Jeremías 15:21 - Biblia Enxet

²¹ Magwohok sa' emok ma'a énxet'ák élmasagcha'a nak apkeltémakxa, ¡awagkasek sa' teyp neyseksa apmáheyo emok ma'a énxet'ák apkelyennaqteyáseykha nak chá'a apyempe'ék!”

Jeremías 15:21 ပူးပေါင်းရင်းမြစ်များ

Génesis 48:16

tén han ma'a Dios apchásenneykha semallahanchessama axta ekyókxoho aqsok ekmaso, sa' elmésagkok aqsok éltaqmela s'e wokma'ák nak. Sa' kañék ekxénweykekxoho chá'a kélwáxok sekwesey, tén han apkelwesey m'a élyapmeyk Abraham tén han Isaac. Exámak sa' apketchek, exámekxohok apagko' sa' ekyókxoho keso nélwanmeygkaxa.”

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Salmos 37:40

Epasmok chá'a Wesse' egegkok elmallahanchesek. Elegketchesek chá'a m'a élmasagcha'a nak apkeltémakxa, tén han elwagkasek chá'a teyp, hakte apkelye'eykekxeyk chá'a aptegyeykencha'a élmasma m'a.

Salmos 97:10

Yásekhohok Wesse' egegkok ma'a aptaqnagko nak aqsok ekmaso; emyók han chá'a m'a melyenseyam nak chá'a apkelyetleykha; megyohok chá'a emok ma'a élmasagcha'a nak apkeltémakxa.

Isaías 29:20

Esawhohok sa' ma'a énxet'ák élyenneykha nak chá'a apkelpeywa, emasséssók sa' ma'a énxet'ák apkeleymákpoho nak, elmassegwók sa' ma'a énxet'ák élxéneykha nak apkelwáxok wánxa elanagkok ma'a aqsok ekmaso,

Isaías 29:5

Katlakkasek sa' eyke aqsa ellegássesagkohok ekmanyehe agko' Wesse' ekha nak apyennaqte m'a apkelenmexma nak, yetlo takha' aplo, xóp ekyawheykha, tén han éxtegyawà ekyennaqte, éxchahayam ekyennaqte, tén han yaphope néten ekmaso yetlo eyáléwe ekmassesseykmohol'a aqsok. Xapop ánek agko' sa' etnekxak ma'a apkelenmexma apxámokma nak, máxa pa'at apák élchampe sa' kólteméssesek ma'a apyaqmáseykha apxámokma nak.

Isaías 49:26

Wának sa' ko'o etawagkokxak aphápetek apancha'awók ma'a apsawhéssamo axta aqsok kélagkok, wának sa' kalnápekxak ma'a éma apagkok apagko' nak ektémól'a énagkok ma'a vino. Keñe sa' elya'asagkohok apyókxoho énxet ektáha ko'o sekwagkasso teyp, ko'o sektáha nak Wesse'; elya'asagkohok sa' sektáha sekmallahanchesso aqsok ekyentaxno, ko'o sektáha nak Jacob Wesse' apagkok ekha sekyennaqte.”

Isaías 54:17

méko axta eyke éláneya xama enxoho m'a kélmeykha ekmowána enxoho kamasséssók xép. Elwanmeyásekxak sa' apyókxoho m'a ektáha nak apxéneykha. Keso sekméssamo nak chá'a ko'o ektáha nak sétleykha s'e: negwayam teyp.” Wesse' egegkok xa ektáha nak apxeyenma.

Isaías 60:16

Elmések sa' nento élmátsa agko' ma'a pók aptémakxa nak chá'a énxet'ák, elsókásegmak sa' aqsok apagkok ekxámokma élmomnáwa m'a kelwesse'e apkelwányam nak; elya'ásegwók sa' sektáha ko'o sélwagkasso teyp, ko'o sektáha nak Wesse', tén han sektáha sélmallahanchesso aqsok ekmaso, ko'o ekha nak Sekyennaqte Jacob Wesse' apagkok.

Jeremías 16:1

Epaqhetchessek axta ko'o Wesse' egegkok, aptáhak axta seyáneya s'e:

Jeremías 20:13

¡Kólmeneykmásses Wesse' egegkok, kólpeykesho!, hakte elwagkashok chá'a teyp énxet'ák apkelmopyóseka, neyseksa apmáheyo elmok ma'a élmasagcha'a nak apkeltémakxa.

Jeremías 26:24

Appaqmetchek axta Ahicam, Safán axta apketche apmeyawa m'a Jeremías, cháxa aptáhakxa axta xa megkólmésa énxet'ák yaqwayam yaqhek.

Jeremías 31:11

Hakte apkelmeykekxeyk Wesse' egegkok ma'a Jacob énxet'ák apagkok, apkexakkáseykekxeyk ma'a énxet'ák apkelyennaqte apagko' axta.

Jeremías 38:28

Aphákxeyk axta Jeremías ma'a kañe' kélhaxtegkesso nak wesse' apwányam apxagkok, ekwokmoho ekhem apmákpo axta m'a tegma apwányam Jerusalén.

Jeremías 39:11

Apméssek axta apkeltamhókxa chá'a etnéssesek wesse' apwányam Nabucodonosor Jeremías ma'a Nebuzaradán, apteme axta apkemha apmonye' sẽlpextétamo apagkok. Aptáhak axta apcháneya s'e:

Jeremías 39:12

“Elanha sa', etaqmelches sa' apteméssesakxa, egkés sa' chá'a ekyókxoho m'a apkelmaxneyakxa enxoho chá'a.”

Jeremías 50:34

Apmeyhek eyke m'a apkelántekkesso nak, apwesey nak Wesse' ekha apyennaqte. Sa' etaqmelchessásekxak apheykha m'a, esógmak sa' meyke ektáhakxa negha m'a apchókxa, keñe sa' ekmaso apheykha m'a apheykha nak Babilonia.”

Daniel 3:17

Apwanchek negko'o hẽlwagkasek teyp neyseksa eyáléweykha táxa axagkok ma'a Dios egagkok, nélpeykessamo nak, tén han ekyókxoho ekmaso apmakókxa enxoho henteméssesek xép wesse', hẽlwagkasek sa' teyp.

Daniel 3:25

—Cuatro énxet nak ko'o sekwet'a meyke kélpextete, apkelweynchámeyncha'a neyseksa táxa eyáléwe, meyke ektemegweykmoho exma, aphawók han Dios apchásenneykha m'a aptáhakxa nak cuatro.