Jeremías 13:22 - Biblia Enxet

²² Kelmaxneyáha sa' agkok han, yaqsa ektáha, ektáha xa ektáha nak, kéméxcheyk kay'asagkohok eñama ekyawe megkay'assáxma; ¡cháxa keñamak kélhaxyawássesa nak élnaqta tén han kélyennaqtésa kélyempehek kélteméssessekmoho exma!

Jeremías 13:22 ပူးပေါင်းရင်းမြစ်များ

Isaías 20:4

Sa' etnéssesek nahan wesse' apwányam Asiria enaqlakxak megkatnahakxa apkelókxa m'a egipcios tén han ma'a etiopes, meyke apkelántaxno sa' chá'a etnéssesek ma'a apkelwányamo nak tén han ma'a apketkók nak, tén han meyke apkelatchesso apmagkok, yáxña'akxoho sa' kaxnagkok ma'a ápetek aptaqla'ák nak yaqwayam sa' kalmegqaksek.

Isaías 3:17

meyke áw'ák sa' ko'o atnéssesek allegássesagkohok xa, weygké sa' waha', yáxña'akxoho sa' anegkenchásekxak ma'a ekyókxa, meyke apáwa.”

Isaías 47:8

Keyxho kaxwók se'e, kelán'a, ekmámenyého nak aqsok éltaqmalma, ekhama nak chá'a néten ektaháno ekyawe ektaqmalma yetlo meyke ektamheykha awáxok, ekteme nak chá'a awáxok se'e: ‘Ko'o aqsa, méko émók sekhawo; matnehek sa' chá'a ko'o tampe', matnehek sa' nahan chá'a meyke étchek.’

Jeremías 13:26

Alhaxyawássesagkok sa' ko'óxa kéxegke apyókxoho kélnaqta, yaqwayam sa' kólmegqé' kataxchek yáxña'akxoho kélyókxa'.

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 5:19

Aptemék sa' agkok elmaxneyha exchep se'e: ‘¿Yaqsa ektéma senteméssessama nak negko'o Dios Wesse' egegkok ekyókxoho xa ektáha nak?’, etne sa' yátegmowagkokxak se'e: ‘Sa' kóltéhek nahan kéxegke kóltéhek apkelásenneykha énxet'ák apkeleñama nak mók nekha megkatnahakxa nak xapop kélagkok, kéltémakxa axta kélyámasma Wesse' egegkok, kélyetleykekxo aqsok kéláyókxa éleñama nak mók nekha m'a kañe' xapop kélagkok nak.’

Lamentaciones 1:8

Awanhók agko' élane megkay'assáxma m'a Jerusalén cháxa keñamak ekpayhémo nak kólwanyaha. Aptaqnawágwokmek kaxwók ma'a apcháyo axta chá'a, hakte apwet'ak kaxwók meyke apáwa. Cháxa keñamak élekxagweyncha'a nak tén han ekmegqaya ekpeyncháxko ekpósa nát.

Ezequiel 23:26

Elhaxyawássesek sa' élnaqta, elmok sa' ma'a aqsok étkók agkok éltaqmalma, élmomnáwa nak.

Oseas 12:8

Aptáhak Efraín se'e: ¡Naqso', wesse' ko'o ektemék, xámeykekxeyk aqsok ahagkok, méko awanchek ko'o katnehek hexének sekwete aqsok ahagkok eñama sekmenyexeykha!

Oseas 2:10

Yáxña'akxoho sa' apekkenchesek ekyókxa meyke apáwa, nápaqta'awók ma'a élpatheteykegko nak chá'a. ¡Méko sa' kawának hémentók yaqwánxa nak atnéssesek!

Oseas 2:3

Sa' agkok katnahak xa ektáha nak, meyke apáwa agko' sa' atnéssesek ekyókxa'; sa' atnéssesek ma'a ektémakxa axta sekxók ektéyeykmo, sa' atnessásekxak ma'a ektémól'a yókxexma meykexa énxet, ekyamáyo agko' la'a xapop, wának sa' katsapok hem eyaqhe.

Oseas 2:5

Keláneyak axta ekmaso ektémakxa megkamasexta m'a egken nak, massegkek axta ekteme meyke ektémakxa', ektéma axta ekpeywa s'e: ‘Ategyaha sa' ko'o sélpathetéyak, segkésso nak chá'a sekto, tén han ma'a yegmen, tén han nepkések apwa', tén han apáwa apkeláxñeyo nak, tén han pexmok égmenek, tén han ma'a sekya.’

Nahúm 3:5

Aptáhak Wesse' egegkok ekha nak apyennaqte s'e: “Énmexchek ko'o exche': eyxnéssesek sa' néten ekyekma ekweykekxoho nát, yaqwayam sa' elwetak apyókxoho énxet'ák meyke apáwa, yaqwayam sa' elwetak ekyókxoho apheykegkaxa énxet'ák ma'a ekyókxa nak.

Sofonías 1:12

“Amok sa' ko'o xama cháléwasso xa ekhem nak keñe sa' atátchesek alanok ma'a Jerusalén. Allegássesagkohok sa' ma'a énxet'ák apkeltaqmelchessamo nak aqsa apheykha ektémól'a vino ektaqmelchessamól'a aqsa ekyetno, apteme nak chá'a elpaqmeyesmakha s'e: ‘¡Melanyek xama aqsok Wesse' egegkok, cham'a ektaqmela nak tén han ma'a ekmaso nak!’

Deuteronomio 18:21

Temék sa' agkok kéxegke élchetamso kélwáxok se'e: ‘¿Háxko antéhek agya'asagkohok aptáhakxa apxeyenma megkatnaha Wesse' egegkok appeywa xa?’, kéméxcheyk kólya'asagkohok kéxegke s'e:

Deuteronomio 7:17

“Sa' kexa eykhe katnehek kéxegke kalchetmok kélwáxok se'e: ‘Apxámók apagko' nak la'a m'a énxet'ák nak, maghawok negko'o; ¿Háxko sa' kexa antéhek ólántekkesek?’

Deuteronomio 8:17

“Nágkatne aqsa élchetamso kélwáxok se'e: ‘Nélwasqápeykekxoho keñamak negko'o negweteya s'e aqsok egagkok ekxámokma nak.’