Jeremías 12:7 - Biblia Enxet

⁷ “Éxakkek ko'o énxet'ák ahagkok, ektaqnawágwokmek ma'a ektáha axta ahagkok. Ekméssek ko'o yaqwayam elmok apkelenmexma m'a énxet'ák aptáha axta ko'o sélásekhayókxa.

Jeremías 12:7 ပူးပေါင်းရင်းမြစ်များ

2 Reyes 21:14

Keñe sa' ma'a énxet'ák ahagkok apkeleymomap nak, akxák sa', almések sa' ma'a apkelenmexma nak, yaqwayam sa' elyementók aqsok apagkok, tén han esawhaksoho'.

Salmos 106:40

Apkeltaqnaweykegkek axta Wesse' egegkok ma'a énxet'ák apagkok nak, massegkek axta ekleklamo apwáxok ma'a ektáha axta apagkok;

Salmos 78:62

Apméssegkek axta yaqwayam elnápok énxet'ák apagkok ma'a apkelenmexma, hakte apkeltaqnaweykegkók apagko' axta.

Isaías 2:6

Wesse', apkexakhamchek xép énxet'ák apagkok, cham'a Jacob énxet'ák apagkok nak; hakte apxámok apagko' apchókxa m'a énxet'ák ekha nak apmopwancha'a, apkeleñama nak ma'a teyapmakxa ekhem, cham'a apkelyohóxma ektéma nak nepyeseksa m'a énxet'ák filisteos, apkelpasmomákpók nahan chá'a m'a énxet'ák megkatnaha nak apchókxa xamo'.

Jeremías 11:15

“Énxet'ák Israel, sekteme nak sélásekhayo ¿Yaqsa kélchetamsa'akto s'e tegma appagkanamap ahagkok nak, natámen kéllánéyak aqsok ekmaso? ¿Kélaneykeya kéxegke kamasséssesek eyáhapwe ekmaso kélheykha m'a kélnaqtósso kélnapma nak pexmok agkok, tén han ma'a ápetek nak? ¿Kólegketaxcheya sa'?”

Jeremías 14:19

Wesse', ¿apkexakkek apagkóya exchep ma'a énxet'ák Judá? ¿Leklágwokmeya exchep apkeltémakxa m'a énxet'ák apheykha nak tegma apwányam Sión? ¿Yaqsa ektáha sẽlyensásegko nak negko'o meyke néltaqmelwayam? Nélhaxanmeyk axta kataqmelek negheykha, makke anxaweyk xama enxoho aqsok ektaqmela. Nélhaxanmeyk axta kawak élyenneykha egyempehek, nélmeneykha axta aqsa negweteyk.

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 22:5

Keñe sa' megkólyahákxoho enxoho s'e séltennasso nak, nápakha'a apketkók sa' etnekxak se'e tegma apyawe nak. Ko'o sekxeyenma xa, sektáha nak Wesse'.’”

Jeremías 23:33

“Jeremías, aptemék sa' agkok xama énxet, essenhan aplegasso nak sekpeywa, essenhan apkelmaxnéssesso nak énxet'ák ahagkok elmaxneyha s'e: ‘¿Háxko apkeltémókxa antéhek Wesse' egegkok?’ Etne sa' elának se'e: ‘Apxénchek kéxegke Wesse' egegkok kéltáha apseykha ekyentaxno, peyk han yohok kólpallamok.’

Jeremías 23:39

alpatmekxak sa' ko'o kéxegke ektémól'a nempata ekyentaxno, yetlo tegma apwányam sekmésso axta ko'o kéxegke, tén han ma'a kélyapmeyk nano' axta, keñe sa' akxakhagwók makhawók agko'.

Jeremías 51:5

apkeláneykegkek eykhe melya'assáxma nahaqtók ko'o m'a énxet'ák Israel tén han Judá, apsawheyáseykekxók melya'assáxma m'a apchókxa, makke akxakhák ko'o makham, sektáha nak Wesse' ekha sekyennaqte, Dios Appagkanamap nak Israel.

Jeremías 7:14

Sa' atnéssesek han ko'o sekteméssessamakxa axta kélpakxanma appagkanamap apyetnama nak Siló s'e tegma appagkanamap sélpeykessamókxa nak chá'a ko'o, sekmésso axta ko'o kéxegke, tén han ma'a kélyapmeyk nano', tén han kélásenneykekxo nak chá'a kéxegke.

Jeremías 7:29

¡Énxet'ák Jerusalén, kólyaqtén kélwa', keñe sa' kólchexa'! ¡Kólmeneykmés sa' negmeneykmasso senlapwayam ma'a néten nak xóp eyáxñeyo meykexa nak xama aqsok! Hakte apkeltaqnaweygkek Wesse' egegkok ma'a énxet'ák kélagkok nak, apkexakke', apkelyetnakhássek nahan.

Ezequiel 24:21

‘Etne sa' elának énxet'ák Israel se'e: Keso aptáhakxa exchek appeywa Wesse' egegkok se'e: Atwasha sa' ko'o tegma appagkanamap ahagkok, cham'a kélmámenyého kélagko' nak chá'a kéxegke kóllano' tén han kélásekhayo kélagko' nak chá'a, tén han éleymáxkoho nak chá'a kélpaqméteykha kólxénmakha, tén han apmésso nak chá'a kélyennaqte; katekyók sa' ma'a kélketchek kélnegkeneykekxa axta m'a Jerusalén, cham'a apkelennay'a nak tén ma'a kelwán'ák nak.

Oseas 11:1

“Eyásekhayók axta chá'a ko'o Israel aptémakxa axta sakcha'a; Egipto axta apkeñamak sekwóneykencha'a ko'o m'a, hakte, hatte axta ko'o m'a.

Oseas 9:15

Aptáhak Wesse' egegkok se'e: “Apkeláneykegkek axta ekyókxoho aqsok ekmaso m'a Guilgal, cha'a seyeynamókxa axta ko'o séltaqnawéyak ma'a. Alántekkesek sa' ko'o exagkok, eñama ekmaso m'a aqsok apkeláneyak; malásekheyk sa' chá'a kaxwo', hakte kalyeyha'ak apkelwáxok ma'a apyókxoho apkelámha apmonye'e apagkok nak.

Joel 2:15

¡Kólpáwes kélaqkahasso m'a egkexe Sión! Kóláneyha énxet'ák, kóltennés peya megkóltawagkehek kéltéyak;

Joel 3:2

Wánchásekxak sa' apyókxoho pók aptémakxa énxet'ák, alya'aksek sa' ma'a xóp ekyapwate nak Josafat, sa' alyekpelkohok ko'o m'a, apteméssessamakxa axta m'a énxet'ák ahagkok Israel. Hakte apkexpánchessegkek axta énxet'ák Israel apkelya'assama chá'a ekyókxoho keso nélwanmégkaxa', apmelassamákpek axta seyókxa.

Deuteronomio 33:12

Keñe axta aptáha apxéna Benjamín se'e: “Méko katnehek apweynchámeykha m'a apchásekhayo nak chá'a Wesse' egegkok; etaqmelchesek sa' chá'a m'a Meyke nak Ekhémo. ¡Emyók sa' chá'a!”