Jeremías 13:10 - Biblia Enxet

¹⁰ Cháxa énxet'ák élmasagcha'a nak apkeltémakxa, megkalyaqwámeykegkok elyahakxohok ma'a séltémókxa nak ko'o etnahagkok, apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok. Apkelyetleykekxeyk ma'a mók aqsok kéláyókxa nak, yaqwayam etnahagkok éláneykha, tén han elpeykeshok chá'a. Aphawók xa kéltétamáxche ektepelchamáxche nak, megkólmowána nak kólmaha.

Jeremías 13:10 ပူးပေါင်းရင်းမြစ်များ

Salmos 78:8

metnahagkek ma'a aptamheykegkaxa axta apyapmeyk nano', élyennaqte apkelwáxok, tén han élyeyháxma, ekmanyehe eyaqmagkasek mók élchetamso apkelwáxok, ¡énxet'ák apkelyenseyam nak apkelyetleykha Dios!

Eclesiastés 11:9

Xép apteme nak apketkok, kapayhekxa apwáxok, ekyennákxa nak makham apyempehek, kapeykessásekxa apwáxok ma'a aqsok éltaqmela nak, keso apkepwagkexa nak makham. Elána' m'a ekxénakxa enxoho apwáxok elána', eñama m'a ekyókxoho aqsok apwete nak, kaxén eyke apwáxok Dios sa' ékpelkohok ma'a ekyókxoho aqsok apkelane nak xép.

Isaías 3:24

Kampak sa' ekpaqneyam ekmanyása ekyaqmageykekxa m'a sokmátsa; keñe sa' éltétamáxche katnehek ekyaqmageykekxa m'a táma'; keñe sa' ma'a éltaqmalma nak chá'a áwa', kayaqmagkasek ma'a meyke áwa' akqatkok; keñe sa' élántaxno apkelexyawáyól'a, etnehek apyaqmageykekxa m'a apáwa sẽlwáxaqxamól'a; keñe sa' ma'a éltaqmalma nak, kayaqmagkasek kélqaháseyak.

Jeremías 11:10

Apkeláneykegkokxeyk melya'assáxma ekhawo apkeláneykegko axta m'a apyapmeyk nano', cham'a mehelyeheykekxohok axta ko'o, apkelyetleykekxo axta m'a mók aqsok kéláyókxa tén han apkelpeykessamo. Meláneykegkok ekhémo mók nélpaqhetchásamáxkoho m'a énxet'ák Israel, tén han ma'a Judá sélánésso axta ko'o m'a apyapmeyk nano'.

Jeremías 11:18

Eñássek axta ko'o Wesse' egegkok apkelánegkokxo aptamhágkaxa sélenmexma apmako hetnéssessamhok exma ekmaso. Exekmóssek axta ko'o m'a, yaqwayam enxoho ay'asagkoho'.

Jeremías 13:7

Ekmeyákxeyk axta makham ma'a wátsam Éufrates, ekmetmeygkek axta, keñe sekleya kéltétamáxche m'a sekpekkenweykenxa axta sekpóssama, tepelchamáxcheyk axta eyke, mogwanchek axta kaxwók agmaha.

Jeremías 16:12

Kéxegke so eyesagchawo agkok aqsok kélláneyak, kélyeykhásseykmók ma'a kélyapmeyk nano' axta, kélyennaqtéssegkek aqsa chá'a kélwáxok kélxama kélyetleykekxo m'a ektémakxa nak chá'a élchetámeykha kélwáxok ekmaso, mehelyeheykekxohok nahan ko'o.

Jeremías 16:4

Eletsapok sa' eñama negmasse ekmaso agko', méko sa' nahan kalekxagwaha eñama apkeletsapma, méko sa' nahan kalátawanyek: kaxnagkokxak sa' aqsa náxop aphopák, ektémól'a aqsok ekteyáseykha. Kasáwak sa' kempakhakma tén han meyk élnapma, máma sa' etawagkok aphopák, tén han aqsok nawha'ák éllo.”

Jeremías 20:4

Hakte aptáhak Wesse' egegkok se'e: ‘Apkelmeneykha apxakkók sa' ko'o atnessásekxak xép, yeyk sa' nahan chá'a m'a apyókxoho apnámakkok nak; nápaqtók sa' xép elnáhakkasek apkelenmexma m'a apnámakkok nak. Almések sa' ko'o apyókxoho énxet'ák Judá m'a wesse' apwányam Babilonia, enaqlakxak sa' ma'a Babilonia essenhan elnápok.

Jeremías 22:21

Élpaqhetchessegkek axta eykhe kéxegke m'a ektaqmalmakxa axta kélheykha, axta eyke hélháxenmo'. Cháxa kéltémakxa axta kéxegke xa, eyeynamo m'a kéltémakxa axta kélketkók: ¡megkólmenyeyk axta kóleyxhok sekpeywa!

