Jeremías 13:16 - Biblia Enxet

¹⁶ Kólteme chá'a kéláyo Dios Wesse' kélagkok, amonye' apcháphasso m'a ekyáqtessóxma, tén han kélpelapmeykha kéxegke m'a egkexe ekyaqtéssamakxa nak exma; amonye' aptemessáseykekxa ekyaqtessóxma ekyentaxno agko' ma'a élseyéxma, kélhaxanma nak kéxegke.

Jeremías 13:16 ပူးပေါင်းရင်းမြစ်များ

Job 3:5

¡Tásók axtal'a kápok pessesse yaqwayam kayáqtéssesek exma, essenhan kápok yaphope ekpésyam, essenhan kaspónak ekhem keygwakkasek!

Salmos 107:10

Apheykha axta neyseksa ekyaqtéssamakxa agko' exma, negmomaxchexa' eklegeykegkaxa nak egwáxok, tén han cadenas,

Salmos 107:14

apkelántekkessegkek axta m'a neyseksa ekyaqtéssamakxa agko' nak exma, apkelyétekkessessegkek axta han cadenas.

Salmos 29:2

kóltemésses eyeymáxkoho apwesey Wesse' egegkok, kólpeykesho Wesse' egegkok ma'a kañe' nak tegma appagkanamap apagkok aptaqmalma.

Salmos 44:19

Keñe exchep sennaqtawáseykegkoho segkexakhagweykmo m'a élleykegkaxa nak semheg nawha'ák éllo. ¡Egáhakkassegkek ekyáqtessóxma ekmaso!

Éxodo 10:21

Keñe axta natámen Wesse' egegkok aptáha apcháneya Moisés se'e: —Ey'és sa' apmek néten, yaqwayam sa' kaweywenták ekyáqtessóxma ekyentaxno agko' ma'a Egipto, negmowánal'a ampaknegwomho'.

Proverbios 4:19

Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!

Eclesiastés 11:8

apheyk agkok ekwenaqte énxet keso náxop, peykessáseykxeyk agkok han chá'a apwáxok ma'a apha nak ekwenaqte, kéméxcheyk han kaxének apwáxok peya han kawegqohok ma'a ekyaqtessóxma nak, keñe han ma'a ekyókxoho aqsok ekmako nak kalwa', peya han katnehek eyaqhémo agweta'.

Isaías 5:30

Wokmek sa' agkok ekhem ekxénáxchexa yenmexek Israel xa énxet'ák nak kalpáwha sa' apwáxok, máxa sa' etnahagkok ma'a ektémól'a wátsam ekwányam kapáwak awáxok; apkelanawók sa' agkok xapop xama énxet, étak sa' katnekxak ekyaqtessóxma tén han ekhánaqte m'a ekhem eñama ekyentaxno agko' ma'a yaphope ekpésyam.

Isaías 59:10

Nélpaknameykha aqsa chá'a nélweynchámeykencha'a, máxa nentemék ma'a énxet meyke apaqta'ák apkelpaknameykhal'a nápakhaw'ék tegma, máxa meyke egaqta'ák nentamheykegkok; ólpelapmok aqsa chá'a ektáhakxoho yetseksók ekhem, máxa axta'a entemék; kalyéha'ak eykhe nahan egyempe'ék máxa néletsapma eyke nentemék.

Isaías 59:9

Ékeso éñamakxa ekmassa nak negko'o ekyetna negyeseksa m'a nélwagkásamáxche teyp, massék ekyetna ketók ma'a sẽlmallahanchesso nak aqsok ekmaso; nélhaxanmeyk eykhe chá'a élseyéxma, ekyaqtéssóxma aqsa chá'a negweteyk; nélhaxanmeyk eykhe chá'a eyáxñeyo éltátchesso ekhem, keñe nélweynchámeykencha'a aqsa chá'a ekyáqtésakxaxma agko'.

Isaías 60:2

Chapchek ekyaqtéssóxma náxop, apkelaqlákpek ekyaqtéssóxma m'a apyókxoho énxet'ák, elsaksek sa' eyke exma kélyetseksa'ák kéxegke m'a Wesse' egegkok, keytnak sa' kélnepyeseksa m'a apcheymákpoho.

Isaías 8:22

keñe sa' elanok makham náxop, elwetak sa' katnehek ekmaso apheykha tén han ekyaqtéssóxma, ekyaqtéssóxma tén han élyaqhápeykha apkelwáxok. Kápok sa' ekyaqtéssóxma ekyókxoho aqsok.

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 2:6

Axta kalyetnakhayók apkelwáxok hektamok ko'o, ektáha axta sélántekkesso m'a Egipto, ektáha axta seknaqleykha m'a yókxexma meykexa nak énxet, ekyamáyekxa nak xapop, ekxámokmakxa nak maxcha'a élmattawóneg, yókxexma meykexa nak yegmen, ekxámokmakxa nak aqsok eyeymáxche', yókxexma meykexa nak ekha, meyke nak ekyeykhágwayam ma'a.

