Jeremías 15:15 - Biblia Enxet

¹⁵ Wesse', xép apya'áseykegkoho nak ekyókxoho aqsok, ¡kaxénwakxoho apwáxok ko'o, hepásegwata'! ¡Heyaqmagkassásekxa ko'o mók setnéssessamakxa m'a énxet'ák setwáseykegkoho nak chá'a! Nágyoho aqsa ko'o heyaqhek xa énxet'ák nak, eñama m'a ektémakxa nak xép mepekhésamap; xeyep keñamak sélyamatcháseykencha'a chá'a.

Jeremías 15:15 ပူးပေါင်းရင်းမြစ်များ

Nehemías 13:22

Tén axta séltémo ko'o eláxñásekxak apyempe'ék ma'a levitas, tén han elanha m'a atña'ák, yaqwayam enxoho megkóltawasha sábado m'a. ¡Dios ahagkok: kaxén sa' han apwáxok eñama sélane xa, kapyósho hélanok ko'o, ekhawo ektémakxa nak ektaqmeleykha apwáxok henlanok xép!

Nehemías 13:31

tén axta han ma'a apkelseykenta axta chá'a yántapák, ekwákxo enxoho chá'a ekhem ekxénamaxchexa', tén han kélnegkenmakxa chá'a m'a émha amonye' ekyexna aqsok kélcheneykekxa'. ¡Dios ahagkok: kaxén sa' apwáxok ko'o, kataqmalmakha sa' apwáxok hélano'!

Nehemías 5:19

¡Dios ahagkok, kaxénwakxoho sa' apwáxok ektaqmalma sekteméssessamakxa s'e énxet'ák nak!

Nehemías 6:14

Tén axta ko'o sektáha sélmaxneya Dios ahagkok se'e: ¡Dios ahagkok, kaxén sa' apwáxok aptamhágkaxa nak Sambalat, tén han ma'a Tobías! Nágkalwánaqma han ma'a Noadías ekteme nak eklegasso appeywa exchep, tén han ma'a pók apkellegasso nak xép appeywa, apkeltémo nak ko'o hégwakkasek.

Job 10:7

neyseksa eykhe apwete meyke seksexnánémaxche', tén han apwete méko xama énxet apwanchek hewagkasek teyp neyseksa sema exchep?

Salmos 102:24

Axta ektáhak ko'o s'e: “Dios ahagkok, nágyoho watsapok sektáhakxoho étkok.” ¡Méko néxa exchep apha!

Salmos 106:4

Wesse', kaxén sa' ko'o apwáxok apteméssesa sa' ektaqmela m'a énxet'ák apagkok; náhelwánaqma aqsa ko'o apya'aweykto sa' elwagkasek teyp,

Salmos 119:84

¿Háxko sa' ekwánxa kammok néxa sélhaxanma? ¿Yaqsa sa' ekhem elyekpelchásseshok ma'a sénmexeykha nak chá'a ko'o?

Salmos 17:3

Apya'ásegkok xép élchetámeykha ewáxok; axta'a chá'a hey'ótak hélanha; apkelányók xép sektémakxa ektémól'a kóllanok ektémakxa ektaqmalma kólwatnek ma'a sawo, meteyk xama enxoho ekmaso sektémakxa. Maxeyenmak ma'a aqsok megkapayhawo nak axének

Salmos 39:13

Elwatés séláneykha, heyho sekxók amekxak ekpayheykekxa ewáxok, amonye' sekxega, tén han sekmassegwayam.”

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.

Isaías 38:3

“Wesse' ahagkok, eltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamo nak xép apwáxok.” Tén axta apkelekxagweyncha'a ekwányam agko'.

Jeremías 12:3

Kaxnók ko'o, ey'ásegkók xép Wesse', éteyak nahan, apya'ásegkók nahan ektémakxa ewáxok ekmámenyého exchep. ¡Enaqlow sa' xa énxet'ák nak, ektémól'a m'a nepkések kélnaqleykekxal'a m'a aptekyómakxa; elyetnakhés sa' ma'a, yaqwayam nak etekyók ekhem ekwokmo sa' aptekyómakxa!

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Jeremías 15:20

Máxa sawo ekyexwase kélhaxtegkessól'a tegma apwányam sa' ko'o atnéssesek xép nepyeseksa xa énxet'ák nak, megkólaqtassól'a. Yempakhakpok sa' eykhe, mexók sa' eyke, hakte ko'o sekxegexma exchep, yaqwayam awagkasek teyp, tén han amallahanchesek. Ekméssek ko'o sekpeywa, sektáha nak Wesse' apagkok.

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 18:23

Wesse', apya'ásegkók eyke exchep ekyókxoho aqsok élxeyenma nak apkelwáxok elanagkok, apmáheyo ko'o heyaqhek. ¡Eyaqmagkásekxa m'a aqsok ekmaso apkeláneyak nak, nágkalwánaqma m'a melya'assáxma nak! ¡Elyaqnegkesák ma'a apmonye' nak xép, ellegássesagkoho yetlo aplo!

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 20:12

Wesse' ekha nak Apyennaqte, apkelányo nak chá'a yetlo ekpéwomo agko', apwetayo nak chá'a kañók agko' apwáxok énxet, yoho ko'o alanha ektáhakxa apkellegassáseykegkoho xa énxet'ák nak, hakte ekméssegkek ko'o exchep ma'a setnamakxa nak.

Jeremías 20:8

Ekpaqmetchek agkok chá'a wánxa aqsa chá'a axének ma'a apkelyennaqteyáseykha nak chá'a apyempe'ék énxet'ák, tén han ma'a sẽlmassésseyam nak; megkayetyapwágweykmok sélya'ásseyam, tén han sésmésamaxche', hakte axének chá'a ko'o m'a appeywa.

Lamentaciones 3:64

Wesse', etnésses ekpayhawo nak etnéssesek, egkés ma'a éltémókxa nak egkések ma'a aqsok apkelánéyak.

Lamentaciones 3:66

Wesse', emenxen yetlo aplo, ¡emasséssem keso nélwanmégkaxa nak!

Jueces 16:28

Tén axta Sansón apwóneyncha'a Wesse' egegkok. Aptáhak axta apcháneya s'e: “Wesse' egegkok, éltamhók eykhe kaxénwakxohok sekxók makham apwáxok ko'o, hegkeyásekxa makham sekyennaqte, yaqwayam enxoho axnéssekxohok ko'o mók setnéssesakxa filisteos apkelhaxyawasa ahaqta'ák.”