Jeremías 23:17

Etnehek chá'a elának apkelwanyeykha nak chá'a sekpeywa s'e: ‘Méko sa' katnehek ektáhakxa kélheykha kéxegke.’ Keñe m'a apkelyennaqtésso nak chá'a apkelwáxok apkelyetleykekxa m'a ektémakxa élchetámeykha apkelwáxok, etnehek chá'a elának se'e: ‘Megkáhapweyk sa' xama enxoho aqsok ekmaso.’”

Jeremías 3:17

Wesse' egegkok aptaháno ektaqmalma sa' kólteméssesek ekwesey m'a Jerusalén; apyókxoho pók aptémakxa énxet'ák sa' yaqnekxak ma'a, yaqwayam hélpeykesho'; kamaskok sa' elyetlakxohok ma'a ektémakxa nak élmámenyého apkelwáxok elanagkok aqsok ekmaso eñama élyennaqte, yaqwayam sa' etnehek ko'o seyáyo, kamaskok sa' etnahagkok élyennaqte apkelwáxok elanagkok ma'a aqsok ekmaso nak.

Jeremías 35:15

Ketók pók axta eykhe ektemék séláphássesso chá'a apyókxoho m'a séláneykha apkellegasso nak chá'a sekpeywa, yaqwayam etnehek elának se'e: Kólwátésák kéltémakxa ekmaso, tén han ekmaso kéllánéyak aqsok. Nágkólyetlakxa m'a mók aqsok kéláyókxa nak, nágkólpeykesho han, keñe sa' kóllenxanmagkohok kélheykha s'e xapop sekmésso axta ko'o kéxegke, tén han ma'a kélyapmeyk nano' axta. Makke kéxegke hélháxenmo', mehelyeheykekxohok nahan.

Jeremías 44:16

—Mólyahakxeyk sa' negko'o xa amya'a senseykentegkesso nak xép, eñama nak Wesse' egegkok.

Jeremías 44:5

Axta eyke kéxegke hélyeheykekxoho', axta nahan hélháxenmo'. Megkólwátéseykegkok kélláneyak aqsok ekmaso, kéllenxanmeykegkók aqsa kélmésso aqsok ánek ekmátsa nak ekpaqneyam éten agkok ma'a mók aqsok kéláyókxa nak.

Jeremías 5:23

Kalyéha'ak kéxegke kélwáxok, megkólyaheykekxoho amya'a nahan; élyamasmeyk ko'o, keñe kélxegama.

Jeremías 7:13

Hágkaxwe axta eykhe ko'o altennásekxohok kéltémakxa, axta eyke kólmáheyók kéxegke hélyahakxoho, axta nahan hélátegmoweykegkokxa'. Ko'o sekxeyenma xa, sektáha nak Wesse'.

Jeremías 7:6

megkólnaqtawásegkoho enxoho m'a apkeleñama nak mók nekha, tén han ma'a élyéheykha nak, tén han ma'a xentampe'e nak, tén han megkólnapa enxoho chá'a énxet'ák meyke nak apkeltémakxa s'e yókxexma nak, tén han megkólpeykásawo enxoho m'a mók aqsok kéláyókxa, yaqwayam enxoho kólsexnánéxkohok kélagko' kéxegke,

Jeremías 8:5

Israel, ¿yaqsa eyke ektéma sénmexeykekxo nak? Jerusalén, ¿yaqsa eyke ektéma seyamasma agko' nak ko'o? ¿Yaqsa ektéma aptéma nak ekyennaqte apwáxok tén han memáheyo nak hey'óta'?

Jeremías 9:13

Aptáhak axta Wesse' egegkok apchátegmowágko s'e: “Temegkek ekyókxoho xa, hakte apkelyamasmeyk israelitas ma'a segánamakxa sekmésso axta ko'o; mehelyeheykekxoho', meláneykegkok ma'a ektémakxa nak sekpeywa.

Jeremías 9:14

Apkelyennaqtéssegkek aqsa apkelwáxok apkelyetleykekxo m'a ektémakxa nak chá'a élchetámeykha apkelwáxok, apkelpeykessamók ma'a aqsok kéláyókxa élmowancha'a amya'a nak, cham'a ektémakxa axta apkelxekmowáseyak ma'a apyapmeyk nano'.

Jeremías 9:6

elyaqmagkasek apkeltémakxa. Aptáhak Wesse' egegkok se'e: “¡Ketók mók apketámeyak pók, ketók mók apkelyexancháseykha pók! Memáheyók ko'o hékpelchágwók énxet'ák ahagkok.

Números 14:11

Aptáhak axta Wesse' egegkok apcháneya Moisés se'e: —¿Háxko sa' ekwánxa kammok apkellenxanmeykegkoho sewanyeykha ko'o xa énxet'ák nak? ¿Háxko sa' ekwánxa kammok sey'ásseyam ko'o neyseksók eykhe ko'o sélane aqsok sempelakkasso nak agwetak nepyeseksa?