Jeremías 12:6 - Biblia Enxet

⁶ Weykmók xép apkelenmexeykekxa m'a apkelyáxeg'a apancha'awo nak, tén han ma'a apnámakkok apagko' nak, neptámen chá'a elpáxegkesha ématchesha. Nágyáwho aqsa exchep ma'a, tásek sa' eykhe chá'a katnehek apkelpeywa elána'.’

Jeremías 12:6 ပူးပေါင်းရင်းမြစ်များ

Job 6:15

makke kéxegke hélpasmak, énámakkok, máxa m'a alwáta' ekyamayél'a.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 12:3

Wesse', emasséssamho apagko' ma'a apkelxeyenma nak chá'a meltemegweykmoho exma, tén han ma'a éleymáxkoho nak chá'a apkelpaqméteykha,

Salmos 69:8

¡máxa mók nekha séñama etnéssessók ma'a élyáxeg'a ahancha'awo' nak, máxa mehey'ásegko aptemék ma'a énámakkok nak!

Proverbios 23:8

eyekxagkok sa' natámen apto xa apto nak, megkapasmehek sa' ma'a aptáhakxa exchek xép ektaqmeleyncha'a appeywa apkelana.

Proverbios 26:25

Ná etnésses aqsa naqso' ektaqmeleyncha'a enxoho chá'a appeywa elána', hakte láneyók apwáxok ekmaso nentémakxa m'a;

Isaías 31:4

Aptáhak seyáneya Wesse' egegkok se'e: “Sa' etnehek éxyók Wesse' ekha nak apyennaqte epásegwaták énxet'ák apagkok apheykha nak Sión ma'a ektémól'a xama méwa eyaqhél'a xama nepkések, megkayél'a eyaqmaksek ma'a ektáha nak apkeláneykha, megkahaxanmal'a apxámokma yaqnekxak keláneykha nepkések eltamhok égwakkasek elwónchesek.

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Jeremías 11:21

Keñe m'a énxet'ák Anatot, apmáheyo nak chá'a heyaqhek, apkeltémo nak chá'a maxének ma'a Wesse' egegkok apwesey, maltamho enxoho heyaqhek,

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 9:2

¡Kaxho annal'a xama yókxexma sekhamakxa m'a meykexa nak énxet, yaqwayam enxoho axnamok makhawo' akxák apheykegkaxa m'a énxet'ák ahagkok! Hakte apyókxoho aptamhéyak apnaqtawáseykegkoho apnaqteyegka'a m'a apkelánegwayam chá'a mók; tén han appelakkassesso chá'a elsexnenak apnámakkok.

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:4

Nágkóleyxho kaxwók ma'a kélxegexma nak, tén han ma'a kélyáxeg kélagko' nak, hakte elyexanchesha nahan chá'a pók ma'a apkelyáxeg apancha'awo nak, elxénekxohok nahan chá'a ekmaso pók ma'a apkelxegexma'a nak.

Jeremías 9:5

Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek