Jeremías 14:12 - Biblia Enxet

¹² Metawagkehek sa' eykhe aptéyak, magweyxók sa' eyke ko'o m'a apkelmaxneyéyak; xámók sa' eykhe katnehek sélseykentegkesso m'a aqsok apkelwatno, tén han ma'a sélmésso naqsa nak chá'a aqsok ekyexna kélcheneykekxa, megkalchek sa' eyke ko'o ewáxok alano'. Amasséssók sa' wahak kempakhakma, meyk, tén han negmasse ekmaso.”

Jeremías 14:12 ပူးပေါင်းရင်းမြစ်များ

Job 27:9

Apwet'ak agkok ekyentaxno apha, megyéxok Dios ma'a apwóneykha.

Proverbios 1:28

“Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Proverbios 15:8

Etaqnawhok Wesse' egegkok aqsok apchaqhássesso m'a énxet élmasagcha'a nak apkeltémakxa', yetlo ektaqmeleykha apwáxok eyke chá'a emok takha' nempeywa nélmaxnagko apagkok ma'a énxet apkelpéwomo nak.

Proverbios 21:27

Eltaqnawásseshok Wesse' egegkok aqsok apkelmésso naqsa m'a énxet'ák élmasagcha'a nak apkeltémakxa', hakte yetlo ekmaso élchetámeykha apkelwáxok chá'a elmések.

Proverbios 28:9

Agkok emakók kélxama elyahakxohok ma'a Dios segánamakxa apagkok, memek sa' nahan takha' nempeywa nélmaxnagko apagkok ma'a Dios.

Isaías 58:3

keñe etnehek chá'a elpaqmétek se'e: ‘kaqhok mantewek nento mehenlano enxoho m'a Dios, kaqhok óghaxchek ma'a megkaxéna enxoho apwáxok.’ Megkóleyxek eyke chá'a kéxegke kólyanmagkasaxchek ma'a ekwokmo enxoho ekhem mantamakxa nento, kólhak chá'a m'a kélásenneykha nak;

Jeremías 11:11

Wáphaksek sa' ko'o aqsok ekmaso agko' nepyeseksa, megkamopwána nak elegketakpok. Elpáxamha sa' eykhe eltamhok apasmok, magweyxók sa' eyke ko'o. Ko'o sekxeyenma xa, sektáha nak Wesse'.

Jeremías 11:14

Jeremías, ná elmaxnésses aqsa xa énxet'ák nak; ná hey'ásegma aqsa ko'o apkelmaxnagko, náhewónmakha aqsa héltennaksek, hakte magweyxók sa' ko'o apkeltamho enxoho apasmok neyseksa aqsok ekmaso m'a.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Jeremías 21:6

Alnápok sa' apyókxoho apheykha nak se'e tegma apwányam nak; kalnápok sa' negmasse énxet'ák tén han aqsok kélnaqtósso.

Jeremías 24:10

Wahak sa' ko'o kempakhakma, meyk, tén han negmasse ekmaso, ekwokmoho apsawheykpoho apagko' ma'a apchókxa sekméssamakxa axta ko'o, tén han ma'a apyapmeyk nano' axta.”

Jeremías 32:24

“Apkelánegkek kaxwók apkelchántéyak néten ma'a caldeos, yaqwayam ektamagkok ma'a tegma apwányam. Kempakhakma, meyk, tén han negmasse sa' kañék emok tegma apwányam ma'a ektáha nak apketámeyam. Wesse', apwet'ak xép ektáha m'a apxeyenma axta chá'a katnehek.

Jeremías 6:20

¿Yaqsa ektáha sélsántegkesa nak ko'o kéxegke aqsok ánek ekmátsa nak ekpaqneyam éten agkok éleñama nak Sabá, tén han yámet ekmátsa nak ekpaqneyam éleñama nak ma'a apkelókxa makhawók agko'? Megkalchek ko'o ewáxok ma'a aqsok kélwatno nak, tén han ma'a mók aqsok kélnaqtósso kélnapma nak.”

Jeremías 8:13

Aptáhak Wesse' egegkok se'e: “Alyaqtennek sa' ko'o énxet'ák ahagkok ektémól'a kólyaqtennek hótáhap apyexna. Megkeymaxcheyk sa' xama enxoho ekyexna anmen yámet ma'a kélcheneykekxexa nak, tén han xama ekyexna enxoho higo yámet ma'a kélcheneykekxexa nak. Áwa' élyamaye sa' aqsa kaleymaxche'.”

Jeremías 9:16

Waxpánchesek sa' alya'aksek nepyeseksa m'a pók aptémakxa énxet'ák, melya'ásegko nak ma'a, tén han melweteya axta m'a apyapmeyk nano'; sókwenaqte sa' wának kólmenxenchesek, ekwokmoho megyeymékpo xama enxoho.”

Ezequiel 14:19

“Eyáphássek agkok nahan negmasse xa apkelókxa nak, sektekkesa enxoho nétsapma eñama seklo m'a tén han séltamho enxoho eletsapok ma'a énxet tén han aqsok kélnaqtósso,

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Ezequiel 8:18

Alának sa' eyke ko'o aqsok yetlo seklo. Megkalepyósek sa' alanok xama enxoho m'a. Elpáxamha sa' eykhe hewónmakha, magweyxók sa' eyke.”

Oseas 5:6

Elxog sa' yetlo apnaqtósso nepkések tén han weyke ektamok ma'a Wesse' egegkok, méteyekxeyk sa' eyke, hakte apkexakhamchek ma'a.

Amós 5:21

“Ataqnawhok agko' ko'o m'a ekhem kélessawássessamókxa nak chá'a; megkalchek ewáxok ma'a ektémakxa nak chá'a kélaqneykekxa hélpeykesho'.

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Zacarías 7:13

Aptáhak axta s'e: “Magweyxók sa' ko'óxa sewóneyncha'a enxoho xa énxet'ák nak, ekhawo aptamhágkaxa nak megyahaxnawo sélwóneyncha'a ko'o.

Malaquías 1:10

“¡Kólápekxoho annal'a kélxama kéxegke m'a apátog nak tegma appagkanamap, yaqwayam enxoho megkaqhók makham kóláléwássekxak táxa m'a ekwatnamáxchexa nak chá'a aqsok ahagkok! Massegkek ko'o ekleklamo ewáxok alanok kéxegke, mómenyeyk kaxwók amok takha' m'a kélmésso naqsa nak aqsok kéxegke.

Malaquías 2:13

Keso mók aqsok nak han kélláneyák kéxegke s'e: Kélyássessegkek kélaqtégmenek ma'a ekwatnamáxchexa nak aqsok apagkok Wesse' egegkok, megkóléseykegkohok chá'a kéllekxagweykencha'a éllapwámeykegko, hakte massegkek apma takha' yetlo ekleklamo apwáxok Wesse' egegkok ma'a aqsok kélmésso naqsa nak.