Jeremías 14:17 - Biblia Enxet

¹⁷ Etne sa' nahan elának énxet'ák se'e: “Kalpexyewenták sa' ahaqta'ák égmen'ák yókxoho ekhem tén han yókxoho axta'a, meyke néxa, eñama ekmaso agko' ektamhágkaxa m'a énxet'ák ahagkok, eñama élyawe agko' ma'a apkelyense.

Jeremías 14:17 ပူးပေါင်းရင်းမြစ်များ

2 Reyes 19:21

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Salmos 119:136

Kelpexyaweykenteyk ko'o ahaqta'ák égmenek sélekxagweykha, hakte megkóláyók ma'a nélxekmowásamáxche apagkok nak.

Salmos 39:10

Elwatés señassáseykegkoho, hakte peyk ko'o watsapok eñama setekpageykha.

Isaías 37:22

Keso aptáhakxa exchek appeywa Wesse' egegkok apxéna m'a wesse' apwányam Asiria: “Senaquerib, máxa kelán'a étkok entáhak ésmésa exchep ma'a Sión. Yeykáseyha akqátek neptámen ekwanyawo aptaqháwo m'a Jerusalén.

Jeremías 10:19

—¡Ko'o laye, asagkek setnahakxa'! ¡Megkaltaqmelwomek sélyense! ¡Énagkamchek axta ko'o alenmaxaxkohok se'e ekmáske nak!

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 18:13

Cháxa keñamak aptáha nak Wesse' egegkok se'e: “Kólmaxneyha hana m'a pók aptémakxa nak énxet'ák, aplegayak kexa xama xa ektéma nak aqsok. ¡Asagkók agko' apkeláneyak aqsok ma'a énxet'ák Israel!

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Jeremías 8:21

Eklegeykegkók apkellegeykegkoho nak ma'a énxet'ák ahagkok; yetnegkek sekhakxa m'a ekyaqhápeykha ewáxok tén han seyeye.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Jeremías 9:18

¡Kólána sa' kalpekhaksohok élxegáyam, yaqwayam sa' kallekxagwaha henlanok negko'o; hẽllekxágkasha sa' negko'óxa kalpexyewenták sa' egaqta'ák égmen'ák egmáxempenák, eñama néllekxagweykha!

Lamentaciones 2:11

Kelyélaqtéssek ahaqta'ák sekwóno, eklegágkok ekyentaxno agko' ewáxok; yelqáxcheyk ewáxok sekwet'a kélmasséssekmo tegma apwányam apagkok nak énxet'ák ahagkok, tén han sekwet'a apkeletsapa meyk ámay ma'a sakcha'a ekweykekxoho m'a melyamasma nak neme.

Lamentaciones 2:13

¿Yaqsa ko'o ewanchek axnésho essenhan eytchásekxohok xeye' Jerusalén ektaqmalma? ¿Yaqsa ewanchek eytchásekxohok yaqwayam ataqmelchessásekxak awáxok xeye' Sión ektaqmalma meyke nak kélteméssesseykmoho exma'? Awanhók agko' ektémakxa kélmassésseyam, máxa m'a wátsam ekwányam; ¿yaqsa awanchek kataqmelchessók?

Lamentaciones 2:18

¡Sión ektaqmalma, kalmaxna epasmok Wesse' egegkok! ¡Koho aqsa kalpexyewenták aqtek égmenek ekhem tén han axta'a! ¡Nágkalwátessem ekwóno, nágkamasséssem aqtek égmenek!

Amós 5:2

Apteyekmek Israel aphémo nak kelán'a étkok ektaqmalma; apteyekmek meyke apheykekxa néten. Apyetneyk náxop, cham'a xapop apagkok nak, méko han xama enxoho yaqwayam kaxneyásekxak néten.

Miqueas 6:13

Cháxa keñamak seklegássásegkoho nak, tén han sekmasséssekmo eñama mey'assáxma.