Jeremías 14:3 - Biblia Enxet

³ Apkelápháseyha etegyagkok yegmen apkeláneykha m'a kelwesse'e; apkelmeyákxeyk chá'a m'a yámelchet, makke elwetágweykxak chá'a yegmen, apkelchexyekmek aqsa chá'a meyke yegmen ma'a yátegwáxwa apagkok; melya'ásegkok aptamhágkaxa, apkelaqlássek apqatkok yetlo ekyawe agko' apkelmegqakto.

Jeremías 14:3 ပူးပေါင်းရင်းမြစ်များ

2 Samuel 15:30

Apchánteyk axta David ma'a egkexe Olivos; meyke apkelatchesso apmagkok axta apxegak yetlo apkelekxagweykha, apchaqlássek axta han apqátek magkenatchesso élapwokmo. Apkelaqlásegkek axta han apqatkok ma'a apyókxoho énxet'ák ektáha axta apkelxegexma'a, apkelxegkek axta yetlo apkellekxagweykha.

2 Samuel 19:4

Keñe axta wesse' apwányam apchaqlasa apqátek, apyennaqtésawo appeywa aptáha s'e: “¡Absalón, hatte! ¡Absalón, hatte!”

1 Reyes 17:7

Yáma wenaqtémok axta han, keñe ekyamáya m'a alwáta', hakte axta kammayék xa apchókxa nak.

2 Reyes 18:31

nágkólyahakxa aqsa. Eyáphássek xeyk ko'o wesse' apwányam Asiria altennássak kéxegke yaqwayam enxoho kólyepetchekxa', tén han kólmésaxche aqsa, keñe sa' kélxama kélwanchek chá'a kóltawagkok ma'a anmen yámet ekyexna eñama nak ma'a neyseksa anmen yámet kélcheneykekxa, tén han ma'a higo yámet, kólyenagkok sa' nahan yegmen ma'a yámelchet kélagkok kélagko' nak.

Ester 6:12

Aphákxeyk axta makham apátog tegma apyawe natámen kélyentameykha m'a Mardoqueo, tén axta Amán aptaqhákxo ekmanyehe agko' ma'a apxagkok. Yaqhápeygkokxeyk axta apwáxok yetlo apchaqlasso nápat.

Job 6:20

apkelwokmek agkok ma'a, kalyaqhapwomhok apkelwáxok, melwetágwomek ma'a aqsok aptegyágkaxa'.

Salmos 109:29

¡Elmegqáwhok apagko' sa' ma'a sélenmexma nak. ¡Kápok sa' apkelmegqakto, aptémól'a kélaqlamaxche'!

Salmos 40:14

¡Elmegqeyk sa' kéltemessásekxo enxoho mékoho m'a apmáheyo nak chá'a heyaqhek! ¡Elmegqeyk sa' yenyahagkok ma'a apmáheyo nak chá'a hetnéssessamhok exma ekmaso!

Jeremías 14:4

Melya'ásegkok aptamhágkaxa m'a apkeltamheykha nak chá'a namyep, apkelaqlásegkek apqatkok, hakte megkammayék, yamáyók agko' ma'a xapop.

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 2:13

“Apkeláneykegkek ánet melya'assáxma m'a énxet'ák ahagkok: eyamasmeyk ko'o, sektáha nak ekteyapmakxa yegmen ekyennaqtéssamo nak egnények, apkelánéyak apagko' aptamheykegkok ma'a apkelyátamakxa nak yegmen, yámelchet élyagqaxe megkeytno nak yegmen ma'a kañe'.

Jeremías 2:37

Kóltaqhohok sa' makham kéxegke kéleñama Egipto, yetlo ekyawe agko' kélmegqakto, hakte élyetnakhássek ko'o m'a kélásenneykekxo nak chá'a kéxegke, méko sa' kataksek kéxegke kélteme kélxegexma'a m'a.”

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Jeremías 3:3

Cháxa keñamak megkamámeya nak ma'a apmopsamágexal'a, tén han ma'a élyapweykxal'a. Hawók xe' megkamegqakto m'a kelán'a ekyaqmagkáseyak pók énxet ekma nak chá'a ekyánmaga ekpathetéyak; ¡kéméxcheyk kamegqágwók!

Lamentaciones 4:4

Hem egkelnapmak ma'a sakcha'a megkalyamasma nak makham neme, kelyamáyak axkok. Kaltemeykha chá'a ektéyak sakcha'a, méko eyke xama enxoho yaqwayam chá'a egkések.

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Joel 1:20

¡Wokmók xép ekwóneykha m'a aqsok nawha'ák, hakte kelyameygkek ma'a alwáta nak, kelwatneyk táxa m'a pa'at nak!

Amós 4:7

“Axta nahan wáphássessók ekmámeye ekweykmoho apqántánxo pelten amonye' kélnakxo m'a aqsok ekyexna kélcheneykekxa. Xama tegma apwányam axta aqsa chá'a ko'o ekmáméssók keñe chá'a pók tegma apwányam maltémo kamme'; xama yókxexma axta aqsa chá'a kamme' keñe axta chá'a mók yókxexma ekyamáya eñama meyke yegmen;

Amós 4:8

esawhekxohok axta chá'a elweynchamha tegma apkelyawe énxet'ák etegyagkok yegmen, ketsék axta eyke chá'a elweta', megkamasseksek axta chá'a hem élnapma, ¡axta eyke hélye'eykekták ko'o kéxegke!” Wesse' egegkok apxeyenma xa.

Zacarías 14:17

Yetneyk sa' agkok chá'a xama énxet apheykegkaxa chá'a pók aptémakxa énxet'ák keso náxop memyeykekxa chá'a elpeykessekxohok Wesse' Apwányam ma'a Jerusalén, Wesse' ekha nak apyennaqte, megkammakyek sa' chá'a m'a xapop apagkok nak.