Jeremías 13:9 - Biblia Enxet

⁹ Aptáhak axta seyáneya s'e: “Sa' atnéssesek ko'o amasséssessók ektémakxa nak éleymáxkoho apkelwáxok énxet'ák Judá xa ektáha nak tén han ma'a Jerusalén.

Jeremías 13:9 ပူးပေါင်းရင်းမြစ်များ

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Isaías 16:6

Negya'ásegkók ektémakxa nak ekyawe apkeleymákpoho m'a énxet'ák Moab: éleymáxkoho apkelwáxok, apkene etnahágkok néten kéláyo, meleysso eleykpoho' tén han apkelpaqméteykha naqsa ekteme nak mékoho.

Isaías 23:9

Wesse' egegkok ekha nak apyennaqte apkeltémo katnehek xa, yaqwayam enxoho etnessásekxak mékoho apyókxoho m'a apkeleymákpoho nak, tén han yaqwayam etnessásekxak kónegók agko' ma'a kelwesse'e apagko' nak keso náxop.

Jeremías 13:8

Tén axta sepaqhetchásekxoho ko'o makham ma'a Wesse' egegkok.

Jeremías 25:18

Élágkek axta ko'o m'a énxet'ák Jerusalén, tén han ma'a énxet'ák apheykha nak tegma apkelyawe Judá, yetlo kelwesse'e apkelwányam apagkok tén han apkelámha apmonye'e, yaqwayam enxoho amasséssók, tén han atnessásekxak meyke xama aqsok, tén han aqsok eyeymáxkohol'a kataxche', tén han segyegwakkassamól'a, tén han éñamakxa néltémo hentemegwomhok exma ekmaso, aptamheykegko nak makham se'e kaxwo' nak.

Jeremías 48:29

Negya'ásegkók negko'o ektémakxa apkeleymákpoho ekyawe m'a énxet'ák Moab: éleymáxkoho apkelwáxok, apkene etnahágkok néten, tén han wánxa kéláyo.

Ezequiel 16:50

Éleymáxkoho tamheykegkok, keláneykegkek ma'a aqsok sektaqnagkamo nak ko'o; cháxa keñamak sekmasséssekmo nak ko'o xa, ekhawo ekwet'a nak xe'.

Ezequiel 16:56

Kesméssegkek axta exche' ektémakxa kéllegassáseykegkoho m'a yáxeg Sodoma, cham'a ektémakxa axta eyeymáxkoho agko'

Levítico 26:19

Amasséssók sa' ko'o ektémakxa nak éleymáxkoho kélwáxok; wának sa' megkáphássesek ekmámeye néten, keñe sa' xapop megkeyxnések aqsok kélcheneykekxa'.

Nahúm 2:2

Hakte peyk egkeyásekxak makham apcheymákpoho Wesse' egegkok ma'a Jacob, peyk egkeyásekxak makham apcheymákpoho m'a Israel, ektéma axta m'a nanók axta, amonye' axta kélsawhéssamo aqsok apagkok, amonye' axta kélteméssesso m'a ektémól'a anmen yámet meyke axchakkok.

Sofonías 3:11

Énxet'ák ahagkok, cháxa ekhem nak, kamaskok sa' kaxwók kalmegqaksek xama enxoho m'a aqsok ekmaso kélláneyak kélláneykegko nak chá'a sélenmexeykekxo kéxegke, keñe sa' alántekkesek kélnepyeseksa m'a éleymáxkoho nak apkelwáxok tén han ma'a megyésso nak eleykpoho', kamaskohok agko' sa' apkeleymákpoho m'a egkexe ekpagkanamaxche ahagkok nak.