Jeremías 15:8 - Biblia Enxet

⁸ Ekxámásekxeyk nahan nepyeseksa m'a kelán'a tampe, yeykhásseykmók ma'a ekweykenxa nak ekxámokma yagkamex ekhéyak neyáwa wátsam ekwányam. Yetseksók ekhem agko' axta ko'o élnápak ma'a chána yetlo étchek wokma'ák nak makham; ekpelakkassessek axta seyhe éltamheykha awáxok, tén han élaye.

Jeremías 15:8 ပူးပေါင်းရင်းမြစ်များ

Isaías 3:25

Etekyók sa' énxet'ák apagkok kempakhakma, eletsapok sa' kempakhakma yapmeyk apagkok neyseksa émpakhamáxche'.

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Isaías 4:1

Apqántawók sa' eleymakpok énxet xa ekhem nak, siete kelán'a sa' kalmeyawhok xama xa énxet'ák nak. Sa' katnehek kának se'e: “Hégho aqsa agmok antéhek entáwa', hegmassésses ektémakxa nak nélmegqakto meyke ennaqteyegka'a, nentegyéyak egagkók sa' eyke antéhek negko'o m'a nentéyak nak, ólántaxnekxak sa' nahan ma'a nélántaxno egagko' nak.”

Jeremías 16:3

Hakte altennaksek sa' ko'o exchep, ko'o sektáha nak Wesse' kélagkok yaqwánxa katnehek kélketchek appalleyam nak se'e apchókxa nak, tén han apkelwete nak chá'a m'a apyapmeyk.

Jeremías 18:21

¡Yána kaxwók eletsapok apketchek meyk élnapma, essenhan sókwenaqte kélyetxaqxo; tampe sa' katnahagkok ma'a apnaqteyegka'a nak, tén han meyke étchek! ¡Yána kalnápok negmasse m'a apkelennay'a nak énxet'ák apagkok, keñe sa' wokma'ák eletsapok kempakhakma!

Jeremías 22:7

Wának sa' ko'o exchep ey'áwak ma'a apkelempakhayo nak chá'a, yaqwayam emasséssók xép. Elyaqténchesek sa' ma'a yámet élámha éltaqmalma, élánamáxche nak yámet cedro, keñe sa' ekxák nátex.

Jeremías 4:16

“Kóltennasák sa' pók aptémakxa énxet'ák, tén han Jerusalén apkelxegakmo apkelenmexma apkeleñama m'a apchókxa makhawók agko' nak apkelwónchesakmo apmako yempakhak ma'a tegma apkelyawe nak Judá.

Jeremías 5:6

Cháxa keñamak peya sa' kalántépok yámakméwa m'a naxma, keñe sa' kalnápok, nápakha'a apketkók sa' katnéssesek ma'a aqsok nawha'ák éllo élleykha nak yókxexma meykexa énxet, elyexanmaha sa' eleyxek yánneptána m'a nepyáwa nak tegma apkelyawe apagkok, nápakha'a apketkók sa' chá'a etnéssesagkok ma'a apkelántepa enxoho; hakte xámok agko' apkeláneyak melya'assáxma, hágkaxwe yenmexekxak ma'a Dios.

Jeremías 6:26

¡Énxet'ák ahagkok, kólántaxnekxa apáwa sẽlwáxaqxamo nak, magkenatchesso kéllegagkoho ekmáske; kólpexyawha neyseksa táhap, kallapwomák, nágkóleysagkoho kóllekxagwaha, ektémól'a yetsapok xama kélketche apteme nak wánxa xama apagko'; hakte kaxwo' sa' elwak ma'a apmáheyo nak hegmasséssók!

Lamentaciones 5:3

Nélyéheykha nentemék, meyke egyapmeyk; máxa xentampe'e tamheykegkok ma'a méme egagkok.

Ezequiel 22:25

xama apkelókxa apheykegkaxa nak ma'a kelwesse'e apkelyetchesamakpoho yámakméwa, élyexwéweykhal'a tén han élyeptamól'a m'a ekyógkexma; ektómól'a kañe' yókxexma agkok ma'a énxet, tén han élmenyexchessamól'a aqsok élmomnáwa apagkok tén han ma'a aqsok apagkok ekxámokma nak, ekteméssessamól'a xentampe'e' ekxámokma agko' ma'a kelán'ák.

Oseas 4:5

Ekhakxoho ekhem sa' xép etlapmok, keñe sa' axta'a etlapmok nahan xamo' ma'a aplegasso nak ko'o sekpeywa, amasséssessók sa' ma'a egken.