Jeremías 14:20 - Biblia Enxet

²⁰ Wesse', nélya'asegwákxók negko'o m'a néltémakxa ekmaso, tén han apkeltémakxa melya'assáxma axta m'a ẽlyapmeyk nano'; nenláneykegkek negko'o mólya'assáxma nenmexeykekxo exchep.

Jeremías 14:20 ပူးပေါင်းရင်းမြစ်များ

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

2 Samuel 24:10

Chaqhak axta apwáxok David eyesagko aptáhakxa apnaqtáxésagko apkelwesey weykcha'áhak, keñe axta aptáha apkeltennasa Wesse' egegkok se'e: —Élanak ko'o ekyawe agko' may'assáxma sélana xa aqsok nak. Wesse' ahagkok, éltamhók eyke ko'o heyásekhekxohok makham neyseksa sélane xa aqsok ekmaso nak, ko'o sektáha nak xép apkeláneykha, asagkek ko'o sektáhakxa, máxa ektáhak ma'a énxet ekyeyháxmal'a.

Nehemías 9:2

apkelántekkek axta nepyeseksa m'a megkatnaha nak appeywomo xamo', apkelchampákxeyk axta néten, apkelxénchek axta ektémakxa melya'assáxma, tén han ma'a ektémakxa axta melya'assáxma m'a apyapmeyk nano'.

Job 33:27

Sa' etnehek se'e: “Éláneyak ko'o may'assáxma, éláneyak han ma'a megkapayhawo nak antéhek, makke emáheyók heñássesagkohok ma'a Dios;

Salmos 32:5

Éltennássek axta eyke ko'o exchep may'assáxma meyke seyáyam xama enxoho, tén han sektémakxa ekmaso; xénchek axta ko'o ewáxok altennaksek may'assáxma, keñe axta exchep, Wesse', meyaqmagkásekxo.

Jeremías 14:7

Wesse', ẽlsexnenagkamchek eykhe negko'o m'a mólya'assáxma nak, eyke elána sa' aqsa aqsok, eñama apkelmeyeykha m'a apwesey! Xámokmeyk negko'o negyenseyam negyetleykha exchep, nenláneykegkek mólya'assáxma nenmexeykekxo.

Jeremías 3:13

Eyke kay'ásegwakxoho aqsa m'a ektémakxa ekmaso, tén han énmexeykekxo m'a Dios Wesse' agkok; ekweynchámeykencha'a chá'a ektegyeykencha'a énxet apkeleñama mók nekha yaqwayam kagkések ekyókxa, m'a kóneg nak yenta'a élyentaxno pessesse agkok, tén han megkalyeheykekxo m'a séltémókxa nak katnehek. Ko'o sekxeyenma xa, sektáha nak Wesse'.”

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”

Jeremías 8:14

Keñe sa' etnehek elpaqmétek énxet'ák se'e: “¿Yaqsa ektéma negheykencha'a nak aqsa s'e? ¡Ólmeyekxak negyókxoho m'a tegma apkelyawe ekyennaqte nak kélhaxtegkáseyak nepyáwa' yaqwayam sa' óletsapwakxak ma'a! Dios Wesse' egegkok peyk hẽlnápekxa'; ẽleykegkek ma'a yegmen kélenchehe nak pánaqte segaqhamo, hakte nenláneykegkek negko'o mólya'assáxma nénmexeykekxo m'a.

Lamentaciones 1:20

¡Wesse', elano ektémakxa ekyentaxno ewáxok! ¡Eklegeykegkók ekmaso ewáxok! Añegkohok chá'a ekmáske ewáxok ekxénwákxoho enxoho chá'a ewáxok sektémakxa sénmexeykekxo. Sókwenaqte aptekyawák étchek ma'a yókxexma, keñe han se'e kañe' nak, ekyetnama apkeletsapma énxet'ák.

Lamentaciones 3:42

Nenláneykegkek negko'o mólya'assáxma, nénmexeykekxeyk han, keñe axta exchep mehẽlásekheykekxoho.

Lamentaciones 5:7

Apkeláneykegkek axta melya'assáxma ẽlyapmeyk nano', keñe kaxwók apmassegwokmo, negko'o kaxwók egápeykxak ma'a apkelsexnánémap axta.

Daniel 9:15

“Wesse' Dios egegkok, apxekmóssek axta exchep ekyawe agko' apmopwána apkelántekkessama énxet'ák apagkok ma'a Egipto, cháxa ekteméssessama axta apxénamap ekyókxoho yókxexma, eyeynókxa axta ekhem nak, ekwokmoho makham se'e negwánxa nak; nenláneykegkek eyke negko'o mólya'assáxma, tén han ma'a aqsok ekmaso.

Amós 7:2

Xama axta apsawhawo aptókagko sawa' m'a ekyókxoho aqsok kélcheneykekxa, ekweykekxoho m'a pa'at nak, axta ektáhak ko'o seyáneya s'e: —¡Wesse', hẽlásekhekxoho negko'o! ¿Háxko katnehek elenmaxakpohok ma'a énxet'ák apagkok Jacob? Apqántawók apagko'.