Jeremías 14:2 - Biblia Enxet

² “Apkellekxagweyha m'a énxet'ák Judá, apkellegágkok élyentaxno apkelwáxok ma'a apheykha nak tegma apkelyawe apagkok, aphágkek náxop ma'a énxet'ák. Kelpayheyha apatña'ák apkellegágkoho ekmáske m'a énxet'ák Jerusalén.

Jeremías 14:2 ပူးပေါင်းရင်းမြစ်များ

Job 34:28

Apwagkassessegkek élpayheykha apatña'ák meyke nak aqsok apagkok ma'a aphakxa nak Dios, tén han ektémakxa nak apnaqtawáseykegkoho, aplegayak han ma'a Dios.

Salmos 144:14

Tásek ektamhéyak lós'awók weyke nennaqtósso méko xama enxoho étkok étsapma awáxok. Méko élpayheykha enxoho kélatña'ák ektemégweykmoho exma m'a ámay egagkok nak.

Éxodo 2:24

appasmomchek axta nahan ma'a ektémakxa apkelpaqméteykha, ekxénweykekxoho apwáxok ma'a appeywa apméssama axta m'a Abraham, Isaac, tén han ma'a Jacob.

Isaías 15:5

Chaqhak axta ko'o ewáxok sélano m'a Moab; apkelántekkek axta énxet'ák apheykha m'a kañe' apkenyahágko ekweykekxoho m'a Sóar, ekweykekxoho m'a Eglat-selisiya. Apkellekxagweygkokxeyk axta apkelxega m'a ekmeyeykekxa nak néten xóp ma'a Luhit; apkelpáxamáha axta ekyennaqte agko' éllapwámegko peya káhapwak aqsok ekmaso m'a ámay nak Horonaim.

Isaías 24:11

Apkelpáxamáha ekyennaqte énxet'ák ámay awáxok aptegyágko eykhe vino; massegwokmek ekyókxoho m'a ektémakxa axta chá'a élpayheykekxa apkelwáxok, kélmasséssek kañe' apchókxa m'a ekpayheykekxa egwáxok nak.

Isaías 24:4

Yamakak xapop, kesagkeyk nahan, yamakaxma ekyókxoho keso nélwanmégkaxa, kelyameygkek aqsok yókxexma, yaqhapchexma m'a néten tén han keso náxop.

Isaías 24:7

Massék ekha m'a vino, kelyameygkek ma'a anmen yámet kélcheneykekxa, kelyaqhápeyha agko' apkelwáxok ma'a énxet'ák élpayheykekxoho axta chá'a apkelwáxok.

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Isaías 33:9

Kesagkék ma'a xapop yaqhapchek nahan exma, kelyameygkek aqsok naxma m'a Líbano, kelyetcheyk áwa' yenta'a, yókxexma ekyamayéxma tamhákxak ma'a ekyapwátegweykenxa nak xapop Sarón, meyke xama aqsok entamhákxak ma'a yókxexma Basán tén han ma'a egkexe Carmelo.

Isaías 5:7

Israel apchókxa m'a apkeneykekxexa nak anmen yámet apagkok ma'a Wesse' ekha nak apyennaqte tén han ma'a Judá, cham'a apkeneykekxa apmopmenyého apagko' nak. Apkelhaxanmeyk axta katnehek kélyeheykekxoho segánamakxa apagkok Wesse' egegkok ma'a, wánxa axta eyke aqsa apweteya chá'a ekyetnama m'a nentekyawa; apkelhaxanmeyk axta katnehek ma'a ekpéwomo nak nentémakxa, wánxa axta eyke aqsa aplegaya chá'a m'a ekpayheykha nak egátog nenlegeykegkoho ekmáske.

Jeremías 11:11

Wáphaksek sa' ko'o aqsok ekmaso agko' nepyeseksa, megkamopwána nak elegketakpok. Elpáxamha sa' eykhe eltamhok apasmok, magweyxók sa' eyke ko'o. Ko'o sekxeyenma xa, sektáha nak Wesse'.

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Jeremías 12:4

¿Háxko sa' ekwánxa ekhem kammok ekyamaye xapop, tén han élyamaye pa'at ma'a yókxexma? Keletsepmeyk aqsok kélnaqtósso, tén han náta, eñama apkeltémakxa ekmaso m'a énxet'ák apheykha nak apchókxa, apkenagkama nak xép meteyk ma'a aqsok apkeláneyak.

Jeremías 18:22

Elpelakkasses yahak ma'a énxet'ák apkelmenyexmo nak; ¡kañexkohok sa' élpayheykha apatña'ák apkelaye! Hakte emétegkessegkek máxek apmáheyo hemok, epekkenchessegkek kelhanma sekpéwomókxa nak chá'a.

Jeremías 4:28

Kasawhekxohok sa' ekyaqhapmóxma náxop, keñe sa' néten kayaqtések exma. Ekxénchek ko'o xa, megkaqhek sa' nahan ewáxok, ekpenchessek yaqwayam alána', malwátéssemek sa' nahan.

