Jeremías 14:19 - Biblia Enxet

¹⁹ Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 14:19 ပူးပေါင်းရင်းမြစ်များ

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Job 30:26

Élhaxanmeyk axta ko'o kapayhekxak ewáxok, keñe seyáhapwaya m'a ekyaqhápeykha ewáxok; élhaxanmeyk axta kawak élseyéxma, keñe seyáhapwaya ekyaqtessóxma.

Salmos 78:59

Aplamchek axta Dios apweteya xa aqsok nak, tén axta apkexakhama apagko' ma'a Israel,

Salmos 89:38

Apyenyókek eyke exchep ma'a wesse' apwányam apkelyéseykha axta, mékoho aptemessásekxa'; ¡aptaqnókek kaxwo'!

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Jeremías 12:7

“Éxakkek ko'o énxet'ák ahagkok, ektaqnawágwokmek ma'a ektáha axta ahagkok. Ekméssek ko'o yaqwayam elmok apkelenmexma m'a énxet'ák aptáha axta ko'o sélásekhayókxa.

Jeremías 12:8

Cháxa énxet'ák, aptáha axta ko'o ahagkok, máxa yámakméwa ekleykhal'a naxma kaxwók aptamhákxak sélano; apkelyexweyweyha sélano, cháxa keñamak séltaqnawaya nak.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 30:12

Aptáhak Wesse' egegkok se'e: “Megkaltaqmelwomek kélyense kéxegke, méko pánaqte agkok ma'a élmaso kélyempe'ék nak.

Jeremías 30:13

Méko nahan ekyetnakhassamo awáxok kéxegke; méko nahan kataqmelchessók ma'a kélyense nak, megkóltaqmelwomek nahan.

Jeremías 51:5

apkeláneykegkek eykhe melya'assáxma nahaqtók ko'o m'a énxet'ák Israel tén han Judá, apsawheyáseykekxók melya'assáxma m'a apchókxa, makke akxakhák ko'o makham, sektáha nak Wesse' ekha sekyennaqte, Dios Appagkanamap nak Israel.

Jeremías 6:30

Eltamhakpok sa' “sawo élmope élmomnáwa kélchexakha”, hakte xép apkexakha xa, Wesse'.

Jeremías 7:29

¡Énxet'ák Jerusalén, kólyaqtén kélwa', keñe sa' kólchexa'! ¡Kólmeneykmés sa' negmeneykmasso senlapwayam ma'a néten nak xóp eyáxñeyo meykexa nak xama aqsok! Hakte apkeltaqnaweygkek Wesse' egegkok ma'a énxet'ák kélagkok nak, apkexakke', apkelyetnakhássek nahan.

Jeremías 8:15

Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 8:22

¿Mékoya xama enxoho pánaqte m'a Galaad? ¿Mékoya xama enxoho apmopwána hentaqmelchessók ma'a? ¿Yaqsa ektéma meltaqmelweykmo nak énxet'ák ahagkok?

Lamentaciones 2:13

¿Yaqsa ko'o ewanchek axnésho essenhan eytchásekxohok xeye' Jerusalén ektaqmalma? ¿Yaqsa ewanchek eytchásekxohok yaqwayam ataqmelchessásekxak awáxok xeye' Sión ektaqmalma meyke nak kélteméssesseykmoho exma'? Awanhók agko' ektémakxa kélmassésseyam, máxa m'a wátsam ekwányam; ¿yaqsa awanchek kataqmelchessók?

Lamentaciones 2:22

Máxa keleñamak apnaqlókmo m'a aqsok segyegwakkassamo nak, ektémól'a kólya'ammok ma'a kélessawássessamo; méko axta xama enxoho eyewagko kagketaxchek ma'a aplawa axta exchep Wesse'. Apkelnapmeyk sélenmexma m'a séktegkesso axta, tén han ma'a sélxekmowáseyak axta.

Lamentaciones 4:17

Kelyampayak egaqta'ák nélhaxanma, nélhaxanmeyk eyke aqsa, chaqhémok nélhaxanma hempasmok. Nélhaxanmeyk eykhe elwak énxet'ák megkalmopwána nak hempasmok.

Lamentaciones 5:22

Ẽltaqnaweykegkók apagko' eyke exchep; aplómok apagko' xeyep senlányo.

Miqueas 1:12

Apkelpexyawáha apkellegeykegkoho ekmáske m'a énxet'ák apheykha nak Marot, kelpekhéssek kataqmelwók apheykha, hakte Wesse' egegkok apkeltémo kawak aqsok ekmaso ekweykmoho m'a átog nak ma'a Jerusalén.