Jeremías 13:26 - Biblia Enxet

²⁶ Alhaxyawássesagkok sa' ko'óxa kéxegke apyókxoho kélnaqta, yaqwayam sa' kólmegqé' kataxchek yáxña'akxoho kélyókxa'.

Jeremías 13:26 ပူးပေါင်းရင်းမြစ်များ

Isaías 47:3

kóllanok sa' agkok ekyókxa meyke apáwa, kólwetaksek sa' ma'a ekmasmakxa nak chá'a kólwetaksek. Ayaqmagkásekxak sa' ko'o mók ektémakxa, méko sa' kawának henókasha.”

Jeremías 13:22

Kelmaxneyáha sa' agkok han, yaqsa ektáha, ektáha xa ektáha nak, kéméxcheyk kay'asagkohok eñama ekyawe megkay'assáxma; ¡cháxa keñamak kélhaxyawássesa nak élnaqta tén han kélyennaqtésa kélyempehek kélteméssessekmoho exma!

Jeremías 49:10

Meyke agko' aqsok eyke ko'o ektemessáseykxak ma'a Esaú énxet'ák apagkok, yáxña'akxoho ekpekkenchásekxak ma'a apkelyexánegweykekxexa nak chá'a, mopwanchek kaxwók elxeganmok. Kélmasséssekmek apyókxoho m'a apketchek, apnámakkok, tén han ma'a apheykha nak ketók apheykegkaxa; megyeymékpok xama enxoho yaqwayam etnehek appeywa s'e:

Lamentaciones 1:8

Awanhók agko' élane megkay'assáxma m'a Jerusalén cháxa keñamak ekpayhémo nak kólwanyaha. Aptaqnawágwokmek kaxwók ma'a apcháyo axta chá'a, hakte apwet'ak kaxwók meyke apáwa. Cháxa keñamak élekxagweyncha'a nak tén han ekmegqaya ekpeyncháxko ekpósa nát.

Ezequiel 16:37

Wánchásekxak sa' ko'o apyókxoho m'a élpatheteykegko nak chá'a appeykessáseykekxo nak chá'a awáxok, apyókxoho m'a élásekhayókxa nak chá'a tén han ma'a éltaqnagkamakxa nak chá'a; keñe sa' nápaqta'awók axekmósek ma'a ekyókxa yaqwayam sa' elanok meyke apagko' apáwa.

Ezequiel 23:29

Etwasagkohok sa' chá'a yetlo aptaqnagko, apagkok sa' etnehek ma'a aqsok ekwete nak chá'a eñama ekyánmaga ektamheykha, meyke agko' élnaqta sa' eyenyekxa'; yáxña'akxoho sa' keytnekxak ma'a ekyókxa, cham'a ekteméssesseykmoho nak chá'a exma élánéssama m'a ektémakxa ekmaso megkamasexta. Ekmátsa katnegwomhoxma tén han megkamasexta

Oseas 2:10

Yáxña'akxoho sa' apekkenchesek ekyókxa meyke apáwa, nápaqta'awók ma'a élpatheteykegko nak chá'a. ¡Méko sa' kawának hémentók yaqwánxa nak atnéssesek!

Oseas 2:12

Amasséssessók sa' ma'a éneykekxa nak anmen yámet, tén han ma'a éneykekxa nak higo, ektéma nak chá'a ekxeyenma s'e: ‘Keso ekyánmaga segkésso nak chá'a ko'o m'a sélpathetéyak nak chá'a.’ Ekmompánaqma sa' atnessásekxak, aqsok nawha'ák éllo sa' katókasek.

Nahúm 3:5

Aptáhak Wesse' egegkok ekha nak apyennaqte s'e: “Énmexchek ko'o exche': eyxnéssesek sa' néten ekyekma ekweykekxoho nát, yaqwayam sa' elwetak apyókxoho énxet'ák meyke apáwa, yaqwayam sa' elwetak ekyókxoho apheykegkaxa énxet'ák ma'a ekyókxa nak.