Jeremías 15:18 - Biblia Enxet

¹⁸ ¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 15:18 ပူးပေါင်းရင်းမြစ်များ

Job 14:11

Awanchek chá'a keymek yegmen ma'a wátsam ekwányam, kalyameygkok chá'a m'a wátsam étkók nak;

Job 34:6

Sekmowána amya'a ko'o atnehek sekxéna enxoho sekteme seksexnánémaxche'; megkaltaqmelweykmok sélyense, malaneyk eykhe m'a may'assáxma.”

Salmos 6:3

¡Pexyennegkek ewáxok seyeye! Wesse' ¿háxko sa' ekwánxa hey'óta'?

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 14:3

Apkelápháseyha etegyagkok yegmen apkeláneykha m'a kelwesse'e; apkelmeyákxeyk chá'a m'a yámelchet, makke elwetágweykxak chá'a yegmen, apkelchexyekmek aqsa chá'a meyke yegmen ma'a yátegwáxwa apagkok; melya'ásegkok aptamhágkaxa, apkelaqlássek apqatkok yetlo ekyawe agko' apkelmegqakto.

Jeremías 20:18

Yaqsa axta kexaha ektéma sekteyapma nak kañe' méme awáxok. Seklegeykegkoho ekmáske aqsa chá'a ekweteyk tén han ekyaqhápeykha ewáxok, máheyók aqsa amassegwók neyseksa sekmegqakto.

Jeremías 20:7

Wesse', élyexancháseykha exchep, eyhayók aqsa ko'o exchep sélyexancháseykencha'a, apmeyhek axta exchep, axta axnémo'. Megkayetyapwágweykmok ko'o sésmésamaxche'; apyókxoho énxet chá'a ko'o sey'ásseyam.

Jeremías 30:12

Aptáhak Wesse' egegkok se'e: “Megkaltaqmelwomek kélyense kéxegke, méko pánaqte agkok ma'a élmaso kélyempe'ék nak.

Jeremías 30:15

¿Yaqsa ektáha kélpaqméteyncha'a nak élleklámegko ektémakxa kélyense? Megkaltaqmelwomek kéllegeykegkoho. Ekxámokma kéltémakxa ekmaso, tén han ekxámokma agko' megkólya'assáxma keñamak, sekteméssessama xa ektáha nak.

Miqueas 1:14

Kólyenyawho kélagko' sa' ma'a Moréset-gat. Melwetágwomek sa' chá'a kélpasmo kelwesse'e apkelwányam nak Israel ma'a tegma apwányam Aczib.

Miqueas 1:9

Hakte megkataqmelwomek ma'a ekyense nak Samaria: wákxók han ma'a Judá tén han ma'a Jerusalén, tegma apwányam apheykegkaxa nak énxet'ák ahagkok.