'a ekyeneykegkaxa nak chá'a yegmen ma'a aqsok kélnaqtósso.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Jeremías 4:29

Apkelántekkek apkenyahágko apyókxoho énxet'ák apmonye'e apkelleg'a apkelwóncheseyam ma'a apkelchánte nak yátnáxeg, tén han ma'a apkelmeykha nak yágke; apkelyexánegwokmek ma'a émpagqaxa nak, tén han ma'a meteymog áxwa nak. Apkeltaqmópegkek apyókxoho m'a tegma apkelyawe, méko kaxwók xama énxet apheykekxa m'a.

Jeremías 49:5

Wahak sa' ko'o kéxegke kélaye éleñama ekyókxoho yókxexma nak kélnepyáwa'. Ko'o sekxeyenma xa, sektáha nak Wesse' ekha sekyennaqte. Kélyókxoho sa' kéxegke kólenyahagkok kóltamhok kólwagkasaxchek teyp, méko sa' xama enxoho yaqwayam kánchásekxak makham.

Jeremías 6:9

Aptáhak Wesse' egegkok ekha nak apyennaqte s'e: “Kólchetámekxohok sa' israelitas apkeleymomap nak, ektémól'a kólchetámekxohok kañe' áwa' ekyexna m'a anmen yámet ekwokmoho megkeymexko xama m'a ekyexna.”

Lamentaciones 4:18

Enláneykha chá'a ekyókxoho nélmahágkaxa enxoho chá'a; mogwanchek ólántépok ámay. Ketók negmassamakxa'; ¡wokmek kaxwók néxa nélweynchámeykha!

Lamentaciones 4:19

Apmelyeyhawók apagko' apkenyehéyak ma'a segmenxenma nak, apkelyeykhásseykmók ma'a náta élyawél'a; egmenxeneykha m'a neyseksa egkexe nak, ¡egnegkencháseykegkek kelhanma m'a meykexa nak énxet!

Oseas 10:10

Allegássesagkohok sa' ko'o xa énxet'ák nak, cham'a sekmako sa'. Épetchekxak sa' pók énxet'ák yenmexek ma'a Israel, cham'a séllegassásegkoho sa', eñama élmasagcha'a agko' apkeltémakxa.

Amós 4:2

Naqsók aptemessásak appaqmeta Dios Wesse' egegkok apxénákpekxoho apagko' apteme aptaqmalma aptáha s'e: “Xegakmek ekhem yaqwánxa kólnaqlakxak kéxegke kólyaqxák ma'a sawo élhaxe, keñe sa' kélketchek kólásekkesek sókhaxe.

Amós 5:19

Sa' katnehek ma'a ektémól'a xama énxet yenyehek étak méwa, keñe ethanyohok xama óso, essenhan ma'a ektémól'a énxet aptaxnegweykekxal'a kañe' apxagkok, apyepetchegweykekxal'a nápakha tegma, keñe katakxek yéwa.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.

Sofonías 1:12

“Amok sa' ko'o xama cháléwasso xa ekhem nak keñe sa' atátchesek alanok ma'a Jerusalén. Allegássesagkohok sa' ma'a énxet'ák apkeltaqmelchessamo nak aqsa apheykha ektémól'a vino ektaqmelchessamól'a aqsa ekyetno, apteme nak chá'a elpaqmeyesmakha s'e: ‘¡Melanyek xama aqsok Wesse' egegkok, cham'a ektaqmela nak tén han ma'a ekmaso nak!’

1 Samuel 24:11

“Etaqmelchásekxoho apkelányo s'e sekmáncha'a nak wesse': aptaxno apchaqlamap napwa'a s'e wesse', nanók xeyk eykhe waqhek. Cháxa yaqwayam sa' ey'asagkohok xép wesse', megkaxeyenma ewáxok ko'o atnéssessamhok exma ekmaso ko'o exchep, tén han wanmexek, tén han maláneya xama aqsok ekmaso nápaqtók xép. Eyaqmáseykha aqsa exchep apmáheyo heyaqhek.

1 Samuel 26:20

Mómenyék ko'o amátog makhawók mexnakxa nak Wesse' egegkok, ¡apxegeykmek eyke exchep wesse' apketamsama máleg askok, eyaqmáseykha m'a neyseksa egkexe nak, máxa sénhek etnéssessók!