Jeremías 23:12

Cháxa keñamak peya nak katnehek ekyáqtessóxma m'a ámay apagkok, tén han éláxñe agko': wának sa' ko'o kólyohog, tén sa' elyaqnenagkok. Ekyaqmagkásekxeyk sa' agkok ko'o melya'assáxma m'a, wahak sa' ko'o ekmaso apheykha. Ko'o sekxeyenma xa, sektáha nak Wesse'.

Jeremías 4:23

Élanawók axta ko'o xapop, méko axta xama aqsok, magya'áseyak ektémakxa axta nahan; énmexawók axta néten, méko axta élsassóxma.

Jeremías 50:6

“Máxa axta nepkések apkelxegányam la'a m'a énxet'ák ahagkok, ekmasól'a apkelmeykha m'a ektáha nak apkeláneykha, apchahayól'a aqsa elxeganmok ma'a egkexe nak. Apyaqmagkáseykegkek axta chá'a apkelmahéyak mók egkexe, weykmók axta élwagqámeykegko m'a apxanák nak.

Jeremías 6:21

Cháxa keñamak aptáha nak Wesse' egegkok se'e: “Wának sa' ko'o elpelapmok se'e énxet'ák nak tén han elyaqnenagkok. Esawhakpohok sa' eletsapok apyókxoho, cham'a apyapmeyk, apketchek tén han ma'a apnámakkok nak.”

Jeremías 8:15

Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Lamentaciones 4:17

Kelyampayak egaqta'ák nélhaxanma, nélhaxanmeyk eyke aqsa, chaqhémok nélhaxanma hempasmok. Nélhaxanmeyk eykhe elwak énxet'ák megkalmopwána nak hempasmok.

Ezequiel 21:15

Kóleyk sa' chá'a kéxegke xa, apxámok sa' katnehek élnapma. Eknegkenchessek ko'o sókwenaqte ekyetnamo nak ekyógkexma m'a apyókxoho kélxanák nak. Cháxa sókwenaqte kélyenmáseykekxa yaqwayam chá'a kalyenmaksexma xa; kélmaxneyeykekxa yaqwayam kalának chá'a nentekyawa.

Ezequiel 34:12

Sa' atnehek ko'o keytnakhaksohok ewáxok nepkések seknaqtósso m'a aptémól'a keláneykha nepkések keytnakhaksohok apwáxok yexpaqnek ma'a nepkések apnaqtósso; anaqlósawakxak sa' ma'a yókxexma apkelmaheykegkaxa axta apkexpánma ekwa'a axta ekhem ekmaso tén han éxchahayam ekyennaqte.

Ezequiel 36:15

Magwohok sa' chá'a kaxwók kóllegekxohok apkelxéneykha ekmaso m'a pók aptémakxa nak chá'a énxet'ák apkeleñama mók apkelókxa; kamaskok sa' kaxwók apkelenmexeyncha'a xa énxet'ák nak, hakte megkóltemessásekxók sa' chá'a kaxwók kéxegke meyke apketchek ma'a énxet'ák kélagkok. Ko'o sekxeyenma xa, sektáha nak Wesse'.’”

Joel 2:2

ekhem ekyáqtésso exma tén han ekho axta'a, yaphope ekyentaxno ekho pessesse. Apsawhawók sẽlpextétamo apkelyennaqte, tén han apxámokma m'a néten egkexe nak, máxa aptáhak ma'a ektémól'a ekyetcheyam la'a amonye' élseye. Megkótémaxchek chá'a katnehek nanók axta xa ektéma nak, megkólwetekxók sa' nahan chá'a katnekxa'.

Amós 4:13

Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Amós 5:18

¡Énxet'ák sa' laye, élpekhésso nak kawak Wesse' egegkok ekhem apagkok! ¿Kélya'ásegkóya kéxegke yaqwánxa katnehek xa ekhem nak? Ekyáqtéssóxma sa' katnehek, háwe sa' élseyéxma.

Malaquías 2:2

Hélyahákxoho sa' chá'a ko'o kéxegke, kólteme sa' chá'a naqsók séláyo. Sa' agkok chá'a kóltáhak xa ektáha nak, allegássesagkohok sa'. Xama aqsok ektaqnómaxche sa' ko'o atnessásekxak aqsok éltaqmalma kélwete nak chá'a kélteme kélmaxnéssesso énxet'ák ahagkok, eñama megkólteméssesso chá'a naqsók séláyo.” Ko'o sekxeyenma sektáha nak Wesse' ekha sekyennaqte.

Josué 7:19

Aptáhak axta Josué apcháneya m'a Acán: —Eyáxeg, etnésses sa' apcheymákpoho Wesse' egegkok, Dios apagkok nak Israel. Héltennés sa' ma'a aqsok apkelane nak. ¡Ná ekpós aqsa!

1 Samuel 6:5

Kóleykmássesha sa' tasqapma, tén han pomo'o aptawáseykencha'a nak negókxa, kóltemésses apcheymákpoho m'a Dios nak Israel; lapmaxcheyk sa' kamassegwók apkellegassáseykegkoho kéxegke, keñe han ma'a aqsok kéláyókxa nak chá'a, tén han kélókxa nak kéxegke.