Jeremías 46:12

Apkelya'ásegkók kaxwók ekyókxoho apkelókxa kéltamhákxo mékoho, legáxcheyk han élpayheykha kélatña'ák ekyókxoho yókxexma nak keso náxop; apkeltegwákpek chá'a pók kempakhakma yapmeyk, apkelyettelegwágkók nahan chá'a xamók pók náxop.”

Jeremías 8:21

Eklegeykegkók apkellegeykegkoho nak ma'a énxet'ák ahagkok; yetnegkek sekhakxa m'a ekyaqhápeykha ewáxok tén han seyeye.

Lamentaciones 2:8

Apxeyenmeyk axta Wesse' egegkok elyaqnegkesek ma'a kélhaxtegkesso nak Sión. Apkelyetsátegkek axta yaqwánxa emasséssók, apkelanak axta han meyke apkelwátesseyam. Apkelyaqnegkásegkek axta m'a nápakhaw'ék tegma tén han ma'a kélhaxtegkesso, apkellapwagkásegko axta aptémól'a énxet, apheyásawók axta mók apkelyaqnegkesso.

Lamentaciones 2:9

Meyke atña'ák táhak ma'a tegma apyawe méko han ma'a kélápeykekxexa nak chá'a: ¡náxop kélchexeyk kélekkexákxo! Kélchexakhagwokmek nepyeseksa énxet'ák melya'áseyak nak Dios ma'a wesse' apwányam tén han ma'a kelwesse'e apagkok; massegwokmek kaxwók ma'a Dios segánamakxa apagkok. ¡Massegwokmek nahan apxekmóssamo chá'a aqsok Wesse' egegkok ma'a apkellegasso nak appeywa, yaqwayam enxoho ellegaksek énxet'ák!

Lamentaciones 5:10

Máxa táxa axagkok temék élmeyesma egyempe'ék, kelméxenchessegkek egyempe'ék meyk sẽlnapma.

Oseas 4:3

Cháxa keñamak ekyaqhapmo nak exma xa apchókxa nak; massegkek ekha apkelyennaqte m'a apheykha nak ma'a; keletsepmeyk han ma'a aqsok nawha'ák éllo, náta, tén han kelasma, ekhéyák nak wátsam ekwányam.

Joel 1:10

Meyke aqsok táhak ma'a namyep; yaqhapchek exma'. Apkelepsagkek ma'a hótáhap apaktek, kelyameygkek ma'a anmen yámet, apák entáhak ma'a olivos.

Joel 1:11

Kéxegke kéltamheykha nak chá'a namyep, tén han kélcheneykekxexa nak chá'a anmen yámet, kóllekxagwaha yetlo ekyentaxnamo agko' kélwáxok, hakte kelesagkek ma'a aqsok kélcheneykekxa, tén han ma'a kélnakxo nak hótáhap apaktek, tén han ma'a apho nak hótáhap.

Joel 1:14

Kóláneyha énxet'ák, kóltennés peya megkóltawagkehek kéltéyak; kólánchásekxa apkelámha apmonye'e m'a Dios Wesse' kélagkok nak tegma appagkanamap apagkok, tén han ma'a apyókxoho énxet'ák apheykha nak kañe' negókxa, kólwónmakha sa' Wesse' egegkok.

Joel 2:6

Apkelpexyennegkek apkelaye apkelwet'a énxet'ák, kelmópeykxeyk nápaqta'a apyókxoho.

Hageo 1:11

Ko'o séltémo katnehek meyke yegmen yókxexma, tén han ma'a néten egkexe nak, tén han nepyeseksa nak hótáhap, tén han ma'a kélcheneykekxexa nak anmen yámet, tén han ma'a élaqneykegkaxa nak olivo yámet, tén han ma'a eknakxamáxchexa nak aqsok namyep, tén han nepyeseksa énxet'ák, tén han aqsok nawha'ák, tén han ma'a ekyókxoho kéltamheykha nak.”

Zacarías 7:13

Aptáhak axta s'e: “Magweyxók sa' ko'óxa sewóneyncha'a enxoho xa énxet'ák nak, ekhawo aptamhágkaxa nak megyahaxnawo sélwóneyncha'a ko'o.

1 Samuel 5:12

Weykekxók axta élpayheykha apatña'ák énxet'ák ma'a néten, hakte sawheykekxók axta apyempe'ék tasqapma m'a meletsapma axta.

1 Samuel 9:16

“Saka sa' wáphássesek xama énxet apkeñama yókxexma Benjamín, keso ekwánxa nak ekhem, peya sa' epagkanek xép yaqwayam etnéssesek apkemha apmonye' apkeltaqmelchesso énxet'ák ahagkok Israel. Sa' elmallahanchesek neyseksa apkelma m'a filisteos, hakte apyósekak ko'o sélányo m'a énxet'ák ahagkok, seklegaya sewóneykha apkeltémo apasmok.”